ដោយ ទីន ហ្សាការីយ៉ា
2021-08-10 rfa
នៅចំនុចប្រសព្វរវាងទន្លេសេសាន និងទន្លេស្រែពក ស្ថិតនៅក្នុងស្រុកសេសាន ខេត្តស្ទឹងត្រែង កាលពីថ្ងៃទី៧ ខែធ្នូ ឆ្នាំ២០១៧។
រូប៖ Provided photo
អង្គការឃ្លាំមើលសិទ្ធិមនុស្សអន្តរជាតិ យូមេន រ៉ៃស៍ វច្ឆ (HRW) ជំរុញឱ្យរដ្ឋាភិបាលកម្ពុជានិងចិន ព្រមទាំងក្រុមហ៊ុនពាក់ព័ន្ធ ពិនិត្យមើលឡើងវិញជាបន្ទាន់នូវផលប៉ះពាល់បណ្តាលមកពីការសាងសង់ទំនប់វារីអគ្គិសនីសេសានក្រោម២។ អង្គការនេះ ក៏ស្នើដល់ភាគីពាក់ព័ន្ធទាំងនេះ ឱ្យចាត់ចែងផ្តល់សំណង ការតាំងទីលំនៅជាថ្មី និងស្តាជីវភាពរស់នៅដល់ពលរដ្ឋមូលដ្ឋានដែលរងផលប៉ះពាល់បណ្តាលមកពីការសាងសង់ទំនប់វារីអគ្គិសនីមួយនេះ។
ការជំរុញនេះ ធ្វើឡើងនៅក្នុងរបាយការណ៍កម្រាស់ ១៣៧ទំព័រ ដាក់ចំណងជើងថា «ក្រោមផ្ទៃទឹក៖ ផលប៉ះពាល់ផ្នែកសិទ្ធិមនុស្សនៃគម្រោងខ្សែក្រវ៉ាត់ និងផ្លូវរបស់ចិននៅកម្ពុជា» ទើបនឹងចេញផ្សាយនៅថ្ងៃទី១០ ខែសីហា។ របាយការណ៍ រកឃើញថា មានការរំលោភសិទ្ធិមនុស្ស ជាពិសេស សិទ្ធិសេដ្ឋកិច្ច សិទ្ធិសង្គម និងវប្បធម៌ ពាក់ព័ន្ធនឹងការសាងសង់ទំនប់វារីអគ្គិសនីសេសានក្រោម២។ ការសាងសង់ទំនប់នេះ បានធ្វើឱ្យពលរដ្ឋជិត ៥ពាន់នាក់ បាត់បង់ទីជម្រក និងប៉ះពាល់ដល់ជីវភាពរស់នៅរបស់ពលរដ្ឋរាប់ម៉ឺននាក់ដែលរស់នៅផ្នែកខាងលើ និងខាងក្រោមទំនប់។ របាយការណ៍ក៏រកឃើញដែរថា អាជ្ញាធរកម្ពុជា និងក្រុមហ៊ុនរបស់ចិន មិនបានពិគ្រោះយោបល់ឱ្យបានដិតដល់ជាមួយនឹងសហគមន៍ដែលរងផលប៉ះពាល់នៅមុនការសាងសង់ទំនប់នេះទេ ខណៈពួកគេភាគច្រើនត្រូវបានបង្ខំឱ្យទទួលយកសំណងមិនសមរម្យ។ ក្រៅពីនេះ អង្គការនេះរកឃើញថា ការសាងសង់ទំនប់វារីអគ្គិសនីនេះ បានបណ្តាលឱ្យមានទឹកជំនន់លិចលង់សហគមន៍នៅក្បែរនោះជាច្រើនលើកច្រើនសារ ហើយបានធ្វើខូចខាតដល់ប្រព័ន្ធអេកូឡូស៊ីនៅក្នុងតំបន់ទាំងមូល។ ទំនប់នេះក៏បានធ្វើឱ្យទិន្នផលត្រីធ្លាក់ចុះគួរឱ្យកត់សម្គាល់ផងដែរ។
ទន្ទឹមនឹងការចេញផ្សាយរបាយការណ៍នេះ អង្គការឃ្លាំមើលសិទ្ធិមនុស្សអន្តរជាតិយូមេន រ៉ៃស៍ វច្ឆ (HRW) ក៏បានចេញផ្សាយនូវវីដេអូឯកសារខ្លីមួយ ពាក់ព័ន្ធនឹងការរកឃើញនេះដែរ ដោយបានសម្ភាសផ្ទាល់ជាមួយពលរដ្ឋនៅក្នុងសហគមន៍ ជាពិសេសជនជាតិដើមភាគតិចដែលរងផលប៉ះពាល់ផ្ទាល់ពីគម្រោងនេះ។
អង្គការឃ្លាំមើលសិទ្ធិមនុស្សអន្តរជាតិ (HRW) ថា ទំនប់វារីអគ្គិសនីសេសានក្រោម២ គឺជាទំនប់វារីអគ្គិសនីដ៏ធំមួយនៅតំបន់អាស៊ី។ ទំនប់នេះ ត្រូវបានសាងសង់ឡើងដោយប្រើប្រាស់ទឹកប្រាក់ប្រមាណ ៨០០លានដុល្លារ ភាគច្រើនផ្តល់ឱ្យដោយរដ្ឋាភិបាលចិន ជាផ្នែកមួយនៃគម្រោងគំនិតផ្តួចផ្តើមខ្សែក្រវ៉ាត់ និងផ្លូវរបស់ចិន។ ក្រៅពីនោះ ក្រុមហ៊ុនខ្មែរ រ៉ូយ៉ាល់ គ្រូប (Royal Group) របស់លោក គិត ម៉េង និងក្រុមហ៊ុនវៀតណាម អ៊ីវីអិន (EVN ) ក៏មានភាគហ៊ុនតិចតួចនៅក្នុងគម្រោងនេះដែរ។
អង្គការឃ្លាំមើលសិទ្ធិមនុស្សអន្តរជាតិ យូមេន រ៉ៃស៍ វច្ឆ ផ្តល់អនុសាសន៍ថា រដ្ឋាភិបាលចិនចាំបាច់ត្រូវធ្វើកំណែទម្រង់លើវិធីសាស្ត្រផ្តល់ហិរញ្ញប្បទានចំពោះការអភិវឌ្ឍន៍ហេដ្ឋារចនាសម្ព័ន្ធក្រោមគម្រោងខ្សែក្រវ៉ាត់ និងផ្លូវ (BRI) ដើម្បីបញ្ចៀសផលប៉ះពាល់អវិជ្ជមាននាពេលអនាគត ដូចដែលកំពុងកើតឡើងនៅកម្ពុជានេះជាឧទាហរណ៍ជាក់ស្តែង។
ទំនប់វារីអគ្គិសនីសេសានក្រោម២ នេះ ត្រូវបានសាងសង់រួចរាល់ និងដាក់ឱ្យប្រើប្រាស់កាលពីឆ្នាំ២០១៨។ ទំនប់នេះមានប្រវែង ៦,៥ គីឡូម៉ែត្រ លាតសន្ធឹងកាត់ឃុំភ្លុក ឃុំស្រែគ និងឃុំក្បាលរមាស ស្រុកសេសាន ខេត្តស្ទឹងត្រែង៕
2 comments:
China's business: If China gives you one dollar, China will get back from you Ten dollars.
If you are Khmer people, you must be sad and terrified about the Cambodia's future.
After successfully invading Cambodia in 1979,Yuon put an ignorant, ruthless named Hun Sen in power to carry out and execute Yuon's plan to swallow Cambodia. And this savage person Hun Sen still hold on to power as of today.
If I am not mistaken, the then Vietnam's Foreign Minister Nguyen Co Thach declared that the swallowing of Cambodia is complete and irreversible.
That means so long as Ah Press Puos Hun Sen is still in power, Cambodia will always have trouble because Hun Sen's actions are detrimental to Cambodia's existence , infuriated Khmer people and peripherally looked like Khmer always fight with Khmer.
The main reason why Hun Sen can hold on to power this long because, unlike Penn Sovann, Hun Sen have always and always will be complied with Vietnam's orders, especially the K5 project, the 2005 supplemental treaty, and the triangle area.
So, Human right in Cambodia is under water, under Ah Lgni Lngeu Hun Sen, under the evil Vietnam, and also under the evil China too.
Post a Comment