ដោយ ថា កិត្យា
2016-09-22
rfa
លោកនាយករដ្ឋមន្ត្រី ហ៊ុន សែន ថ្លែងក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ «អគារមរតកតេជោ» នាក្រសួងបរិស្ថាន នៅព្រឹកថ្ងៃទី២៥ ខែកុម្ភៈ ឆ្នាំ២០១៦។
RFA/Brach Chev
លោកនាយករដ្ឋមន្ត្រី ហ៊ុន សែន នៅព្រឹកថ្ងៃទី២២ ខែកញ្ញា បានប្រកាសបទឈប់បាញ់ដោយពាក្យសម្ដីជាមួយគណបក្សប្រឆាំងក្នុងឱកាសបុណ្យភ្ជុំបិណ្ឌនេះ។ បក្សប្រឆាំង និងអ្នកវិភាគសាទរចំពោះប្រសាសន៍របស់ប្រមុខបក្សកាន់អំណាចនេះ តែចង់ឲ្យបន្តវប្បធម៌សន្ទនាដោះស្រាយបញ្ហានយោបាយដែលនៅសេសសល់ជាបន្ទាន់។
ការប្រកាសបទឈប់បាញ់ដោយពាក្យសម្ដីនៅពេលនេះ គឺបន្ទាប់ពីសង្គ្រាមពាក្យសម្ដីបានកើតឡើងយ៉ាងក្ដៅគគុក កាលពីកាលពីថ្ងៃច័ន្ទ ទី១៩ ខែកញ្ញា ដោយលោក ហ៊ុន សែន ប្រកាសថា បើលោកចរចាជាមួយបក្សប្រឆាំងដោយការធ្វើបាតុកម្មនោះ គឺលោក "ឆ្កែសុទ្ធ" និងព្រមានកម្ទេចបាតុករបក្សប្រឆាំងដែលប៉ងធ្វើបាតុកម្មនៅគ្រប់ទីកន្លែងទោះក្នុងរូបភាពណាក៏ដោយ។
ថ្លែងក្នុងពិធីចែកសញ្ញាប័ត្រដល់និស្សិតនៅសណ្ឋាគារសុខាភ្នំពេញ នៅព្រឹកថ្ងៃទី២២ ខែកញ្ញា លោក ហ៊ុន សែន ថា បទឈប់បាញ់មួយហាក់ដូចជាបានស្ងៀមស្ងាត់បន្តិច ក្នុងរយៈពេលប៉ុន្មានថ្ងៃចុងក្រោយនេះ បន្ទាប់ពីមានការបាញ់ប្រហារពាក្យសម្ដីឆ្លងឆ្លើយគ្នាខ្លះជាមួយបក្សប្រឆាំងកាលពីថ្ងៃច័ន្ទ ដើមសប្ដាហ៍នេះ។ លោករំពឹងថា សភាពការណ៍នឹងបន្តស្ងប់ស្ងាត់បែបនេះរហូត៖ «ថ្ងៃច័ន្ទវាមានការបាញ់គ្នា ដល់ថ្ងៃអង្គារ បទឈប់បាញ់មួយ គឺហាក់បីដូចជាមិនត្រូវមានការបាញ់ឆ្លងឆ្លើយទេ បើអ៊ីចឹងខ្ញុំរង់ចាំមើលថា រដូវបុណ្យភ្ជុំបិណ្ឌនេះនរណាវាយនរណាមុន។ ព្រោះជាធម្មតាខ្ញុំចង់ឲ្យសភាពការណ៍វាស្ងប់ស្ងាត់ មិនចង់ឲ្យមានការឆ្លងឆ្លើយគ្នា ចាំមើលថា បទឈប់បាញ់នេះនរណាជាអ្នកផ្ដើមមុន?»។
ក្នុងឱកាសចែកសញ្ញាប័ត្រនេះ លោកនាយករដ្ឋមន្ត្រី ហ៊ុន សែន ពុំបានថ្លែងដល់បញ្ហានយោបាយច្រើនឡើយ ប៉ុន្តែលោកអំពាវនាវឲ្យប្រជាពលរដ្ឋគ្រប់រូបទៅចុះឈ្មោះបោះឆ្នោត និងអំពាវនាវសូមកុំឱ្យរថយន្តឈ្នួលឡើងថ្លៃនៅក្នុងឱកាសបុណ្យភ្ជុំបិណ្ឌ ហើយបើកបរត្រូវគោរពច្បាប់ចរាចរណ៍។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង មានប្រសាសន៍ថា នៅក្នុងសង្គមប្រជាធិបតេយ្យ គឺការខ្វែងគំនិត និងវិវាទពាក្យសម្តីគ្នានោះ មិនមែនជាបញ្ហាចោទឡើយ ប៉ុន្តែរដ្ឋាភិបាលមិនត្រូវយកកងកម្លាំងប្រដាប់អាវុធ និងប្រព័ន្ធតុលាការដើម្បីគំរាមកំហែង និងគាបសង្កត់ឡើយ។
លោក អេង ឆៃអ៊ាង បន្ថែមថា ដើម្បីអោយស្ថានភាពនយោបាយស្ងប់ស្ងាត់រហូតតទៅដូចអ្វីដែលលោកនាយករដ្ឋមន្ត្រីចង់បាននោះ គឺលុះត្រាតែមានដំណោះស្រាយនយោបាយរួម៖ «កាលណាមានដំណោះស្រាយរួមរវាងគណបក្សដែលមានអាសនៈក្នុងរដ្ឋសភាហើយ យើងមិនខ្វល់ខ្វាយទេ ហើយប្រជារាស្ត្រលោកក៏អបអរសាទរនូវបញ្ហាទាំងអស់ហ្នឹង។ តែផ្ទុយទៅវិញ បើគាត់ស្ងប់ស្ងាត់តែពេលភ្ជុំបិណ្ឌ ហើយក្រោយភ្ជុំបិណ្ឌ ចេះតែមានការចាប់ចង ចេះតែមានការប្ដឹងផ្ដល់មកលើមន្ត្រីបក្សប្រឆាំង មកលើមន្ត្រីអង្គការសង្គមស៊ីវិល និងមន្ត្រីសិទ្ធិមនុស្ស គឺវាមិនប្រសើរទេ។ប្រសិនបើអោយអ្នកដែលជាប់ពន្ធនាគារនៅក្នុងហេតុផលនយោបាយ មានអង្គការសង្គមស៊ីវិល និងអង្គការសិទ្ធិមនុស្ស សកម្មជននយោបាយនៅក្រៅពន្ធនាគារនៅអំឡុងពេលមុនភ្ជុំបិណ្ឌនេះទៀតកាន់តែល្អប្រសើរ»។
រីឯអ្នកជំនាញផ្នែកវិទ្យាសាស្ត្រនយោបាយ លោក សូ ចន្ថា មានប្រសាសន៍ថា ក្នុងពេលបច្ចុប្បន្នថ្វីត្បិតតែអ្នកនយោបាយមានភាពស្ងប់ស្ងាត់ក្នុងការប្រើវោហារសាស្ត្រគ្រោតគ្រាតដាក់គ្នាក្ដី ក៏ប៉ុន្តែស្ថានភាពនយោបាយនៅមិនទាន់ដោះស្រាយនៅឡើយទេ៖ «ខ្ញុំគាំទ្រកុំអោយអ្នកនយោបាយប្រើប្រាស់វោហារសាស្ត្រគ្រោតគ្រាតដែលមិនមែនជាវប្បធម៌នយោបាយប្រជាធិបតេយ្យដែលអាចផ្ដល់គំរូល្អដល់ប្រជាពលរដ្ឋខ្មែរ ហើយខ្ញុំចង់ឃើញអ្នកនយោបាយខ្មែរអាចជជែកគ្នាបាន ហើយបន្តដោះស្រាយបញ្ហាជាតិ និងបញ្ហាគណបក្សនយោបាយនីមួយៗដោយសន្តិវិធី ហើយគណបក្សទាំងនោះ គួរតែរៀបចំនៅគោលនយោបាយរៀបចំនូវសារនយោបាយដើម្បីត្រៀមសម្រាប់ការបើបោះឆ្នោតនៅពេលខាងមុខដើម្បីអោយសារនយោបាយនោះ ឆ្លើយតបទៅនឹងបញ្ហារបស់សង្គម»។
អ្នកជំនាញផ្នែកវិទ្យាសាស្ត្រនយោបាយរូបនេះ មិនមានជំនឿទៅលើបក្សកាន់អំណាច និងបក្សប្រឆាំងដែលសន្យាថា ឈប់ប្រើប្រាស់សង្គ្រាមពាក្យសម្ដីនោះឡើយ ព្រោះកន្លងមក ទោះបីជាមានកិច្ចព្រមព្រៀងនយោបាយថ្ងៃទី២២ កក្កដា ឆ្នាំ២០១៤ ក្តី តែអ្នកនយោបាយបក្សទាំងពីរនៅតែមិនគោរព និងឲ្យតម្លៃគ្នានោះទេ រហូតឈានដល់រំលោភកិច្ចព្រមព្រៀងទៀតផង។ បន្ថែមពីនេះ លោក សូ ចន្ថា សង្កេតឃើញថា គណបក្សកាន់អំណាចច្រើនតែប្រើប្រាស់កងកម្លាំង និងស្ថាប័នជាតិមួយចំនួន ដូចជាស្ថាប័នតុលាការជាដើម ចាត់ការទៅលើបក្សប្រឆាំង។ ក្រៅពីនេះ បក្សប្រឆាំងក៏ប្រកាសធ្វើបាតុកម្មដែរ។
ដោយសង្កេតទៅលើសាវតាររឿងនៃគណបក្សទាំងពីរនេះ លោក សូ ចន្ថា វិភាគថា អ្នកនយោបាយនៅកម្ពុជា ហាក់ដូចជាមិនទាន់ស្មោះត្រង់ជាមួយគ្នា និងស្មោះជាមួយជាតិ និងប្រជាជននៅឡើយ៕
1 comment:
Hun Sen declares ceasefire.
This is one of Samkok's tactics. With his newly acquired title "Ah kouk Chker Soth Hun Sen", Hun Sen just took a break waiting for his master Yuon telling him what to do next.
Hun Sen has rather wanted to see Cambodia disappear than see himself losing his battle with his own people.
Ah Kouk Chker Soth Hun Sen is a devil monster !!
To make the CNRP stronger and win this 2018 election, Kem Sokha must stop fucking around like a stray dog, Sam Rainsy must stop taking advice from his wife Saumura and also stop touting Ah Sdach Chkuot Sihanouk's legacy.
Saumura is close to Monique and Sihamoni.
Monique/ Sihamoni = Hun Sen's puppet
Hun Sen = Yuon's puppet
Therefore, Sam Rainsy taking advice from Saumura is tantamount to taking advice from Yuon.
Post a Comment