ស្តេចថៃចូលទិវង្គតនៅម៉ោង៣និង៥២រសៀលនេះ ​ក្នុងជន្មាយុ៨៨ព្រះវស្សា

ដោយ លោក ពៅ មេត្តា​​ | ថ្ងៃព្រហស្បតិ៍ ទី១៣ ខែតុលា ឆ្នាំ២០១៦​ 1 ម៉ោងមុន | អន្តរជាតិ |  0 |  4896

vod

ព្រះមហាក្សត្រថៃ Bhumibol Adulyadej (រូបភាពពី AFP)



ក្សត្រថៃ Bhumibol Adulyadej ជាស្តេចដែលបានគ្រងរាជ្យសម្បត្តិយូរជាងគេនៅលើពិភពលោក បានចូលទិវង្គតនៅរសៀលថ្ងៃព្រហស្បតិ៍ បន្ទាប់ពីគ្រងរាជអស់រយៈពេល៧០ឆ្នាំ។

យោងតាមព័ត៌មាន BBC ដកស្រង់សម្ពីមន្ត្រីព្រះបរមរាជវាំងរបស់ថៃ ចុះផ្សាយថា ក្សត្រ Bhumibol Adulyadej បានចូលទិវង្គតនៅម៉ោង៣ និង៥២នាទីរសៀលថ្ងៃព្រហស្បតិ៍នេះ នៅក្នុងមន្ទីរពេទ្យ Siriraj នៃទីក្រុងបាងកក។



ព្រះអង្គចូលទិវង្គតនៅក្នុងជន្មាយុ៨៨ព្រះវស្សា គឺស្របពេលប្រទេសកំពុងមានបញ្ហានយោបាយ។ បច្ចុប្បន្នថៃកំពុងស្ថិតនៅក្រោមការដឹកនាំរបស់ពួកយោធា ដែលធ្វើរដ្ឋប្រហារកាលពីឆ្នាំ២០១៤ ។ ថៃកំពុងស្ថិតនៅក្រោមការរិះគន់ពីបណ្តាប្រទេសប្រកាន់របបសេរីថា មានការរំលោភសិទ្ធិមនុស្សពីពួកយោធា។

ស្តេច Bhumibol Adulyadej ឡើងគ្រងរាជ្យកាលពីថ្ងៃទី៩ ខែមិថុនា ឆ្នាំ១៩៤៦ នៅពេលដែលបងប្រុសរបស់ព្រះអង្គឈ្មោះ Ananda Mahidol ចូលទិវង្គត។

សរសេរមកកាន់ លោក ពៅ មេត្តា តាមរយៈ minpov@vodhotnews.com