ដោយ វ៉ា សំណព្វ 25/04/2017 25/04/2017
នាយករដ្ឋមន្រ្តីកម្ពុជា លោក ហ៊ុន សែន និងលោក ង្វៀន សួនហ៊្វុក (NGUYEN XUAN PHUC) នាយករដ្ឋមន្រ្តី វៀតណាម។
នាយករដ្ឋមន្រ្តី វៀតណាម លោក ង្វៀន សួនហ៊្វុក (NGUYEN XUAN PHUC) និងគណៈប្រតិភូ កំពុងបំពេញទស្សនកិច្ចរយៈពេល ៣ថ្ងៃនៅកម្ពុជា។ កាលពីម្សិលមិញ លោកបានចូលរួមសម្ពោធស្ពានមិត្តភាពកម្ពុជា-វៀតណាម ឆ្លងកាត់ព្រំដែនខេត្តកណ្តាល និងបន្តចូលក្រាបបង្គំគាល់ព្រះមហាក្សត្រកម្ពុជានៅទីក្រុងភ្នំពេញ។ នៅព្រឹកថ្ងៃទី ២៥មេសានេះ លោកបានបន្តជួបជាមួយ នាយករដ្ឋមន្រ្តីកម្ពុជា លោក ហ៊ុន សែន នៅឯវិមានសន្តិភាព។ នៅក្នុងជំនួបនេះ ភាគីទាំងពីរបានបើកកិច្ចប្រជុំចង្អៀតមួយ មុនពេលសម្រេចចុះហត្ថលេខាលើពិធីសារចំនួន ៤។
នៅក្នុងចំណោមពិធីសារសំខាន់ៗចំនួន ៤ ដែលភាគីកម្ពុជា-វៀតណាមបានចុះហត្ថលេខាកាលពីព្រឹកមិញនេះ ក្នុងនោះរួមមាន ឯកសារស្តីពីការសិក្សារួមគ្នា លើគម្រោងសាងសង់ផ្លូវល្បឿនលឿនភ្នំពេញ-បាវិត និងផ្លូវល្បឿនលឿន ហូជីមិញ-ម៉ក់បៃ ដែលត្រូវបានចុះហត្ថលេខា ដោយលោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូនកម្ពុជា ជាមួយនឹងរដ្ឋមន្រ្តីក្រសួងដឹកជញ្ជូនវៀតណាម។ បន្ទាប់មក ភាគីទាំងពីរបានចុះហត្ថលេខាលើពិធីសារ ស្តីពី គម្រោងសាងសង់មជ្ឍមណ្ឌលផ្តល់សេវាព្យាបាលដោយស្ម័គ្រចិត្ត និងផ្អែកលើសហគមន៍ ដល់អ្នកញៀនគ្រឿងញៀន ស្ថិតនៅក្នុងខេត្តព្រះសីហនុ រវាងលោក វង សូត រដ្ឋមន្ត្រីក្រសួងសង្គមកិច្ច អតីតយុវជន និងយុវនីតិសម្បទា និងអនុរដ្ឋមន្ត្រីក្រសួងការងាររបស់វៀតណាម។ ចំណែកពិធីសារទី ៣ ត្រូវបានចុះហត្ថលេខាដោយ លោក វេង សាខុន រដ្ឋមន្រ្តីកសិកម្ម រុក្ខាប្រម៉ាញ់ និងនេសាទ ស្តីពី កិច្ចសហប្រតិបត្តិការទ្វេភាគី លើវិស័យជលផល និងចុងក្រោយគឺការចុះហត្ថលេខាលើឯកសារ ស្តីពី ការគាំទ្រការសាងសង់មហាវិថីមិត្តភាពភ្នំពេញ-ហាណូយ។ ពិធីចុះហត្ថលេខានេះ បានធ្វើឡើងក្រោមវត្តមានរបស់មេដឹកនាំនៃប្រទេសទាំងពីរនៅឯវិមានសន្តិភាព។
គួរជំរាបជូនថា លោក ង្វៀន សួនហ៊្វុក (NGUYEN XUAN PHUC) នាយករដ្ឋមន្រ្តី វៀតណាម បានមកបំពេញទស្សនកិច្ចរយៈពេល ៣ថ្ងៃនៅកម្ពុជា ដោយបានចាប់ផ្តើមតាំងពីថ្ងៃទី ២៤មេសាមក។ នៅពេលផ្តើមទស្សនកិច្ចនៅកម្ពុជា ពីម្សិលមិញ នាយករដ្ឋមន្រ្តីវៀតណាម លោក ង្វៀន សួនហ៊្វុក (NGUYEN XUAN PHUC) និងនាយករដ្ឋមន្រ្តីកម្ពុជា លោក ហ៊ុន សែន បានអញ្ជើញចូលរួមសម្ពោធស្ពានមិត្តភាពកម្ពុជា-វៀតណាម ឆ្លងកាត់ព្រំដែន ជ្រៃធំ-ឡុងប៊ិញ ជាលើកដំបូង ដែលមានតម្លៃជាង ៣០លានដុល្លារអាមេរិក។ ហើយបន្តមក បានចូលក្រាបបង្គំគាល់ព្រះមហាក្សត្រកម្ពុជានៅក្នុងព្រះបរមរាជវាំង និងជំនួបក្រៅផ្លូវការជាមួយលោកនាយករដ្ឋមន្រ្តីហ៊ុន សែន នៅឯភូមិគ្រឹះរបស់លោក ស្ថិតនៅក្បែរវិមានឯករាជ្យផងដែរ មុនពេលមានជំនួបផ្លូវការ ដែលធ្វើឡើងនៅឯវិមានសន្តិភាពនៅព្រឹកមិញនេះ។
តាមគម្រោងនាយករដ្ឋមន្រ្តីវៀតណាម ក៏នឹងជួបពិភាក្សាជាមួយប្រធានព្រឹទ្ធសភាកម្ពុជាលោក សាយ ឈុំ, ប្រធានរដ្ឋសភាលោក ហេង សំរិន, និងចូលថ្វាយបង្គំសម្តេចព្រះសង្ឃរាជ្យ ទេព វង្ស ផងដែរ។ ក្រៅពីនេះ នាយករដ្ឋមន្រ្តី វៀតណាម ក៏បានអញ្ជើញទៅដាក់កម្រងផ្កានៅវិមានឯករាជ្យ និងស្តូបព្រះបរមរូប ព្រះបរមរតនកោដ្ឋ ថែមទៀត។
ក្រៅពីការចុះហត្ថលេខាលើពិធីសារចំនួន ៤ កាលពីព្រឹកថ្ងៃទី ២៤មេសានេះ នាយករដ្ឋមន្រ្តីកម្ពុជា-វៀតណាម ក៏មានកិច្ចប្រជុំចង្អៀតមួយផងដែរ។ ប៉ុន្តែមិនត្រូវបានគេទម្លាយឲ្យដឹងនោះទេ។ យ៉ាងណាក៏ដោយ សេចក្តីថ្លែងការណ៍មួយ នឹងត្រូវធ្វើឡើងរវាងភាគីទាំងពីរ មុនពេលបិទបញ្ចប់ដំណើរទស្សនកិច្ចរយៈពេល ៣ថ្ងៃនៅកម្ពុជានេះ៕
1 comment:
Khmer history:
During the Pol Pot era, in order to topple Pol Pot who refused to submit to Vietnam, the evil Vietnam accused Pol Pot of initiating the war with Vietnam.
In fact, the evil Vietnam staged the killings inside Vietnam and blamed the killings on Pol Pot, thus giving Vietnam a good cause for retaliation.
Right now, look at the same trick displaying by the Yuon's slave Hun Sen. He alluded that the CNRP wanted to have conflict or war with his master Vietnam.
How can or how come the CNRP wanted to have conflict with Vietnam ??
Actually, you (Hun Sen) are the one who kept raising the question about the war.
The evil Vietnam was/is/will be the merchant of war. Vietnam uses war to achieve its goal of controlling its neighbors.
The fact has proven time after time that Ah Kwack Hun Sen has never hesitated to massively kill Khmer people - execution of the K5 project - and destroy Cambodia to favor his master Vietnam by condoning millions of Vietnamese to fill Khmer land, making huge land concession to Vietnam, ravaging Khmer natural resource, creating and ratifying the 2005 supplemental treaty with Vietnam, etc...
To stop the evil Vietnam from achieving its goal of completely swallowing Cambodia, Khmer people need to vote this one eye monster Hun Sen out in this next election. And there will be no war because the world has already known the face of the merchant of war - VIETNAM.
Bun Thoeun
Post a Comment