Khmer Circle:
Vietnam's land encroachments and aggression are not the sort of topics our dedicated and conscientious friends and pundits in the regional press and academia would want to talk about, eh? And, they haven’t shown any inclination in that direction in over forty years of Vietnam’s hegemonic control over Cambodia.
Yet, these same individuals and righteous souls would be ever so quick to condemn Cambodians for their 'derogatory language' or 'inflammatory anti-Vietnamese rhetoric' should they decry the usual provocations and violations of their country’s dignity and sovereignty by their good neighbours to the East?
🔺🔺🔺
ដោយ វ៉ែន សុមេធ
2020-12-02
អ្នកឃ្លាំមើលព្រំដែនថា វៀតណាមមិនគោរពសន្យាក្នុងការរុះតើតង់ ពីតំបន់ព្រំដែន តង់ដែលវៀតណាមទើបបោះនៅតំបន់ព្រំដែនឋិតនៅឃុំដារ ស្រុកមេមត់ ខេត្តត្បូងឃ្មុំ កាលពីថ្ងៃទី ២៨ វិច្ឆិកា ២០២០។
រូបថតពលរដ្ឋពីថ្ងៃទី១ ធ្នូ ២០២០
អ្នកឃ្លាំមើលព្រំដែន និងពលរដ្ឋរស់នៅក្បែរព្រំដែនកម្ពុជាវៀតណាមអះអាងថា វៀតណាមមិនបានអនុវត្តពាក្យសន្យាដែលថានឹងរុះរើតង់ និងសំណង់រឹងចេញពីតំបន់ព្រំដែននៅតាមបណ្តាខេត្តមួយចំនួនជាប់ព្រំដែនកម្ពុជា-វៀតណាម នោះទេ។ ពួកគេសង្កេតឃើញថា ក្នុងខេត្តត្បូងឃ្មុំ វៀតណាមមិនត្រឹមតែមិនរុះរើតង់ចេញពីតំបន់ព្រំដែននោះទេ ថែមទាំងសង់តង់បន្ថែមទៀត។
ពលរដ្ឋរស់នៅក្បែរព្រំដែនកម្ពុជាវៀតណាម ក្នុងខេត្តត្បូងឃ្មុំ ឱ្យដឹងនៅថ្ងៃទី១ ខែធ្នូថា ក្នុងចន្លោះឃុំចំនួន៣ គឺឃុំដារ ឃុំរូង ឃុំជាំក្រវៀន នៃស្រុកមេមត់មានតង់ និងសំណង់រឹងប្រមាណ ១០កន្លែង ដែលគេបោះក្នុងចន្លោះបង្គោលព្រំដែន លេខ ៨៥ ដល់បង្គោលព្រំដែនលេខ ១១០។ លើសពីនេះ យោធាវៀតណាមបានបន្ថែមការសាងសង់ តង់មួយទៀត ត្រង់ចំណុចបង្គោលព្រំដែនលេខ ១១០/២ ឋិតក្នុងឃុំដារ។
ពលរដ្ឋរស់នៅស្រុកមេមត់ថ្លែងក្នុងលក្ខខណ្ឌមិនបញ្ចេញឈ្មោះ ព្រោះបារម្ភពីសុវត្ថិភាព អះអាងថា តង់ថ្មីមួយទៀតដែលវៀតណាមទើបសាងសង់កាលពីចុងខែវិច្ឆិកា នៅកៀកផ្លូវក្រវាត់ព្រំដែន របស់កម្ពុជា ឋិតក្នុងភូមិ ៧មករា ឃុំដារ ស្រុកមេមត់។ លោកថា មានយោធាវៀតណាមប្រមាណ ៣ ទៅ ៥នាក់ បានដាក់វេនគ្នាយាមល្បាតជាប្រចាំ មិនឃើញសមត្ថកិច្ចខ្មែរចុះពិនិត្យនៅឡើយទេ។ ចំណែក ពលរដ្ឋបានត្រឹមតែលួចមើល និងថតរូបភាពពីចម្ងាយដោយលាក់លៀម ព្រោះខ្លាចអាជ្ញាធរខ្មែរធ្វើបាប និងគំរាមកំហែង៖ «បោះហ្នឹងនៅជាប់ផ្លូវក្រវាត់ព្រំដែន ជាប់ផ្លូវព្រំដែន អាជ្ញាធរហ្នឹងមិនដែលហ៊ានតវ៉ាជាមួយវៀតណាមទេ។ តាមពិតដីហ្នឹង ពលរដ្ឋអាស្រ័យផលតាំងពីឆ្នាំ១៩៨២ ខិតពីបង្គោលព្រំដែនហ្នឹងទៅ ប្រហែល១គីឡូដី»។
ពលរដ្ឋម្នាក់ទៀត គឺលោក ជា វីរៈ ប្រាប់អាស៊ីសេរីថា ក្នុងចន្លោះបង្គោលលេខ៩៨ ក្នុងឃុំរូង ស្រុកមេមត់ មានតង់វៀតណាមចំនួន ៣ គេសង់រយៈពេលជាង ៣ ខែមកហើយ និងមានតង់ជាច្រើនកន្លែងទៀត តាមបណ្ដោយព្រំដែន ក្នុងស្រុកមេមេត់ មិនទាន់ឃើញវៀតណាមរុះរើចេញនៅឡើយទេ។ លោកអះអាងថា មានតង់ខ្លះបានរំកិលកៀកចូលមកដីខ្មែរ នៅចន្លោះបង្គោលព្រំដែនលេខ៩៥៖ «ការសន្យារវាងភាគីវៀតណាម និងកម្ពុជា គ្រាន់តែជាឆាកល្ខោនបំភ័ន្តភ្នែក ជាក់ស្ដែងភាគីវៀតណាម ដូចជាគ្មានការអនុវត្ត។ អនុវត្តតែតំបន់ណាដែលពលរដ្ឋលោកខ្វល់ ឈឺឆ្អាលតំបន់ហ្នឹង អាជ្ញាធរយួនហាក់ដូចជា មានការភ័យខ្លាច។ ប៉ុន្តែតំបន់ខ្លះ ដែលពលរដ្ឋខ្មែរយើង មិនខ្វល់ មិនគិតគូ អាជ្ញាធរយួននៅតែបន្តបោះតង់តាមបណ្ដោយខ្សែបន្ទាត់ព្រំដែនហ្នឹង»។
អាស៊ីសេរីបានព្យាយាមទាក់ទង អភិបាលខេត្តត្បូងឃ្មុំ លោក ជាម ច័ន្ទសោភ័ណ និងទេសរដ្ឋមន្ត្រីទទួលបន្ទុកកិច្ចការព្រំដែនលោក វ៉ា គឹមហុង ដើម្បីសុំការបំភ្លឺរឿងនេះ តែទូរសព្ទហៅចូលច្រើនដង គ្មានអ្នកទទួល នៅថ្ងៃទី១ ធ្នូ។
កាលពីចុងខែកក្កដាកន្លងទៅ អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ លោក ឆាយ គឹមខឿន បានប្រាប់អាស៊ីសេរីថា វៀតណាមបានបោះតង់ចំនួន ២៨៧កន្លែង នៅតំបន់ដែលមិនទាន់ឯកភាពបោះបង្គោលព្រំដែននៃភូមិសាស្ត្រខេត្តកណ្ដាល តាកែវ ព្រៃវែង ស្វាយរៀង កំពត ត្បូងឃ្មុំ រតនគិរី និងខេត្តមណ្ឌលគិរី។
អាជ្ញាធរខ្មែរអះអាងថា មានខេត្តចំនួន ២ គឺខេត្តស្វាយរៀង និងខេត្តកណ្តាល វៀតណាមបានរុះរើតង់ និងសំណង់រឹងចេញទាំងអស់ បន្ទាប់ពីមានការសន្ទនាតាមវីដេអូ រវាងលោកនាយករដ្ឋមន្ត្រី ហ៊ុន សែន និងលោក ង្វៀង សួនហ្វុក (Nguyen Suon Phok) នាយករដ្ឋមន្ត្រីវៀតណាម កាលពីថ្ងៃទី២៤ ខែវិច្ឆិកា។
ចំណែកនៅឯខេត្តកំពតឯណោះវិញ អាជ្ញាធរខេត្តនេះអះអាងថា វៀតណាមនៅមិនទាន់រុះរើតង់ចំនួន ៤២កន្លែង ចេញពីតំបន់ព្រំដែនឋិតក្នុងភូមិសាស្ត្រខែត្រនេះនៅឡើយទេ។ អភិបាលខេត្តកំពត លោក ជាវ តាយ ប្រាប់អាស៊ីសេរីថា វៀតណាមសន្យាថា នឹងរុះរើតង់ចេញ បន្ទាប់ពីជំងឺកូវីដ១៩បានផុតរលត់៖ «មិនមានសំណង់រឹងទេ គ្រាន់តែជាតង់ដូចខ្ញុំជម្រាបអ៊ីចឹង អ្វីដែលមានពីមុនមកវាអត់ប្រែ។ បង្គោលព្រំដែននៅខេត្តកំពតមានតែ ២៤បង្គោល តាមបណ្ដោយស្រុកបន្ទាយមាស និង កំពង់ត្រាច តាមបណ្ដោយខ្សែបន្ទាត់ព្រំដែន កម្ពុជា និងវៀតណាម»។
ជាមួយគ្នានេះដែរ សមាជិកក្រុមការងារ ១០០រាត្រី លោក ឃីម សុខុម មិនទាន់ស្ងប់ចិត្តនៅឡើយទេ ដរាបណារដ្ឋាភិបាលនៅតែរឹតត្បិត និងហាមមិនឱ្យពលរដ្ឋចុះទៅពិនិត្យតំបន់ព្រំដែន។ លោកថា រដ្ឋាភិបាលគួរតែផ្សព្វផ្សាយឱ្យបានទូលំទូលាយ បញ្ហានេះ មិនគួររារាំង និងគំរាមកំហែងចំពោះអ្នក ដែលឈឺឆ្អាលបញ្ហាព្រំដែននោះទេ៖ «គាត់តែងចុះទៅមើល ហើយតែងមានការរឹតត្បិតពីអាជ្ញាធរមូលដ្ឋាន ដល់ពេលអ៊ីចឹងទៅ យើងវាអត់អស់ចិត្ត វាជាការងារមួយ ដែលពួកយើងត្រូវទទួលខុសត្រូវទាំងអស់គ្នា។ ពេលគាត់ចេះតែរឹតត្បិត អ៊ីចឹងទៅ ពួកខ្ញុំចេះតែមានការសោកស្តាយ ចំពោះទង្វើរបស់គាត់ហ្នឹង»។
តំណាងរាស្ត្រគណបក្សសង្គ្រោះជាតិ លោក អ៊ុំ សំអាន ដែលកំពុងរស់នៅសហរដ្ឋអាមេរិក សង្កេតឃើញថា វៀតណាមមិនបានអនុវត្តតាមការសន្យានោះទេ ហាក់ដូចជាមានល្បិចកល ដើម្បីឈ្លានពានទឹកដីកម្ពុជា។ លោកថា រដ្ឋាភិបាលកម្ពុជាហាក់ដូចជាទន់ជ្រាយ ក្នុងការដោះស្រាយបញ្ហានេះឱ្យជ្រះស្រឡះ៖ «កន្លងមកមានកិច្ចព្រមព្រៀងច្រើនណាស់ កិច្ចព្រមព្រៀងឆ្នាំ១៩៩៥ ហាមមិនឱ្យធ្វើអ្វីថ្មី ដូចជាការបោះតង់ និងសំណង់រឹង ប៉ុន្តែភាគីវៀតណាមមិនដែលគោរព រហូតបោះតង់ និងសំណង់រឹង រហូតដល់ជាង ២០០កន្លែងនៅតាមព្រំដែន។ វៀតណាមមិនដែលគោរពពាក្យសន្យានោះទេ នៅតែបន្តឈ្លានពានទឹកដីកម្ពុជា»។
កាលពីចុងខែវិច្ឆិកា មេដឹកនាំកម្ពុជា និងវៀតណាម បានពិភាក្សាគ្នា តាមវីដេអូថា មេដឹកនាំប្រទេសទាំងពីរបានបង្ហាញមោទនភាព ចំពោះសមិទ្ធផលទាក់ទងនឹងកិច្ចការព្រំដែន ដូចជា ការផ្តល់សច្ចាប័ន លើសន្ធិសញ្ញាបំពេញបន្ថែម លើសន្ធិសញ្ញាកំណត់ព្រំដែនរដ្ឋឆ្នាំ ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ រវាងភាគីកម្ពុជា និងវៀតណាម ហើយនិងការឯកភាព លើពិធីសារទទួលស្គាល់ខណ្ឌសីមា និងការបោះបង្គោលព្រំដែនសម្រេចបាន ៨៤ភាគរយ។ បន្ថែមពីនេះ ភាគីប្រទេសទាំងពីរ ប្ដេជ្ញាដោះស្រាយ ការកំណត់បង្គោលព្រំដែនដែលនៅសល់ចំនួន ១៦ភាគរយ ឱ្យរួចរាល់ និងប្រែក្លាយតំបន់ព្រំដែន ឱ្យទៅជាតំបន់សន្តិភាព អភិវឌ្ឍន៍ និងកិច្ចសហប្រតិបត្តិការ តែទោះជាយ៉ាងណា គណបក្សសង្គ្រោះជាតិ ក្រុមយុវជន និងពលរដ្ឋនៅមូលដ្ឋានមួយចំនួនអះអាងថា ការបោះបង្គោលព្រំដែននេះ ធ្វើឱ្យកម្ពុជាបាត់បង់ទឹកដីនៅតាមព្រំដែនទៅប្រទេសវៀតណាម៕
2 comments:
Cambodia better do something before this gets out of hand. The evil Yuon keeps building structures and putting up tents to try and steal land. Hun Sen and his gang are allowing this theft. The evil Yuon will only be embolden by Hun Sen and his cowardice. Inch by inch the evil Yuon will steal. Malaysia and Philippines would have just shot the the evil Yuon and that would've settle it.
This evil Yuon has tested Khmer people's reaction when it built some tents and later some solid buildings.
Khmer people have allowed Ah Roleuy Hun Sen to suppress them at will, which translated into a green light for the evil Yuon to execute its plans to swallow Cambodia.
I firmly believe it is about time that Khmer people defy the law of Kdor Ah Hun Sen and mount a nationwide peaceful protest demanding for the CNRP's reinstatement and the respect of the constitution from Ah Yuon's slave Hun Sen.
Again, nothing is free in this world. we must be willing to pay some price in order to get what we really want, which enable us to save our motherland.
The international community cannot help Cambodia unless Khmer people help themselves first.
Post a Comment