ដោយ សុ ជីវី
2017-01-20
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង ថ្លែងទៅកាន់អ្នកគាំទ្រ នៅថ្ងៃទី៣០ ខែឧសភា ឆ្នាំ២០១៦។
Photo: RFA
គណបក្សប្រឆាំងនឹងងាកទៅនិយាយជាមួយប្រជាពលរដ្ឋមូលដ្ឋានវិញ នៅពេលគណបក្សកាន់អំណាចមិនជួបចរចា។
អ្នកតំណាងរាស្ត្រ និងជាមន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង បានសរសេរនៅលើ បណ្ដាញទំនាក់ទំនងសង្គមហ្វេសប៊ុក (Facebook)របស់លោក នៅរសៀលថ្ងៃទី ២០ ខែ មករា ថា នៅក្នុងកិច្ចប្រជុំនៃថ្នាក់ដឹកនាំគណបក្សសង្គ្រោះជាតិរាជធានី ខេត្ត នៅទីស្នាក់ការបក្ស ប្រធានស្ដីទី គណបក្សប្រឆាំង គឺ លោក កឹម សុខា បានថ្លែងថា បើគណបក្សកាន់អំណាចមិនត្រូវការជួបចរចាជាមួយទេ នោះបក្សប្រឆាំងត្រូវនាំគ្នាទៅនិយាយជាមួយពលរដ្ឋនៅមូលដ្ឋានវិញ។
កាលពីថ្ងៃទី១៨ ខែ មករា លោក ស ខេង រដ្ឋមន្ត្រីក្រសួងមហាផ្ទៃបានផ្លាស់ប្ដូរចិត្តភ្លាមៗ លើកពេលចរចាជាមួយលោក កឹម សុខា ដោយមិនកំណត់ថ្ងៃចរចាជាក់លាក់។ ដំបូងឡើយ ប្រធានថ្នាក់ដឹកនាំតំណាងរាស្ត្រគណបក្សប្រជាជនកម្ពុជា លោក ស ខេង បានផ្ញើលិខិតទៅលោក លោក កឹម សុខា ប្រធានថ្នាក់ដឹកនាំតំណាងរាស្ត្រគណបក្សសង្គ្រោះជាតិ សន្យាជួបគ្នាថ្ងៃទី២៥ ខែ មករា។
ការលប់ចោលការប្រជុំនេះបន្ទាប់ពី លោកនាយករដ្ឋមន្ត្រី ហ៊ុន សែន កាលពី នៅថ្ងៃទី១៦ មករាបានប្រាប់សារព័ត៌មានក្នុងស្រុកថា លោកចង់រំលាយ ប្រធានក្រុមមតិភាគតិច និងប្រធានក្រុមថ្នាក់ដឹកនាំតំណាងរាស្ត្រនៅក្នុងសភាចោលដោយធ្វើវិសោធនកម្មបទបញ្ជាផ្ទៃក្នុងរដ្ឋសភាត្រង់ប្រការ៤៨ថ្មី (បី) ព្រោះ មិនបាច់ពិបាករៀបចំរបៀបវារៈនៃការប្រជុំ៕
No comments:
Post a Comment