ដោយ ជីវិតា
2020-12-01
ថ្នាក់ដឹកនាំបក្សប្រឆាំងប្រកាសចូលស្រុកវិញជាថ្មីទៀតនៅថ្ងៃទី៤ មករា តំណាងរាស្ត្រគណបក្សសង្គ្រោះជាតិ អ្នកស្រី មូរ សុខហួរ ផ្ដល់បទសម្ភាសន៍ដល់ទូរទស្សន៍អាស៊ីសេរី កាលពីថ្ងៃទី១៥ មករា ឆ្នាំ២០១៦ នារដ្ឋធានីវ៉ាស៊ីនតោន។
RFA
ថ្នាក់ដឹកនាំគណបក្សសង្គ្រោះជាតិប្រកាសវិលចូលកម្ពុជាវិញជាថ្មីទៀត នៅថ្ងៃទី៤ ខែមករា ឆ្នាំ២០២១ ខាងមុខ ដោយមានអ្នកស្រី មូរ សុខហួរ ជាអ្នកដឹកនាំគម្រោងនេះ។
អនុប្រធានគណបក្សសង្គ្រោះជាតិ អ្នកស្រី មូរ សុខហួរ ថ្លែងថា គម្រោងវិញចូលកម្ពុជាវិញនេះ គឺដើម្បីទៅតតាំងក្តីនៅតុលាការក្រុងភ្នំពេញ ដែលបានចោទប្រកាន់ក្រុមថ្នាក់ដឹកនាំ និងសកម្មជនគណបក្សសង្គ្រោះជាតិជាច្រើននាក់ ពីបទឧបឃាត បទរួមគំនិតក្បត់ និងបទញុះញង់។
សេចក្តីសម្រេចនេះ ធ្វើឡើងក្រោយពីគណបក្សសង្គ្រោះជាតិបានបើកកិច្ចប្រជុំគណៈកម្មាធិការអចិន្ត្រៃយ៍ ក្រុមអ្នកតំណាងរាស្ត្រ និងថ្នាក់ដឹកនាំសាខាគណបក្សនេះនៅក្រៅប្រទេសតាមប្រព័ន្ធវីដេអូ (Video Conference) កាលពីថ្ងៃទី២៧ ដល់ទី២៩ វិច្ឆិកា កន្លងទៅ។ អង្គប្រជុំបានឯកភាពគ្នា ឱ្យថ្នាក់ដឹកនាំ និងសកម្មជនគណបក្សសង្គ្រោះជាតិ ដែលមានឈ្មោះក្នុងដីកាកោះរបស់តុលាការក្រុងភ្នំពេញ ហើយដែលកំពុងរស់នៅនិរទេសនៅក្រៅប្រទេស ត្រូវវិលត្រឡប់ទៅកម្ពុជាវិញ។
សូមរង់ចាំតាមដានសេចក្ដីរាយការណ៍ពិស្ដារក្នុងកម្មវិធីផ្សាយរបស់យើងនៅយប់នេះ...
No comments:
Post a Comment