រូបិយប័ណ្ណចិន
ទីភ្នាក់ងារព័ត៌មាន Reuters បានផ្សាយថា ប្រទេសនេះ បានសម្រេចដាក់ទោសប្រហារជីវិតអតីតប្រធានបក្សកុំម្មុយនីស្តចិនប្រចាំខេត្តយុនណាន់ ពីបទស៊ីសំណូក ដែល Reuters ថា នេះគឺជាមន្ត្រីចិនថ្មីមួយទៀត ដែលស្ថិតនៅក្នុងសង្គ្រាមបោសសម្អាតអំពើពុករលួយរបស់ប្រធានាធិបតីចិន លោក ស៊ី ជិនពីង។
Reuters បានដកស្រង់សម្ដីតុលាការចិន ចុះផ្សាយថា លោក ប៉ៃ អេនភី (Bai Enpei) អាយុ ៧០ឆ្នាំ បានរំលោភតួនាទីរបស់លោក ក្នុងនាមលោកជាប្រធានបក្សប្រចាំខេត្តយុនណាន់រហូតដល់ឆ្នាំ២០១១ និងតំណែងមន្ត្រីកំពូលនៅខេត្តជីងហៃ ដោយបានកិបកេងថវិកាជាតិជាង ៣៧លានដុល្លារអាមេរិក។
បើតាម Reuters ប្រទេសចិនកំពុងប្រយុទ្ធប្រឆាំងនឹងអំពើពុករលួយ បន្ទាប់ពីលោក ស៊ី បានឡើងកាន់អំណាចអស់រយៈពេលជិត ៤ឆ្នាំកន្លងមកនេះ។ នៅក្នុងយុទ្ធនាការនេះ មន្ត្រីជាន់ខ្ពស់ជាច្រើន ត្រូវបានចាប់ខ្លួន ក្នុងនោះមានទាំងអតីតមេសន្តិសុខជាតិ លោក ជូ យ៉ុងកាង ផងដែរ៕
1 comment:
បើសិនជាកម្ពុជាជាខែត្រមួយរបស់ចិន ហ៊ុនសែននិងក្រុមគ្រួសារត្រូវដាក់ទោសប្រហារជីវិតមុនគេ។
Post a Comment