គណបក្សប្រជាជនកម្ពុជាប្ដឹងលោក អ៊ូ វីរៈ ចោទពីបទបរិហារកេរ្តិ៍ជាសាធារណៈ
ដោយ ថា កិត្យា
2016-04-25
ប្រធានអង្គការវេទិកាអនាគត និងជាអ្នកឃ្លាំមើលស្ថានការណ៍នយោបាយ លោក អ៊ូ វីរៈ ក្នុងកម្មវិធីវេទិកាអ្នកស្ដាប់វិទ្យុអាស៊ីសេរី កាលពីយប់ថ្ងៃទី១៥ ខែមីនា ឆ្នាំ២០១៦។
Photo: RFA
គណបក្សប្រជាជនកម្ពុជា សម្រេចដាក់ពាក្យប្ដឹងអ្នកវិភាគឯករាជ្យ លោក អ៊ូ វីរៈ ពីបទបរិហារកេរ្តិ៍ជាសាធារណៈ បន្ទាប់ពីលោកបានវិភាគថា យុទ្ធសាស្ត្ររបស់គណបក្សកាន់អំណាចនៅពេលនេះ គឺព្យាយាមគាបសង្កត់ លោក កឹម សុខា និងហិរញ្ញវត្ថុរបស់លោក ពាក់ព័ន្ធនឹងសំណុំរឿងអាស្រូវស្នេហាជាមួយអ្នកនាង ខុម ចាន់តារាទី ហៅ ស្រីមុំ។
សង្គមស៊ីវិលមួយចំនួនយល់ថា ចំណាត់ការរបស់គណបក្សកាន់អំណាចលើអ្នកវិភាគឯករាជ្យ គឺកាន់តែនាំឲ្យខូចឈ្មោះកាន់តែខ្លាំង។ ពួកគេថា គណបក្សកាន់អំណាច គួរតែចេញមុខបកស្រាយ មិនគួរចេញមុខប្តឹងផ្តល់នោះទេ ព្រោះជាការរំលោភលើសិទ្ធិបញ្ចេញមតិ និងប៉ះពាល់ដល់លទ្ធិប្រជាធិបតេយ្យ។
No comments:
Post a Comment