ភាគី​ពាក់ព័ន្ធ​រួមគ្នា​កំណត់​អត្តសញ្ញាណ​សត្វ​ផ្សោត និង​កត់ត្រា​ប្រភេទ​សត្វស្លាប​ទឹក

Khmer Circle:

Just like human beings these critically endangered species of fresh water dolphins can only thrive in their natural eco-system which is itself in a bad shape. The river Mekong is the most crucial lifeline and artery of the peoples living alongside it for as far as they can remember. Without the river it is doubtful if the Angkor civilisation would have emerged, for instance. Unfortunately, it is being sacrificed in the name of greed and corruption. There is no transparency or public accountability anywhere from Tibet to the Mekong Delta where the Mekong flows into the SCS because there is not a single democratic administration or government within that geography...

The saddest thing about these dolphins is that even while they are fighting extinction they still draw curious visitors and tourists towards them daily and where there is tourism there are also sources of income for local people.

^^^

 

ដោយ យ៉ង ចាន់តារា
2023.01.28

​

សត្វ​ផ្សោត​​ក្នុង​ទន្លេមេគង្គ។

Photo WWF

 

ស្ថាប័ន​ពាក់ព័ន្ធ រួមមាន រដ្ឋបាល​ជលផល អង្គការ​មូលនិធិ​សកល​សម្រាប់​អភិរក្ស​ធនធានធម្មជាតិ (WWF) និង​ក្រុម​អ្នក​ជំនាញ​មកពី​សហរដ្ឋអាមេរិក បាន​រួម​គ្នា​ចុះ​កំណត់​អត្តសញ្ញាណ​សត្វ​ផ្សោត​លើក​ទីមួយ​នៃ​ឆ្នាំ ២០២៣ នេះ កាល​ពី​ថ្ងៃទី ១២ មករា​ដល់​ទី ១៧ មករា ដើម្បី​តាមដាន និង​ស្ថានភាព​សត្វ​ផ្សោត​ក្នុង​ទន្លេមេគង្គ។ ទិន្នន័យ​នេះ​នឹង​ត្រូវ​ដាក់​បញ្ចូល​ជាមួយ​ទិន្នន័យ​ដែល​គេ​គ្រោង​ចុះ​សិក្សា​ចំនួន​ពីរ​លើក​ទៀត​នៅ​ក្នុង​ឆ្នាំ​នេះ ដើម្បី​ឈាន​ដល់​ការ​បូកសរុប និង​ចងក្រង​របាយការណ៍​អំពី​ចំនួន​សត្វ​ផ្សោត​ក្នុង​ឆ្នាំ ២០២៣។

អង្គការ WWF បញ្ជាក់​លើ​ទំព័រ​ហ្វេសប៊ុក​ថា របាយការណ៍​នេះ​មាន​សារៈសំខាន់​ក្នុង​ការ​ផ្ដល់​បច្ចុប្បន្នភាព​នៃ​ចំនួន​សត្វ​ផ្សោត ព្រមទាំង​គាំទ្រ​ដល់​ភ្នាក់ងារ​រដ្ឋាភិបាល អង្គការ​ដៃគូ និង​អ្នក​អភិរក្ស ស្វែងរក​យុទ្ធសាស្ត្រ​ថ្មីៗ​បន្ថែម​ទៀត ដើម្បី​ពង្រឹង​ការ​ការពារ​សត្វ​ផ្សោត​ទន្លេមេគង្គ​កុំ​ឱ្យ​បាត់បង់។

 

ជំរឿន​សត្វ​ផ្សោត​ឆ្នាំ២០២០ បង្ហាញ​ថា មាន​សត្វ​ផ្សោត​ត្រឹមតែ ៨៩​ក្បាល​ប៉ុណ្ណោះ ដែល​រស់នៅ​ក្នុង​ទន្លេ​មេគង្គ ចាប់​ពី​ខេត្តក្រចេះ ដល់​ខេត្ត​ស្ទឹងត្រែង។ ការ​គំរាមកំហែង​របស់​សត្វ​ផ្សោត រួមមាន​ការ​នេសាទ​ខុសច្បាប់ និង​ការ​សាងសង់​ទំនប់​វារីអគ្គិសនី​នៅ​ផ្នែក​ខាងលើ​នៃ​ទន្លេមេគង្គ។

ទាក់ទង​នឹង​ការងារ​អភិរក្ស​នេះ​ដែរ លទ្ធផល​បឋម​នៃ​ជំរឿន​សត្វស្លាប​ទឹក​អាស៊ី​បង្ហាញ​ថា តំបន់​ការពារ​ទេសភាព​បឹង​ព្រែក​ល្ពៅ​នៅ​ខេត្តតាកែវ មាន​សត្វស្លាប​ចំនួន ៩១ ប្រភេទ ខណៈ​តំបន់​ការពារ​ទេសភាព​អន្លង់​ព្រីង​នៅ​ខេត្ត​កំពត មាន​សត្វស្លាប​ចំនួន ៣៤ ប្រភេទ។ ជំរឿន​សត្វស្លាប​ទឹក​អាស៊ី (Asian Water Bird Census) នេះ ធ្វើឡើង​ដោយ​អង្គការ​ជីវិត​ធម្មជាតិ​នៅ​កម្ពុជា (NatureLife Cambodia) សហការ​ជាមួយ​មន្ត្រី​ឧទ្យានុរក្ស​នៃ​តំបន់​ការពារ​ទេសភាព​ទាំងពីរ​នេះ៕