2020-07-06
រូបពីហ្វេសប៊ុកលោក ចាន់ ចេន
គេហទំព័រហ្វេសប៊ុករបស់លោក ចាន់ ចេន មេធាវីការពារក្តីឱ្យលោក កឹម សុខា បានបង្ហោះដោយភ្ជាប់នូវរូបភាពលោក កឹម សុខា ក្នុងសំលៀកអាវពណ៌ផ្ទៃមេឃ ខោពណ៌ទឹកប៊ិច និងមានក្រមាបង់ក បានដើរពិនិត្យមើលចម្ការដែលមានដាំដំណាំស្រកានាគដោយអមជាមួយនឹងមនុស្សពីរនាក់ផ្សេងទៀត។
មេធាវីការពារក្តីលោក កឹម សុខា គឺ លោក ចាន់ ចេន ប្រាប់អាស៊ីសេរីថា ការបង្ហាញមុខរបស់លោក កឹម សុខា ពេលនេះគឺជាការលំហែកាយ ហាត់ប្រាណ ឯកជនរបស់លោក តែប៉ុណ្ណោះ។លោកនិយាយថា ចំណូលចិត្តរបស់លោក កឹម សុខា គឺចម្ការ ដាំដុះ និងកសិកម្ម ហើយលោក មិនមានគម្រោងជួបប្រជាជននៅតាមដងផ្លូវ ឬក៏មានប្រជាជនណាម្នាក់បានជួបលោកនោះដែរ ក្នុងពេលដែលបង្ហាញមុខនៅចម្ការ។
លោក ចាន់ ចេន បញ្ជាក់ទៀតថា នៅពេលមានវត្តមានក្នុងចម្ការនោះមានតែអ្នកមើលថែចម្ការម្នាក់ប៉ុណ្ណោះបានមកស្វាគមន៍លោក កឹម សុខា ក្រៅពីនោះគ្មានប្រជាពលរដ្ឋណាម្នាក់បានជួបលោកនោះទេ៕
No comments:
Post a Comment