Khmer Circle:
Well, shedding innocent Khmers' blood has consistently been among this regime's favoured and least fussy options in clinging on to power...
Organised violence and the threat of its use is the CPP's end game. The regime will 'talk' and entertain "dialogue" where and when expedient but don't expect good faith or sincerity in the gesture!
Lest one forgets, the Hun Sen regime came to power and being by means of foreign armed intervention and clear political sponsorship, electing to favour as their stooges groups and clans with the worst human rights record [of course, still much better than that of Pol Pot, another manipulated instrument of Hanoi] and nationally speaking, the most unconscionable as well as being extracted from the country's basest and uncivilised social underclasses.
In short, learn not to trust the crocodile to ferry the sheep to freedom..
%%%
ដោយ មួង ណារ៉េត
2019-01-31
rfa
(ពីឆ្វេង) លោក កឹម សុខា និងលោក សម រង្ស៊ី កាលពីថ្ងៃទី១៩ ខែកក្កដា ឆ្នាំ២០១៣ លោក ហ៊ុន សែន និងភរិយា លោកស្រី ប៊ុន រ៉ានី កាលពីថ្ងៃទី២៧ ខែមុថិនា ឆ្នាំ២០១៣។
RFA
អ្នកវិភាគនយោបាយ ផ្ដល់យោបល់ឱ្យភាគីរបបក្រុងភ្នំពេញ និងគណបក្សសង្គ្រោះជាតិ រិះរកវិធីសម្របសម្រួល និងសម្បទានឱ្យគ្នា ដើម្បីបញ្ចៀសការបង្ហូរឈាម ឬការប៉ះទង្គិចគ្នា រវាងខ្មែរ និងខ្មែរ នៅឆ្នាំ២០១៩។ ការលើកឡើងនេះ បន្ទាប់ពីមេយោធារបបក្រុងភ្នំពេញ ប្រកាសកម្ទេច លោក សម រង្ស៊ី បើហ៊ានចូលស្រុក នៅខណៈដែលគណបក្សប្រឆាំង ប្ដេជ្ញាកៀរគរអ្នកគាំទ្រជូនដំណើរលោក សម រង្ស៊ី ចូលស្រុកឱ្យទាល់តែបាន នៅឆ្នាំ២០១៩។
ប្រធានក្រុមអ្នកវិភាគវ័យក្មេង កញ្ញា លី ស្រីស្រស់ យល់ថា ក្នុងស្ថានភាពសព្វថ្ងៃនេះ បើមេដឹកនាំគណបក្សប្រឆាំង លោក សម រង្ស៊ី ចូលស្រុកពិតមែន ជាប្រការគ្រោះថ្នាក់ខ្លាំង និងប្រឈមវិធានការផ្សេងៗ ពីរបបក្រុងភ្នំពេញ។ ប៉ុន្តែ បើលោក សម រង្ស៊ី មានយុទ្ធសាស្ត្រល្អ ហ៊ានប្រថុយចូលប្រទេសកម្ពុជា ដោយគ្មានឧបសគ្គរារាំង ជារឿងជោគជ័យបំផុត សម្រាប់គណបក្សសង្គ្រោះជាតិ ក្នុងកាលៈទេសៈបច្ចុប្បន្ន៖ «លើកទឹកចិត្តថា បើសិនលោក សម រង្ស៊ី មកបានខ្ញុំ ក៏ត្រេកអរដែរ ពីព្រោះក្នុងស្ថានភាពបែបនេះ។ ប៉ុន្តែត្រូវតែធ្វើឱ្យប្រាកដនៅលើយុទ្ធសាស្ត្ររបស់ខ្លួនពាក់ព័ន្ធទៅនឹងការវិលត្រលប់មកកម្ពុជា។ ធ្វើយ៉ាងណា ឱ្យមានការចរចា ឬក៏ការស្រុះស្រួលគ្នាទៅ កុំឱ្យមានការឃុំខ្លួន ឬក៏ការឃុំខ្លួនអ្វីជាដើម ព្រោះការធ្វើបែបនេះ វាអាចធ្វើឱ្យប្រទេសកម្ពុជា កាន់តែដុនដាប ជាពិសេសលទ្ធិប្រជាធិបតេយ្យនៅកម្ពុជា»។
ទោះ មេដឹកនាំរបបឯកបក្សក្រុងភ្នំពេញ លោក ហ៊ុន សែន ធ្លាប់បញ្ជាច្រើនដង ឱ្យមន្ត្រីក្រោមឱវាទ ឈប់ឆ្លងឆ្លើយ ជាមួយគណបក្សប្រឆាំង ប៉ុន្តែ ប៉ុន្មានថ្ងៃនេះ មេយោធា ជាច្រើន បានប្រើប្រាស់ប្រព័ន្ធឃោសនាស្និតរបបក្រុងភ្នំពេញ ឆ្លើយតបនឹងការអំពាវនាវរបស់ លោក សម រង្ស៊ី និងប្ដេជ្ញាថា កម្ទេច លោក សម រង្ស៊ី បើហ៊ានវិលត្រលប់មកកម្ពុជា។
រដ្ឋមន្ត្រីក្រសួងការពារជាតិ លោក ទៀ បាញ់ នៅថ្ងៃទី៣០ មករា ក៏ត្រូវបានប្រព័ន្ធឃោសនាដដែល ចុះផ្សាយថា មិនអនុញ្ញាតឱ្យ លោក សម រង្ស៊ី បានស្រែកដូរ មិនដូរនៅកម្ពុជាដាច់ខាត។ លោក ទៀ បាញ់ ហៅសកម្មភាពលោក សម រង្ស៊ី វិលចូលកម្ពុជា ជាការបង្កអសន្តិសុខ។
មុនពេលមានប្រតិកម្មពីមេយោធា លោក សម រង្ស៊ី បានអំពាវនាវជាថ្មី កុំឱ្យកងកម្លាំងប្រដាប់អាវុធស្ដាប់បញ្ជាជនផ្ដាច់ការ ដែលអះអាងថា ជា លោក ហ៊ុន សែន។ លោក ទៀ បាញ់ ថា លោកអន់ចិត្ត ព្រោះមានអ្នកខ្លះ នៅតែជឿសំដី លោក សម រង្ស៊ី។
អ្នកវិភាគនយោបាយ បណ្ឌិត ឡៅ ម៉ុងហៃ សរសេរលើបណ្ដាញសង្គមហ្វេសប៊ុក នៅថ្ងៃទី៣០ មករា ថា បើ លោក សម រង្ស៊ី ត្រឡប់មកខ្មែរលើកនេះមែន អាចមានវាសនាខុសពី លើកមុន គឺ លោក សម រង្ស៊ី អាចនឹងត្រូវចាប់ខ្លួនដាក់ពន្ធនាគារ ដូចលោក កឹម សុខា ប្រធានគណបក្សសង្គ្រោះជាតិ។ លោក សម រង្ស៊ី អាចត្រូវគេវាយបែកក្បាល ដូច មេដឹកនាំជាន់ខ្ពស់មួយរួម ក្នុងសម័យកម្ពុជាប្រជាធិបតេយ្យ គឺ លោក ខៀវ សំផន កាលឆ្នាំ១៩៩១។ លោក សម រង្ស៊ី អាចត្រូវបានសម្លាប់ ដូច សមាជិកព្រឹទ្ធសភា ប្រទេសហ្វីលីពីន ឈ្មោះ អាគីណូ (Aquino) ដែលប្រឆាំងប្រធានាធិបតីផ្ដាច់ការ ឈ្មោះ ម៉ារកុស (Marcos) ត្រូវគេបាញ់សម្លាប់ ពេលចុះពីយន្តហោះ ត្រឡប់ចូលប្រទេសវិញ នៅឆ្នាំ១៩៨៣។ បណ្ឌិត ឡៅ ម៉ុងហៃ ថា លោក សម រង្ស៊ី ធ្លាប់រងការប៉ុនប៉ងសម្លាប់ម្ដង កាលពីថ្ងៃ៣០ ខែមីនា ឆ្នាំ១៩៩៧ ក្នុងព្រឹត្តិការណ៍គប់គ្រាប់បែកដៃ មុខមន្ទីររដ្ឋសភាចាស់ និងជាទិសដៅសម្រាប់កម្ចាត់កម្ទេច នៅពេលថ្មីៗនេះ។
ទោះដឹងស្ថានភាពបែបនេះក្ដី ប្រធានស្ដីទីគណបក្សសង្គ្រោះជាតិ លោក សម រង្ស៊ី ប្រកាសថា នឹងដាក់ជីវិតជាទុន ដើម្បីវិលទៅសង្គ្រោះប្រទេសកម្ពុជាវិញ នៅឆ្នាំ២០១៩។ ចំណែកអនុប្រធានគណបក្សប្រឆាំង លោក អេង ឆៃអ៊ាង ប្រកាសប្ដូរផ្ដាច់ដូរគ្នា ថាបើនរណា មិនហ៊ានចូលទៅកម្ពុជា ជាមួយ លោក សម រង្ស៊ី នៅឱ្យស្ងៀម ទុកឱ្យអ្នកដែលហ៊ានចូលតតាំង៖ «អ្នកណាខ្លាចនៅម្ដុំ អត់បញ្ហាខ្ញុំប្រាប់ថា អ្នកដែលខ្លាចសូមកុំមាត់ កុំបំភ័យគ្នាឯង។ ខ្ញុំណែនាំហើយ ទុកឱ្យអ្នកហ៊ានធ្វើ។ បាទ! អាហ្នឹង គឺអ៊ីចឹងហើយ ខ្ញុំចាប់ផ្ដើមរៀបចំមេដឹកនាំខេត្ត ដែលដាច់ខាត មេដឹកនាំស្រុក ដែលដាច់ខាត មេដឹកនាំឃុំ ដែលដាច់ខាត ចងក្រង។ អ៊ីចឹង សូមឱ្យបងប្អូននៅទីនេះ (រដ្ឋកាលីហ្វ័រញ៉ា) ចូលរួមសហការធ្វើសកម្មភាពបន្តទៀត។ ចរន្តវាចេញហើយ បងប្អូន។ អ្នកក្នុងស្រុក ថា តោះត្រៀមខ្លួនទទួល សម រង្ស៊ី។ យើងអ្នកក្រៅស្រុក តោះត្រៀមខ្លួនអមដំណើរ សម រង្ស៊ី ទៅស្រុកខ្មែរ»។
បើទោះ អ្នកវិភាគលើកទឹកចិត្តឱ្យ លោក សម រង្ស៊ី វិលចូលកម្ពុជាវិញមែន ប៉ុន្តែមិនចង់ឃើញបាតុភាពប៉ះទង្គិច រវាងពលរដ្ឋ និងកងកម្លាំងយោធាទេ។ កញ្ញា លី ស្រីស្រស់ ថា កូនសោ ដោះស្រាយវិបត្តិនយោបាយពេលនេះ ស្ថិតក្នុងដៃ មេដឹកនាំរបបក្រុងភ្នំពេញ ព្រោះដើមចមនៃវិបត្តិនេះ បណ្ដាលមកពីរបបក្រុងភ្នំពេញ កម្ទេចលទ្ធិប្រជាធិបតេយ្យ។ តែយ៉ាងណា អ្នកវិភាគរូបនេះ យល់ថា ប្រសិនបើលោក ហ៊ុន សែន មិនតម្កល់ប្រយោជន៍ជាតិជាធំ ហើយស្រវាអំណាចទុកឱ្យកូន តជំនាន់ នឹងជៀសមិនផុត ពីការប៉ះទង្គិចគ្នាឡើយ៕
1 comment:
គេថាឆ្កែកន្ទុយខ្វៀនវានៅតែខ្វៀន ដូច្នេះពួកជនពាលដែលដឹកនាំដោយហ៊ុន សែនគ្មានបំណងល្អសំរាប់ខ្មែរទេ ។ យើងឃើញស្រាប់ហើយ ជាង៣០ឆ្នាំកន្លងមកនេះល្បិចពួកវាគឺនៅតែដដែល ពោលគឺចរចារហើយវាយលុក ព្រោះតែចរចារនេះហើយទើបខ្មែរយើងត្រូវពួកនេះជិះជាន់ដល់សព្វថ្ងៃ ព្រោះតែចរចារនេះហើយទើបរលាយហ្វុនសុិនបុិច ព្រោះតែចរចារនេះហើយទើបសង្គ្រោះជាត្តិរត់ចោលស្រុក។ ពួកវាចរចារគឺកគ្រាន់តែសំរាប់ពន្យាពេលដើម្បីវាយលុកប៉ុណ្ណោះ។ មធ្យោបាយគឺមានម៉្យាងទេ គឺកំចាត់ពួកនេះចោលតាមរយះការទូត។
Post a Comment