Khmer Circle:
'Conspiracy to commit treason'! Chilling charges and vilifications once used by "Angka Leu" ['Organisation On-High' and pseudonym for orders issued by Hanoi for its covert operations throughout Indo-China] against innocents that had led to mass graves and incarceration centres like Toul Sleng's 'S-21' ['Security 21'] among many others in 1970s. Today's detention centres or prisons such as the notorious 'Prey Sar Correctional Centres' are in reality extensions of Angka Leu's 'S-21' facilities designed to silence the Khmer people and instil fear in the populace.
🔺🔺🔺
ដោយ ខែ សុណង
2021-06-30 rfa
យុវតី ស៊ុន រដ្ឋា ធ្វើការងារបរិស្ថាន រហូតរងបទចោទរួមគំនិតក្បត់។
រូប៖ ចលនាមាតាធម្មជាតិ។
កញ្ញា ស៊ុន រដ្ឋា ជាយុវតីមួយរូបដែលស្រឡាញ់បរិស្ថាន និងជាប់ចិត្តខ្លាំងជាមួយភាពស្រស់បំព្រងនៃធម្មជាតិ។ នាងស្អប់ខ្ពើមអំពើអយុត្តិធម៌សង្គម និងការបំផ្លិចបំផ្លាញធនធានធម្មជាតិ ដោយសារតែបែបនេះហើយ ទើបនាងចូលប្រឡូកក្នុងការងារជាសកម្មជនបរិស្ថាន។
យុវតី ស៊ុន រដ្ឋា មានអាយុ ២៦ ឆ្នាំ។ នាងមានស្រុកកំណើតនៅសង្កាត់អូចារ ក្រុងបាត់ដំបង ខេត្តបាត់ដំបង។ នាងជាកូនទី៤ នៅក្នុងគ្រួសារដែលមានបងប្អូនសរុប ៥ នាក់។ ឪពុកម្តាយរបស់នាង មានមុខរបរជាជាងតទឹក និងតំឡើងប្រព័ន្ធទឹក។ ពួកគាត់បានផ្លាស់ទៅរស់នៅឃុំពេជ្រចិន្ដា ស្រុកភ្នំព្រឹក្ស ខេត្តបាត់ដំបងវិញ នៅពេលរដ្ឋាចុះឈ្មោះចូលរៀនថ្នាក់បឋមសិក្សា។
ម្តាយរបស់កញ្ញា ស៊ុន រដ្ឋា គឺលោកស្រី ដួង រី រៀបរាប់ថា កូនរបស់លោកស្រីម្នាក់នេះឈ្លាសវៃ និងរៀនពូកែតាំងពីតូច ជាពិសេសរូបគេចេះចូលរួមការងារសង្គមតាំងពីនៅថ្នាក់មធ្យមសិក្សា។ លោកស្រីបញ្ជាក់ទៀតថា រដ្ឋាជាក្មេងម្នាក់ដែលប្រណិប័តន៍ឪពុកម្តាយ និងគ្រួសារយ៉ាងខ្ជាប់ខ្ជូន ដោយមិនមានទាស់ចំណុចណានោះទេ៖ «វាមិនដែលទៅធ្វើអ្វីខុសទេ សូម្បីតែគ្រូស្រឡាញ់វាដែរ។ វាមិនដែលថា មានទំនាស់ជាមួយអ្នកណា អ្នកណី អត់ទេ។ ហើយរៀនបានលេខ១ លេខ២ រាល់ឆ្នាំ ហើយដល់ឆ្នាំវាជិតប្រឡង ថ្នាក់ទី១១ ទី១២ វាចូលខាងក្រុមយុវជន។ វាដើរមើលតាមភូមិ ចែកអំណោយតាមឃុំ តាមអ៊ីចឹងទៅ»។
កញ្ញា ស៊ុន រដ្ឋា សកម្មជនបរិស្ថាននៃអង្គការមាតាធម្មជាតិ ដែលកំពុងជាប់ពន្ធនាគារក្រោមការចោទប្រកាន់ពីបទរួមគំនិតក្បត់។
លោកស្រី ព្រុំ ចាន់ថា ជាម្ដាយ និងកុមារា កាក់ សុវណ្ណច្ឆ័យ ថតថ្ងៃទី៦ ខែតុលា ឆ្នាំ២០២០ ក្រោយពីកុមារារូបនេះចេញពីមន្ទីរឃុំឃាំង។
