ដោយ អាស៊ីសេរី
2018-12-23
rfa
ឧកញ៉ា គិត ម៉េង ម្ចាស់ក្រុមហ៊ុនបណ្ដាញផ្សព្វផ្សាយកម្ពុជា (Cambodia Broadcasting Service) ដែលហៅកាត់ថា ស៊ី.ប៊ី.អេស (CBS)។
Screenshot
ក្រុមហ៊ុនបណ្ដាញផ្សព្វផ្សាយកម្ពុជា (Cambodia Broadcasting Service) ដែលហៅកាត់ថា ស៊ី.ប៊ី.អេស (CBS) រួមមានទូរទស្សន៍ CNC CTN MyTV និង One TV ចេញសេចក្ដីបំភ្លឺបដិសេធព័ត៌មានផ្សព្វផ្សាយថា ឧកញ៉ា គិត ម៉េង ត្រូវបានសមត្ថកិច្ចចាប់ខ្លួន តាមបញ្ជារបស់មេដឹកនាំរបបក្រុងភ្នំពេញ លោក ហ៊ុន សែន។
សេចក្ដីបំភ្លឺ ចុះថ្ងៃទី២២ ធ្នូ ក្រុមហ៊ុន CBS អះអាងថា កាសែត The Cambodia Daily និងគណនីហ្វេសប៊ុកមួយឈ្មោះ CBN Khmer បានផ្សព្វផ្សាយព័ត៌មានមួលបង្កាច់ និងប្រមាថកិត្តិយសម្ចាស់ភាគហ៊ុនក្រុមហ៊ុន គឺលោកឧកញ៉ា គិត ម៉េង ហើយលោក គិត ម៉េង មិនមែនរងការចាប់ខ្លួនដូចការផ្សាយទេ តែកំពុងតែសប្បាយរីករាយជាមួយគ្រួសារនៅខេត្តសៀមរាប។ ការបដិសេធនេះ ធ្វើឡើងក្រោយពីសំឡេងរបស់លោក ហ៊ុន សែន ត្រូវបានបែកធ្លាយជាសាធារណៈករណីអន្តរាគមន៍វិវាទផ្ទៃក្នុងរបស់ទូរទស្សន៍ឯកជន CNC។
សារសំឡេងបែកធ្លាយរបស់ លោក ហ៊ុន សែន កាលពីចុងសប្ដាហ៍នេះ បានបញ្ជាឲ្យដកអគ្គនាយកថ្មី នៃស្ថានីយទូរទស្សន៍ CNC ឈ្មោះ អ៊ុក វូរ៉ា ដែលត្រូវជាក្មួយរបស់សមាជិកគណៈអចិន្ត្រៃយ៍បក្សប្រជាជនកម្ពុជា អ្នកស្រី ម៉ែន សំអន ចេញពីតួនាទី ដោយលោក ហ៊ុន សែន ចោទថា បានរំលោភសិទ្ធិបុគ្គលិកធ្ងន់ធ្ងរ។
ក្នុងសំឡេងបែកធ្លាយនោះ លោក ហ៊ុន សែន ក៏បានព្រមានចាត់វិធានការគ្រប់អាជីវកម្ម និងអាចឈានដល់ការចាប់ខ្លួនឧកញ៉ា គិត ម៉េង ប្រសិនបើ ក្មួយប្រុសអ្នកស្រី ម៉ែន សំអន រូបនោះ មិនត្រូវបានបញ្ឈប់ពីតំណែងទេ។ លោក ហ៊ុន សែន អះអាងថា កុំថាឡើយ ត្រឹមក្មួយអ្នកស្រី ម៉ែន សំអន សូម្បី បិតាព្រះមហាក្សត្រ មាតាព្រះមហាក្សត្រ (ឪម៉ែស្ដេច) ក៏លោកចាត់ការដែរ។ លោក ហ៊ុន សែន ថា លោកចាប់អារម្មណ៍នឹងទូរទស្សន៍ CNC ដោយសារតែលោកជាអ្នកឧបត្ថម្ភ និងផ្ដល់លុយទៅឲ្យអ្នកសារព័ត៌មានរបស់ស្ថានីយនេះ។ អ្នកវិភាគលើកឡើងថា សារសំឡេងលោក ហ៊ុន សែន បញ្ជាក់ថា លោកកំពុងត្រួតត្រាប្រព័ន្ធយុត្តិធម៌ និងលូកដៃចូលប្រព័ន្ធផ្សព្វផ្សាយឯកជន៕
1 comment:
After dissolving the CNRP, the CPP members got crazy now.
We should wait and see the implications of the EBA's cut off which will take effect in 2019.
Hun Sen and the CPP's members will be in disarray from such impact (EBA). This Khmer traitor Hun Sen has stayed in power to serve Yuon too long and made so many vital mistakes.
As usual, the dictators in this world will always vanish. Right now, we wait and see Hun Sen and Ah Chrouk Kim Junk UN's fate.
Post a Comment