Khmer Circle:
When your 'government' came to power/office not through elections or a democratic mandate but by means of a neighbouring foreign power's direct intervention who further more has a well-documented history of annexing your nation's territory - land and sea - the people have every cause and reason to be concerned!
What's the lastest total landmass of Cambodia? Does anyone know? Is it still 181,035 kilometer squares?!
^^^
នាយករដ្ឋមន្ត្រី លោក ហ៊ុន ម៉ាណែត បានប្រាប់ក្រុមអ្នកវិនិយោគនៅកម្ពុជាកុំឱ្យព្រួយបារម្ភបញ្ហាជម្លោះព្រំដែនកម្ពុជានិងថៃ ព្រោះកម្ពុជានឹងដោះស្រាយបញ្ហាដោយសន្តិវិធី។ អ្នកឃ្លាំមើលថា បញ្ហាជម្លោះព្រំដែននេះនឹងជះឥទ្ធិពលមិនល្អដល់អ្នកវិនិយោគនៅកម្ពុជាប្រសិនបើអូសបន្លាយទៅមុខ។
លោក ហ៊ុន ម៉ាណែត បានអះអាងនៅក្នុងពិធីអបអរសាទរដំណើរការជាផ្លូវការ១ឆ្នាំ របស់សមាគមសហព័ន្ធអ្នកវិនិយោគកម្ពុជានៅរាជធានីភ្នំពេញ នៅព្រឹកថ្ងៃទី២០មិថុនាថា កម្ពុជាតែងមានការគិតគូរខ្ពស់ដល់អ្នកវិនិយោគដោយគ្មានការរើសអើង។ លោកអំពាវនាវដល់អ្នកវិនិយោគជាតិនិងអន្តរជាតិ ជាពិសេសភ្ញៀវបរទេសដែលទើបមកធ្វើជំនួញនៅកម្ពុជា ឱ្យជ្រើសយកទីតាំងកម្ពុជាក្នុងការធ្វើវិនិយោគ។
លោក ហ៊ុន ម៉ាណែត បញ្ជាក់ថា កម្ពុជាមានសុខសន្តិភាព ហើយបើទោះបីជាកម្ពុជាមានវិវាទព្រំដែនក្ដី ក៏រដ្ឋាភិបាលប្ដេជ្ញានឹងដោះស្រាយបញ្ហានេះដើម្បីរក្សាសន្តិភាពនិងស្ថិរភាពនៃប្រទេសទាំងពីរ និងប្រទេសក្នុងតំបន់។
ជាការលើកទឹកចិត្តទាំងអស់នេះខ្ញុំសង្ឃឹមថា អ្នកវិនិយោគមិត្តទាំងអស់នឹងបន្តមានការសម្រេចធ្វើការវិនិយោគនៅកម្ពុជា។ ហើយអ្នកវិនិយោគដែលទើបតែមកដើម្បីស្វែងរកឱកាសនៅក្នុងការវិនិយោគនៅកម្ពុជានៅពេលនេះ ក៏សង្ឃឹមថា នឹងអាចជ្រើសយកកម្ពុជាយើងនៅក្នុងការវិនិយោគនិងផ្សារភ្ជាប់ខ្មែរចង្វាក់ផលិតផលរវាងកម្ពុជានិងបណ្ដាប្រទេសផ្សេងៗនៅលើពិភពលោក។
— លោក ហ៊ុន ម៉ាណែត
ទោះជាយ៉ាងនេះក្ដីអ្នកគ្រប់គ្រងកម្មវិធីការងារនៃអង្គការសង់ត្រាល់ លោក ឃុន ថារ៉ូ ប្រាប់វិទ្យុអាស៊ីសេរីថា ជម្លោះព្រំដែនកម្ពុជានិងថៃ អាចនឹងប៉ះពាល់ដល់ការវិនិយោគនៅកម្ពុជា ព្រោះជម្លោះនេះពុំដឹងថានឹងបញ្ចប់នៅពេលណាឡើយ។
ជាការពិតប្រសិនបើជម្លោះនេះមានការអូសបន្លាយរយៈពេលវែងវាប្រាកដណាស់នឹងជះឥទ្ធិពលការធ្វើធុរកិច្ចការវិនិយោគ ជាពិសេសការទាក់ទាញនូវវិនិយោគទុន។ ហើយបញ្ហានេះវា ប្រឈមនឹងស្ថានភាពដែលយើងកំពុងតែជួបប្រទះទៅនឹងស្ថានភាពសេដ្ឋកិច្ចរបស់យើង អំឡុងពេលដែលយើងត្រូវការនាំចេញហើយនឹងការពង្រីកទីផ្សារ។
— លោក ឃុន ថារ៉ូ
អ្នកអត្ថាធិប្បាយនយោបាយ លោក គឹម សុខ យល់ថា ការរកដំណោះស្រាយបញ្ហាជម្លោះព្រំដែនរបស់រដ្ឋាភិបាលត្រកូលហ៊ុន នឹងមិនអាចអូសទាញអ្នកវិនិយោគឱ្យមករកស៊ីនៅកម្ពុជាបានទេ។
ក្រុមគ្រួសារហ៊ុន ប្រឹងសម្ដែងដើម្បីបិទបាំង ការសម្លាប់ប្រជាធិបតេយ្យដោយក្រុមគ្រួសារត្រកូលហ៊ុន ហើយនឹងបិទបាំងអំពើឧក្រិដ្ឋកម្មឆ្លងដែន។ ហើយទី២ អ្វីដែលគ្រួសារហ៊ុន ធ្វើគឺបិទបាំងឧក្រិដ្ឋកម្មរបស់ខ្លួន ម្ល៉ោះហើយរឿងទាំងនេះមិនឱ្យអ្នកវិនិយោគទុកចិត្តទេ ពីព្រោះសុទ្ធតែជារឿងប្រឆាំងទៅនឹងការអនុវត្តតាមផ្លូវច្បាប់គ្មានតម្លាភាព។
— លោក គឹម សុខ
របាយការណ៍របស់ក្រុមប្រឹក្សាអភិវឌ្ឍន៍កម្ពុជាឱ្យដឹងថា រយៈពេល៥ខែក្នុងឆ្នាំ២០២៥ គម្រោងវិនិយោគចំនួន២៩០ត្រូវបានអនុម័តនៅក្នុងទុនវិនិយោគ៤ពាន់២០០លានដុល្លារអាមេរិក។ បើធៀបរយៈពេលដូចគ្នាកាលពីឆ្នាំ២០២៤ បានកើនឡើង១៣៧គម្រោងស្មើនឹង៩០ភាគរយ ខណៈទុនវិនិយោគកើនឡើងជាង១ពាន់លានដុល្លារស្មើនឹង៥០ភាគរយ៕
No comments:
Post a Comment