ក្រុមទាហានថៃប្រដាប់អាវុធ និងខ្លះកាន់ដំបងបានរុញច្រាន និងចង្អុរមុខគំរាមមកលើពលរដ្ឋខ្មែរ ដែលលើកគ្នាទៅរារាំងក្រុមទាហានថៃទាំងនោះ បន្ទាប់ពីដើរចូលមកទឹកដីខ្មែរតាមព្រំដែន ដើម្បីព្យាយាមរាយបន្លាលួសបន្ថែមនៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅថ្ងៃទី០៤ ខែកញ្ញា។
ការរុលចូលរាយបន្លាលួសបន្ថែមរបស់ក្រុមយោធាថៃ បានកើតឡើងក្រោយពីអភិបាលខេត្តស្រះកែវរបស់ថៃបានដាក់លិខិតមកកាន់អភិបាលខេត្តបន្ទាយមានជ័យលោក អ៊ុំ រាត្រី ថា ទាហានថៃនិងអាជ្ញាធរថៃនឹងបណ្ដេញពលរដ្ឋខ្មែរ១៧០គ្រួសារចេញពីលំនៅឋាន ស្ថិតនៅក្នុងឃុំអូរបីជាន់ ដែលភាគីថៃអះអាងថា ជាទឹកដីរបស់ថៃស្ថិតក្នុងភូមិបានណងចាន់ និងភូមិយ៉ាកែវចាន់។
ទោះជាយ៉ាងណា អភិបាលខេត្តបន្ទាយមានជ័យលោក អ៊ុំ រាត្រី បានចេញលិខិតឆ្លើយតបថា ការចេញលិខិតគំរាមបណ្ដេញពលរដ្ឋទាំង១៧០គ្រួសារនោះ គឺជាការបំពានលើបទឈប់បាញ់ និងអនុស្សរណៈយោគយល់គ្នាស្ដីពីការវាស់វែងខណ្ឌសីមាព្រំដែនគោកកម្ពុជា-ថៃឆ្នាំ (MoU) ២០០០។
លោក អ៊ុំ រាត្រី បានស្នើអភិបាលខេត្តស្រះកែវរបស់ថៃ ត្រូវទុកឱ្យស្ថានភាពព្រំដែន និងស្ថានភាពពលរដ្ឋរស់នៅតាមព្រំដែន ឱ្យគណៈកម្មាធិការព្រំដែនទូទៅកម្ពុជា-ថៃ (GBC) និងគណៈកម្មការចម្រុះខណ្ឌសីមាព្រំដែនគោក (JBC) ជាអ្នកមានសមត្ថកិច្ចដោះស្រាយ។
2 comments:
Thank You peace.
ចុះឯណាអាពងក្ដដែកជោម៉ិចក៏ស្ងាត់ម្លេះ? ម៉េចក៏មិនឃើញអើតក្បាលមកធ្វើគ្រាន់បើទៀត?
Post a Comment