Khmer Circle: No worries, our North Korean, Chinese, Russian and, off course, Vietnamese brothers will be here to monitor and endorse.... Not to mention numerous 'freelancers'-mercenaries on our payrolls!
$$$
ដោយ យន់ សាមៀន
2018-06-28
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) លោក ហង្ស ពុទ្ធា ផ្ដល់បទសម្ភាសន៍នៅថ្ងៃទី១៥ ខែឧសភា ឆ្នាំ២០១៧។
Photo: RFA
គណៈកម្មាធិការជាតិរៀបចំការបោះឆ្នោតមីយ៉ានម៉ា (Myanmar) បានបដិសេធសំណើអញ្ជើញទៅសង្កេតការណ៍បោះឆ្នោតសកល ថ្ងៃទី២៩ ខែកក្កដា នៅកម្ពុជារបស់គណៈកម្មាធិការជាតិរៀបចំការបោះឆ្នោតកម្ពុជា។
ប្រភពមន្ត្រីគណៈកម្មាធិការជាតិរៀបចំការបោះឆ្នោត មីយ៉ាន់ម៉ាអះអាងថា ការបដិសេធនេះ ដោយសារតែមន្ត្រីរៀបចំការបោះឆ្នោតមីយ៉ាន់ម៉ារវល់ជាប់រៀបចំការបោះឆ្នោតក្នុងស្រុក។ ចំណែកអង្គការសង្គមស៊ីវិលឯករាជសំខាន់ៗចំនួនបីរបស់ មីយ៉ាន់ម៉ា បានអះអាងថា ពួកគេមិនបានទទួលសំណើសុំទៅសង្កេតការណ៍បោះឆ្នោតនៅកម្ពុជានោះទេ។
ទោះបីជាយ៉ាងណាក៏ដោយ កាលពីថ្ងៃទី២៧ មិថុនាកន្លងទៅ គ.ជ.បកម្ពុជាបានអះអាងថា បានទទួលអ្នកសង្កេតការណ៍ជាតិនិងអន្តរជាតិជាង ៥ម៉ឺននាក់។ ក្នុងចំណោមអ្នកសង្កេតការណ៍ទាំងនោះ មាន ១៧នាក់ មកពីស្ថានទូតចិន សិង្ហបុរី និងមីយ៉ាន់ម៉ា។
អាស៊ីសេរីមិនទាន់អាចសុំការបកស្រាយពីស្ថានទូតមីយ៉ាន់ម៉ាបាននៅឡើយទេ ចំពោះការបដិសេធមិនទៅសង្កេតការណ៍បោះឆ្នោតនៅកម្ពុជា។ ចំណែកស្ថានទូតសិង្ហបុរី ក៏មិនទាន់ឆ្លើយសំណួរអាស៊ីសេរី ជុំវិញការសង្កេតការណ៍បោះឆ្នោតនៅកម្ពុជានៅឡើយដែរ។
អ្នកសម្របសម្រួលផ្នែកអង្កេតនៃអង្គការខុមហ្វ្រែល (COMFREL) លោក កន សាវាង្ស ស្វាគមន៍ អ្នកសង្កេតការណ៍អន្តរជាតិ ប៉ុន្តែលោកអះអាងថា បញ្ហាសំខាន់គឺត្រូវមើលទៅលើសមាសភាពរបស់អ្នកសង្កេតការណ៍ទាំងនោះ និងនីតិវិធីនៃការវាយតម្លៃរបស់ពួកគេ ថាតើមានភាពជឿជាក់ដល់កម្រិតណាដែរ។ លោក កន សាវាង្ស បន្តថា ដើម្បីវាយតម្លៃការបោះឆ្នោតមួយថា ប្រព្រឹត្តទៅដោយសេរី ត្រឹមត្រូវ និងយុត្តិធម៌ លុះត្រាតែប្រទេសនោះធ្លាប់មានបទពិសោធន៍រៀបចំការបោះឆ្នោតតាមបែបប្រជាធិបតេយ្យ ប៉ុន្តែប្រទេសចិន សិង្ហបុរី និងមីយ៉ាន់ម៉ា សុទ្ធតែមិនសូវមានបទពិសោធន៍នៃការរៀបចំការបោះឆ្នោតបែបប្រជាធិបតេយ្យ៕
No comments:
Post a Comment