Khmer Circle:
Most - if not all - the regime's leading officials and their close relatives who are implicated in the country's rights violations and attack upon democracy have their assets deposited overseas; not North Korea or China, but countries with established democratic institutions and relative political stability, and that's the main reason why the assets have been there in the first place.
We have seen this practice of issuing public statements of condemnation levelled at the regime for decades and the overall outcome has been rather disappointing and negligible at best, with it being able to continue abusing political and human rights at will and doing so as usual. Why then not identify their sources of power and work at those sources to deny them their strength and motivation to carry on the abuse?
It’s not only the dozens at the regime’s helm of leadership who can be punished in this way but also the rank-and-file officials who help to prop up its abuses as well as the business elite who thrive upon its patronage and corruption culture who must be reined in. In fact, punishing the latter groups in the pockets will be the more effective way of isolating the leading figures at the helm of the regime’s leadership for without their support and allegiance the regime itself would become fragmented and start to crumble.
🔺🔺🔺
ដោយ មាន ឫទ្ធិ
2021-08-24 rfa
ក្រុមអ្នកជំនាញ អ.ស.ប ថ្កោលទោសចំពោះការផ្តន្ទាទោសមេដឹកនាំសហជីពកម្មករ និងការបង្ក្រាបជាប្រព័ន្ធទៅលើអ្នកការពារសិទ្ធិមនុស្សនៅកម្ពុជា កាលពីថ្ងៃទី២៤ ខែសីហា ឆ្នាំ២០២១។
រូប៖ OHCHR
ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិថ្កោលទោសចំពោះការផ្តន្ទាទោសមេដឹកនាំសហជីពកម្មករលោក រ៉ុង ឈុន និងការបង្ក្រាបជាប្រព័ន្ធទៅលើអ្នកការពារសិទ្ធិមនុស្សនៅកម្ពុជា។ ក្រុមអ្នកជំនាញទាំងនោះ រំឭកឱ្យកម្ពុជាគោរពតាមការសន្យារបស់ខ្លួនក្នុងការបញ្ឈប់ការយាយី និងចាប់ខ្លួនអ្នកការពារសិទ្ធិមនុស្សដោយបំពានតទៅទៀត។ ពួកគេគូសបញ្ជាក់ថា រដ្ឋាភិបាលកម្ពុជា ចាំបាច់ត្រូវបង្កើតបរិយាកាសដែលអនុញ្ញាតឱ្យពលរដ្ឋគ្រប់រូបទទួលបានសិទ្ធិជាមូលដ្ឋានឡើងវិញ។ តំណាងកម្ពុជា បដិសេធការលើកឡើងទាំងនេះ និងចោទក្រុមអ្នកជំនាញសិទ្ធិមនុស្សរបស់អង្គការសហប្រជាជាតិទាំងនេះម្ដងទៀតថា ពុំបានយកចិត្តទុកដាក់ដល់ការអនុវត្តច្បាប់នៅកម្ពុជា។
ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិ ៤រូប ក្នុងនោះ រួមមាន អ្នករាយការណ៍ពិសេស ស្តីពី ស្ថានភាពសិទ្ធិមនុស្សនៅកម្ពុជាលោក វិទិត ម៉ុនតាប៊ន(Vitit Muntarbhorn)និងអ្នករាយការណ៍ពិសេស ស្តីពី ស្ថានភាពអ្នកការពារសិទ្ធិមនុស្សអ្នកស្រី ម៉ារី ឡល័រ (Mary Lawlor) នៅថ្ងៃទី២៤ ខែសីហា ថ្កោលទោសអាជ្ញាធរកម្ពុជាដែលបានផ្តន្ទាទោសមេសហជីពល្បីឈ្មោះ គឺលោក រ៉ុង ឈុន និងសកម្មជនពីររូបទៀត គឺកញ្ញា ស កន្និកា និងលោក តុន និមល។
ការថ្កោលទោសនេះ ធ្វើឡើងក្រោយតុលាការក្រុងភ្នំពេញបានកាត់ទោសលោក រ៉ុង ឈុន ឱ្យជាប់គុកអតិបរមារយៈពេល ២ឆ្នាំ ដោយសារតែលោកបានអត្ថាធិប្បាយជុំវិញការអះអាងពីការបាត់បង់ដីសហគមន៍ និងការបណ្តេញចេញដោយបង្ខំនៅតាមបន្ទាត់ព្រំដែនកម្ពុជា-វៀតណាម។ តុលាការដដែលនេះក៏បានកាត់ទោសកញ្ញា ស កន្និកា និងលោក តុន និមល ឱ្យជាប់គុករយៈពេល ២០ខែ ដោយសារតែពួកគេបានចូលរួមធ្វើបាតុកម្មអំពាវនាវឱ្យដោះលែងលោក រ៉ុង ឈុន។ ពួកគេទាំងបីរូបនេះ ក៏រងនូវការពិន័យជាទឹកប្រាក់ប្រមាណ ១សែនដុល្លារ ផងដែរ។
អ្នករាយការណ៍ពិសេសលោក វិទិត ម៉ុនតារបន ហៅការដាក់គុក និងការពិន័យយ៉ាងធ្ងន់ធ្ងរចំពោះសកម្មជនទាំងបីរូបនេះថា «មិនសមហេតុផល និងមិនសមាមាត្រឡើយ»។ រីឯ អ្នករាយការណ៍ពិសេសអ្នកស្រី ម៉ារី ឡល័រ មានប្រសាសន៍ថា អ្នកការពារសិទ្ធិមនុស្សមិនគួរត្រូវបានចាប់ខ្លួន ឃុំខ្លួន ឬផ្តន្ទាទោសចំពោះកិច្ចខិតខំប្រឹងប្រែងរបស់ពួកគេដើម្បីការពារសិទ្ធិមនុស្សអ្នកដទៃឡើយ។
ក្រៅពីនោះ ក្រុមអ្នកជំនាញសិទ្ធិមនុស្សដដែលក៏សម្តែងកង្វល់ជាខ្លាំងដែលរដ្ឋាភិបាលកម្ពុជានៅតែប្រើប្រាស់ «បទញុះញង់ឱ្យប្រព្រឹត្តបទឧក្រិដ្ឋ» នៃមាត្រា ៤៩៤ និង៤៩៥ នៃក្រមព្រហ្មទណ្ឌ ដែលពួកគេថា បង្កប់ដោយពាក្យពេចន៍ស្រពិចស្រពិល ដើម្បីបង្ក្រាបមតិជំទាស់ និងបំបិទមាត់ការបញ្ចេញមតិដោយសេរីនៅកម្ពុជា។
ប្រតិកម្មតបនឹងការថ្កោលទោសរបស់ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិទាំងនេះ តំណាងកម្ពុជាប្រចាំអង្គការសហប្រជាជាតិនៅទីក្រុងហ្សឺណែវ ប្រទេសស្វីស ចោទក្រុមអ្នកជំនាញទាំងនោះថា ពុំបានផ្តល់ការយកចិត្តទុកដាក់ចំពោះសារៈសំខាន់នៃការអនុវត្តច្បាប់នៅកម្ពុជា។ តំណាងកម្ពុជា បកស្រាយថា លោក រ៉ុង ឈុន ធ្វើអត្ថាធិប្បាយលើបញ្ហាព្រំដែនដោយប្រើប្រាស់អ្វីមួយដែលលោកហៅថា ជា «ព័ត៌មានបំភ្លៃការពិត និងបំផ្លើស» ដែលជារូបភាពនៃសេរីភាពបញ្ចេញមតិជ្រុលហួសហេតុ និងអាចដុតបញ្ឆេះឱ្យមានការកើនឡើងនូវទស្សនៈជាតិនិយមជ្រុល។
ជារឿយៗ អំណះអំណាងពីការអនុវត្តច្បាប់ តែងត្រូវតំណាងកម្ពុជា និងមន្ត្រីរដ្ឋាភិបាលលើកយកមកធ្វើជាអំណះអំណាងឆ្លើយតបទៅនឹងការរិះគន់នានារបស់អន្តរជាតិ។ ក៏ប៉ុន្តែ ការអនុវត្តច្បាប់របស់អាជ្ញាធរកម្ពុជា ត្រូវគេដឹងឮពាសពេញសាកលលោកថា ជាការរំលោភច្បាប់។ ជារៀងរាល់ឆ្នាំ កម្ពុជាជាប់ចំណាត់ថ្នាក់ជាប់បាតតារាងជាប្រទេសពូកែខាងរំលោភច្បាប់ជាគេ ផ្អែកតាមសន្ទស្សន៍នីតិរដ្ឋ ឬការគោរពច្បាប់របស់អង្គការគម្រោងយុត្តិធម៌អន្តរជាតិ។
ក្រៅពីការថ្កោលទោសចំពោះការផ្តន្ទាទោសលោក រ៉ុង ឈុន និងសកម្មជនសិទ្ធិមនុស្សនានា ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិ ក៏បានរិះគន់ដល់ការបដិសេធជាប្រព័ន្ធនូវពាក្យសុំនៅក្រៅឃុំ ដែលជាគោលការណ៍ ក្រោមច្បាប់កម្ពុជា ជនជាប់ចោទគួរតែមានសេរីភាពក្នុងពេលរង់ចាំការជំនុំជម្រះ។ ពួកគេលើកឡើងថា ការណ៍នេះរឹតតែសំខាន់ថែមទៀត នៅស្របពេលដែលប្រព័ន្ធពន្ធនាគារនៅកម្ពុជាមានមនុស្សចង្អៀតណែន ហើយមានអ្នកជាប់ឃុំ និងអ្នកទោសរាប់រយនាក់បានកើតជំងឺកូវីដ-១៩។
ក្រុមអ្នកជំនាញសិទ្ធិមនុស្សរបស់អង្គការសហប្រជាជាតិគូសបញ្ជាក់ថា ពួកគេមានកង្វល់ជាខ្លាំងដែល «បទញុះញង់ឱ្យប្រព្រឹត្តបទឧក្រិដ្ឋ» ត្រូវបានរដ្ឋាភិបាលយកមកប្រើប្រាស់ជាប្រព័ន្ធដើម្បីកំណត់គោលដៅទៅលើអ្នកការពារសិទ្ធិមនុស្សជារួម។ ពួកគេអំពាវនាវឱ្យរដ្ឋាភិបាលបញ្ឈប់ការប្រើប្រាស់ច្បាប់ដើម្បីកំណត់គោលដៅលើបុគ្គលទាំងឡាយដែលកំពុងធ្វើការដើម្បីលើកកម្ពស់ និងការពារសិទ្ធិអ្នកដទៃ។ ក្រុមអ្នកជំនាញសិទ្ធិមនុស្សដដែល លើកទឹកចិត្តឱ្យអាជ្ញាធរកម្ពុជាចាត់វិធានការជាក់ស្តែង ដើម្បីបញ្ចប់ការបំភិតបំភ័យ និងការយាយីរំខានដល់អ្នកការពារសិទ្ធិមនុស្សទាំងអស់៕
1 comment:
Khmer people need to march peacefully, assertively, and bravely demanding for the release of Rong Chhun and the reinstatement of the CNRP.
These 2 issues are absolute just causes for our struggle to free Cambodia from the evil Yuon and Ah Kwack Hun Sen.
To make the signatories of the 1991 Paris Peace Accord reconvene, we have to sacrifice about 3 thousands people during this peaceful demonstration to free Rong Chhun and the restoration of the CNRP. Without this noble sacrifice, the international community has no reason to intervene in Cambodia. We must help ourselves first before others help us.
This is the right way to fight Ah Kwack and Yuon. The fight that will produce a lasting peace for Cambodia. Getting the CNRP into the upcoming electoral process is the first step we must do.
Post a Comment