ដោយ មួង ណារ៉េត
2018-04-30
ប្រធានគណបក្សប្រជាធិបតេយ្យមូលដ្ឋាន (GDP) លោក យ៉េង វីរៈ (ឆ្វេង) និងប្រធានគណៈកម្មាធិការនាយកទី១ លោក យ៉ង សាំងកុមារ (ស្ដាំ) ថ្លែងនៅក្នុងសន្និសីទកាសែត ថ្ងៃទី២៧ ខែសីហា ឆ្នាំ២០១៧។
Photo: RFA
គណបក្សប្រជាធិបតេយ្យមូលដ្ឋាន អះអាងនៅថ្ងៃទី៣០ មេសានេះ ដាក់ចេញនូវលក្ខខណ្ឌចំនួន ៤ ចំណុច ដើម្បីចូលរួមក្នុងការបោះឆ្នោតជាតិនាខែកក្កដា ខាងមុខ។ គណបក្សនេះបញ្ជាក់ថា ប្រសិនបើលក្ខខណ្ឌទាំងនេះមិនត្រូវបានអនុវត្តទេនោះ គណបក្សនឹងដកខ្លួនចេញពីការបោះឆ្នោត។ អ្នកវិភាគនយោបាយ យល់ឃើញថា លក្ខខណ្ឌរបស់បក្សនេះ មិនមែនជាចំណុចសំខាន់សម្រាប់ដំណើរការបោះឆ្នោតខាងមុខនោះឡើយ ហើយស្នើឱ្យបក្សនេះគិតគូរឱ្យបានហ្មត់ចត់ពីប្រជាប្រិយភាពរបស់ខ្លួន ប្រសិនបើសម្រេចចិត្តចូលរួមការបោះឆ្នោតមែននោះ។
លក្ខខណ្ឌចំនួន ៤ ចំណុចរបស់គណបក្សប្រជាធិបតេយ្យមូលដ្ឋាន ដែលជាបក្សកើតចេញពីថ្នាក់ដឹកនាំអង្គការសង្គមស៊ីវិលនោះ គឺទីមួយ គ្មានការរំខានចំពោះការធ្វើសកម្មភាពនយោបាយរបស់គណបក្ស ដូចជា ការលើកស្លាក ការជួបជុំសមាជិក និងអ្នកគាំទ្ររបស់ខ្លួន ទីពីរ មិនមានការគំរាមកំហែងក្រោមរូបភាពផ្សេងៗលើបេក្ខជន សកម្មជន និងអ្នកគាំទ្ររបស់គណបក្ស ទីបី ផ្ដល់ភាពយុត្តិធម៌ចំពោះការផ្សព្វផ្សាយអំពីគណបក្សតាមប្រព័ន្ធផ្សព្វផ្សាយផ្សេងៗ និងចុងក្រោយគឺការផ្តល់សិទ្ធិសេរីភាពពេញលេញដល់អ្នកសង្កេតការណ៍ជាតិ និងអន្តរជាតិ ដើម្បីចូលរួមឱ្យបានពេញលេញក្នុងដំណើរការបោះឆ្នោត។
អគ្គលេខាធិការគណបក្សប្រជាធិបតេយ្យមូលដ្ឋាន លោក សាម អ៊ីន អះអាងថា ចំណុចទាំង ៤ នេះ គឺជាលក្ខខណ្ឌដែលគណបក្សនឹងយកទៅពិចារណាក្នុងការសម្រេចចូលរួមការបោះឆ្នោតជ្រើសតាំងតំណាងរាស្ត្រនៅខែកក្កដាខាងមុខ។ «»
លោកបញ្ជាក់ថា ថ្នាក់ដឹកនាំបក្សនឹងជួបប្រជុំគ្នានៅថ្ងៃទី៦ ឧសភា ខាងមុខ ដើម្បីធ្វើការសម្រេចចុងក្រោយថាតើ គណបក្សនឹងចូលរួម ឬមិនចូលរួមការបោះឆ្នោតនោះ។ លោកបន្តថា គណបក្សប្រជាធិបតេយ្យមូលដ្ឋានចង់ឃើញបរិយាកាសនយោបាយល្អសម្រាប់គ្រប់គណបក្សនយោបាយ ដើម្បីចូលរួមប្រកួតប្រជែងនៅក្នុងការបោះឆ្នោតជាតិនាពេលខាងមុខ។ លោកស្នើឱ្យពលរដ្ឋម្ចាស់ឆ្នោតតាមដានឱ្យបានដិតដល់ចំពោះដំណើរការបោះឆ្នោត និងស្វែងយល់អំពីគណបក្សនយោបាយនីមួយៗ ទោះបីជាការអនុវត្តលទ្ធិប្រជាធិបតេយ្យនៅកម្ពុជាសព្វថ្ងៃ មានដំណើរការធាក់ថយយ៉ាងណាក្ដី។ «»
ប្រធានក្រុមអ្នកវិភាគវ័យក្មេង លោក ហង្ស វិទូ ថ្លែងថា ការដាក់ចេញនូវលក្ខខណ្ឌសម្រាប់ចូលរួមការបោះឆ្នោតតំណាងរាស្ត្រនេះ គឺជាសិទ្ធិសេរីភាពរបស់គណបក្ស ប៉ុន្តែលោកយល់ឃើញថា តម្លៃនៃការបោះឆ្នោតមិនស្ថិតនៅលើចំណុចទាំង ៤ ដែលគណបក្សនេះបានដាក់ចេញនោះទេ។ លោកបន្តថា គណបក្សប្រជាធិបតេយ្យមូលដ្ឋានគួរពិចារណាឱ្យបានល្អិតល្អន់អំពីប្រជាប្រិយភាពរបស់ខ្លួន ប្រសិនបើសម្រេចចិត្តចូលរួមក្នុងការបោះឆ្នោតនាពេលខាងមុខ ពីព្រោះម្ចាស់ឆ្នោតរាប់លានបានបាត់បង់ជំនឿលើការបោះឆ្នោតនេះរួចទៅហើយ លើកលែងតែរបបក្រុងភ្នំពេញ ស្ដារស្ថានការណ៍នយោបាយឱ្យបានល្អប្រសើរឡើងវិញ និងបើកឱ្យបក្សសង្គ្រោះជាតិចូលរួមក្នុងការបោះឆ្នោតនេះដែរតែប៉ុណ្ណោះ។ «»
មកទល់នឹងពេលនេះ មានតែគណបក្សអំណាចខ្មែរមួយប៉ុណ្ណោះ ដែលបានប្រកាសធ្វើពហិការ មិនចូលរួមការបោះឆ្នោតនាពេលខាងមុខ ដោយគណបក្សនេះបានចោទគណៈកម្មាធិការជាតិរៀបចំការបោះឆ្នោត ថា មិនឯករាជ្យ ធ្វើការមិនបានល្អ និងដោយសារស្ថានភាពនយោបាយច្របូកច្របល់គ្មានដំណោះស្រាយ។
ទោះបីជាបែបនេះក្តី គ.ជ.ប អះអាងថា ការបោះឆ្នោតនឹងប្រព្រឹត្តទៅដូចការគ្រោងទុក ហើយការប្រកាសមិនចូលរួមការបោះឆ្នោត គឺជាសិទ្ធិរបស់គណបក្សនយោបាយនីមួយៗ មិនអាចចោទប្រកាន់ថា គ.ជ.ប មិនឯករាជ្យនោះឡើយ។
គ.ជ.ប ចាប់ផ្ដើមដំណើរការចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៦ ហើយ គឺចាប់ពីថ្ងៃទី៣០ មេសា ដល់ថ្ងៃទី១៤ ឧសភា ខាងមុខ។ នៅថ្ងៃដំបូងនេះ មានគណបក្សចំនួន ២ បានចុះឈ្មោះរួចរាល់ហើយ សម្រាប់ចូលរួមប្រកួតប្រជែងការបោះឆ្នោត គឺគណបក្សប្រជាជនកម្ពុជា និងគណបក្សយុវជនកម្ពុជា៕
1 comment:
How low will these dump people stoop? 4 condom tions like condition from a 5 years old kid.
He should change his name to Yeng Si Leak.
Post a Comment