14/04/2017 14/04/2017
rfi
GBU-43 ឬ MOAB គ្រាប់បែកមិនមែននុយក្លេអ៊ែរដ៏សំខាន់បំផុតរបស់អាមេរិក ត្រូវបានគេហៅថា «មេគ្រាប់បែក»
Elgin Air Force Base/Handout via REUTERS
ថ្ងៃព្រហស្បតិ៍ម្សិលមិញ អាមេរិកបានទម្លាក់ «មេគ្រាប់បែក» នៅអាហ្វហ្កានីស្ថាន ក្នុងគោលដៅបំផ្លាញតំបន់ក្រុមរដ្ឋអ៊ីស្លាម។ នេះគឺជាការបញ្ជាក់របស់មន្ទីរបញ្ចកោណអាមេរិក។ បើតាមប្រភពដដែល គ្រាប់បែកដែលទម្លាក់នេះ មានឈ្មោះហៅថា GBU-43។ ត្បិតតែគ្រាប់បែកប្រភេទនេះមិនមែនជាប្រភេទអាវុធនុយក្លេអ៊ែរ ប៉ុន្តែវាមានទំហំផ្ទុះស្មើនឹងម្សៅ TNT ១១តោន ដែលអាចបំផ្លាញផ្ទៃដីប្រមាណ១ម៉ៃល៍ ឬស្មើនឹងប្រមាណ១,៦គីឡូម៉ែត្រ។
«មេគ្រាប់បែក» GBU-43 របស់អាមេរិក បានបំផ្លាញរូងភ្នំនិងផ្លូវក្រោមដីដែលប្រើប្រាស់ដោយក្រុមអង្គការរដ្ឋអ៊ីស្លាម ស្ថិតនៅក្នុងស្រុក Achin នៃខេត្ត Nangarhar របស់អាហ្វហ្កានីស្ថាន។ នេះគឺជាការអះអាងរបស់មន្ទីរបញ្ចកោណអាមេរិកនៅថ្ងៃព្រហស្បតិ៍។ ប្រភពដដែលនេះបានឲ្យដឹងបន្ថែមថា គ្រាប់បែក GBU-43 ច្បាស់ណាស់ថាបានសម្លាប់កងទាហាននៃក្រុមអង្គការរដ្ឋអ៊ីស្លាមផងដែរ បើទោះបីជាពេលនេះ គេនៅមិនទាន់ដឹងអំពីចំនួនអ្នកស្លាប់ថាមានប៉ុន្មាននាក់ក៏ដោយ។ សម្រាប់លោកប្រធានាធិបតីអាមេរិក ដូណាល់ ត្រាំ ការទម្លាក់គ្រាប់បែកនេះ គឺជាប្រតិបត្តិការដ៏មហាជោគជ័យ។
ជាការកត់សម្គាល់ មុនពេលអាមេរិកទម្លាក់ «មេគ្រាប់បែក» ទៅលើតំបន់ក្រុមអង្គការរដ្ឋអ៊ីស្លាមនៅអាហ្វហ្កានីស្ថាននេះ យោធាអាមេរិកបានរាយការណ៍នៅថ្ងៃអង្គារថា កងកម្លាំងពិសេសអាមេរិកម្នាក់ត្រូវបានសម្លាប់នៅពេលធ្វើប្រតិបត្តិការប្រឆាំងពួកអង្គការរដ្ឋអ៊ីស្លាមនៅរដ្ឋ Nangarhar។ ប៉ុន្តែរហូតពេលនេះ អាមេរិកមិនទាន់បញ្ជាក់ថា ហេតុការណ៍ទាំងពីរនេះ ពាក់ព័ន្ធគ្នាឬក៏អត់នៅឡើយទេ។
គួរជម្រាបជូនថា គ្រាប់បែក GBU-43 ដែលគេស្គាល់ថាជា «មេគ្រាប់បែក» នេះ មិនធ្លាប់ត្រូវបានប្រើប្រាស់ពីមុនមកទេនៅក្នុងប្រវត្តិសាស្ត្រ។ ទ័ពអាកាសអាមេរិក បានបង្កើតគ្រាប់បែកនេះនៅឆ្នាំ២០០២ ដែលកាលណោះ វាត្រូវបានគេចាត់ទុកថាជាអាវុធមិនមែននុយក្លេអ៊ែរដែលមានអំណាចខ្លាំងជាងគេបង្អស់ ព្រោះវាមានទំហំផ្ទុះស្មើនឹងម្សៅ TNT ១១តោន ដែលអាចបំផ្លាញផ្ទៃដីប្រមាណ១ម៉ៃល៍ ឬស្មើនឹងប្រមាណ១,៦គីឡូម៉ែត្រឯណោះ។ ប៉ុន្តែយ៉ាងណាក៏ដោយ រហូតមកទល់ពេលនេះ GBU-43 មិនមែនជាអាវុធខ្លាំងជាងគេតទៅទៀតទេ។ នៅឆ្នាំ២០០៧ រុស្ស៊ីបានផលិតអាវុធមិនមែននុយក្លេអ៊ែរថ្មីមួយ ឈ្មោះ ATBIP។ ATBIP របស់រុស្ស៊ី ខ្លាំងជាង GBU-43 របស់អាមេរិក៤ដង ហើយត្រូវបានគេហៅក្រៅផ្លូវការថា «ឪគ្រាប់បែក»៕
1 comment:
Now all the DEEP STATE need is War so they use more of this MOAB. This is toy to the CIA NSA NEOCON and Central Bank, they love playing with these Weapons of Mass Destruction and will create false flags to initiate a WAR.
Putin spoiled their next plan of false flag attack in Syria and their focus shifted to N. Korea. Kim Young Un might take on their challenge....and the blame will be on him. The USA shadow government will be seen as the valiant for stopping a potential nuclear disaster brought on by Kim Young Ump.
There is no N. Korean satellite circling over the United States of America with EMP weapon. If an EMP attack happens it has to be an inside job by the Deep State. [deep state is a body of people who are not elected body government by the people. They are not working for the interest of the people and they are exempt from prosecution of any wrong doing. They are CIA, NSA, Central Banking, they work for the interest of Military Industrial Complex, Corporations and United Nations].
Post a Comment