ដោយ ថា កិត្យា
2017-09-12
(ពីឆ្វេង) លោក ឌឹម គុណឌី និង លោក ហ៊ុន វណ្ណៈ សកម្មជនសកម្មជនចលនាមាតាធម្មជាតិ មុនពេលអាជ្ញាធរចាប់ខ្លួន នៅថ្ងៃទី១២ ខែកញ្ញា ឆ្នាំ២០១៧។
Photo Provided
សកម្មជនចលនាមាតាធម្មជាតិ២នាក់ ត្រូវបានអាជ្ញាធរក្នុងស្រុកគីរីសាគរ ខេត្តកោះកុង ឃាត់ខ្លួន នៅម៉ោង ប្រមាណ ១០ព្រឹក ថ្ងៃទី១២ ខែកញ្ញា ខណៈអ្នកទាំង២នាក់ បានធ្វើដំណើរតាមទូក ឆ្ពោះទៅថតវីដេអូឯកសារទាក់ទងអាជីវកម្មខ្សាច់នៅតំបន់ព្រែកខ្សាច់នោះ។ នេះបើតាមការអះអាងរបស់ប្រជាសហគមន៍ព្រែកខ្សាច់ លោកស្រី ព្រាប រដ្ឋា។
លោកស្រី បញ្ជាក់ថា សកម្មជនទាំង២នាក់នោះមាន លោក ឌឹម គុណឌី និង លោក ហ៊ុន វណ្ណៈ។ អ្នកទាំងពីរកំពុងត្រូវបានអាជ្ញាធរសួរនាំនៅប៉ុស្តិ៍នគរបាលឃុំព្រែកខ្សាច់ ដោយមិនដឹងថា នឹងដោះ លែងឬយ៉ាងណានោះទេ។
ការឃាត់ខ្លួននេះក្រោយសកម្មជនចលនាមាតាធម្មជាតិ បានចេញផ្សាយវីដេអូមួយ ទាក់ទងនឹងការរកឃើញភាពមិនប្រក្រតីនៃការនាំចេញខ្សាច់ទៅកោះតៃវ៉ាន់ ចំនួនជាង ១លានតោន ដែលគិតជាទឹកប្រាក់ជាង ៣០លានដុល្លារអាមេរិក។
សកម្មជនចលនាមាតាធម្មជាតិ តែងតែចូលរួមតាមដានរឿងអាជីវកម្មខ្សាច់នេះយ៉ាងសកម្ម ដើម្បីកុំឲ្យធនធានរ៉ែខ្សាច់នេះត្រូវបាត់បង់ជាបន្តទៀត៕
No comments:
Post a Comment