ដោយ អ៊ុង សេរីវុទ្ធ
2016-09-12
អត្តសញ្ញាណប័ណ្ណសញ្ជាតិខ្មែរ។
Photo: RFA
អាជ្ញាធរខេត្តកណ្ដាលនៅមិនទាន់កំណត់ថាម្ចាស់អត្តសញ្ញាណប័ណ្ណជិត៥០នាក់ នៅស្រុកកោះធំ ថា ជាជនជាតិអ្វីនោះទេ។
ស្នងការនគរបាលខេត្តកណ្ដាល លោក អ៊ាវ ចំរើន ឲ្យអាស៊ីសេរីដឹងតាមបណ្ដាញទំនាក់ទំនងសង្គមវ័ត្សអាប់ (WhatsApp) នៅរសៀលថ្ងៃទី១២ កញ្ញា ថា ក្រុមការងារស៊ើបអង្កេតលើករណីដែលសង្ស័យថា ម្ចាស់អត្តសញ្ញាណប័ណ្ណជិត៥០សន្លឹក គ្មានសញ្ជាតិខ្មែរពិតប្រាកដនោះ នៅមិនទាន់បញ្ចប់ការស្រាវជ្រាវរបស់ខ្លួននៅឡើយទេ។
កាលពីដើមខែកញ្ញានេះ អធិការនគរបាលស្រុកកោះធំ លោក ឈឿន ប៊ុនឆន បានរកឃើញអត្តសញ្ញាណប័ណ្ណខ្មែរគំរូថ្មី ដែលមានភាពមិនប្រក្រតីជិត៥០សន្លឹក ដែលសង្ស័យថា ម្ចាស់អត្តសញ្ញាណប័ណ្ណទាំងនេះ មិនមែនជាជនជាតិខ្មែរ។
ក្រោយមានការសង្ស័យ លោកបានប្រគល់អត្តសញ្ញាណប័ណ្ណទាំងនោះ ទៅស្នងការនគរបាលខេត្តកណ្ដាល ដើម្បីបង្កើតក្រុមអធិការកិច្ចចុះពិនិត្យលើភាពមិនប្រក្រតីនេះ។
យោងតាមច្បាប់សញ្ជាតិខ្មែរ កំណត់ថា ជនបរទេសរស់នៅកម្ពុជា ពុំមានសិទ្ធិកាន់កាប់ និងប្រើប្រាស់អត្តសញ្ញាណប័ណ្ណសញ្ជាតិខ្មែរទេ លុះត្រាបុគ្គលនោះ ទទួលបានសញ្ជាតិខ្មែរផ្លូវការតាមរយៈសញ្ជាតូបនីយកម្ម ដែលមានការទទួលស្គាល់ដោយព្រះរាជក្រឹត្យព្រះមហាក្សត្រ។
ក្នុងករណីដែលពុំមានការទទួលស្គាល់ដោយព្រះរាជក្រឹត្យព្រះមហាក្សត្រទេ បុគ្គលដែលកាន់កាប់ និងប្រើប្រាស់អត្តសញ្ញាណប័ណ្ណសញ្ជាតិខ្មែរ នឹងត្រូវផ្ដន្ទាទោសដាក់ពន្ធនាគារពី ៥ឆ្នាំដល់ ១០ឆ្នាំ។ ចំណែកមន្ត្រីខ្មែរដែលចេញ អត្តសញ្ញាណប័ណ្ណសញ្ជាតិខ្មែរ ដល់ជនបរទេស ក៏ត្រូវផ្ដន្ទាទោសដូចគ្នា៕
1 comment:
Are we surprised how slow these monkeys doing their jobs?.Even If something is legal in the eyes of the law,but would be illegal the eyes of the monkey if related the opposition activities that the monkeys feel threatened, swift actions will be taken against them without any delay.
Post a Comment