ដោយ មាន ឫទ្ធិ
2020-08-03
លោក រ៉ុង ឈុន ប្រធានសហភាពសហជីពកម្ពុជា
រូប៖ ក្រសួងការងារ និងបណ្ដុះបណ្ដាលវិជ្ជាជីវៈ
សហព័ន្ធសហជីពអន្តរជាតិ International Trade Union Confederation (ITUC) និងសហព័ន្ធសហជីពអន្តរជាតិប្រចាំតំបន់អាស៊ី-ប៉ាស៊ីហ្វិក (ITUC-AP) ជំរុញឱ្យរដ្ឋាភិបាល លោកនាយករដ្ឋមន្ត្រី ហ៊ុន សែន ទម្លាក់ចោលជាបន្ទាន់រាល់បទចោទទាំងអស់ប្រឆាំងនឹងប្រធានសហភាពសហជីពកម្ពុជា លោក រ៉ុង ឈុន ព្រមទាំងសកម្មជនសហជីពដទៃទៀតដែលកំពុងជាប់ឃុំ ហើយដោះលែងពួកគេឱ្យមានសេរីភាពឡើងវិញ។ សហព័ន្ធសហជីពអន្តរជាតិ ITUC ក៏ជំរុញឱ្យរដ្ឋាភិបាល ត្រូវប្ដេជ្ញាចិត្តគោរពសិទ្ធិ និងសេរីភាពជាមូលដ្ឋានដូចដែលមានចែងក្នុងសន្ធិសញ្ញាអន្តរជាតិនានាពាក់ព័ន្ធនឹងបញ្ហាសិទ្ធិមនុស្ស។
ការជំរុញនេះ ធ្វើឡើងក្នុងលិខិតរួមគ្នាមួយច្បាប់សរសេរដោយអគ្គលេខាធិការនៃសហព័ន្ធសហជីពអន្តរជាតិ ITUC និងសហព័ន្ធសហជីពអន្តរជាតិប្រចាំតំបន់អាស៊ី-ប៉ាស៊ីហ្វិក ITUC-AP ផ្ញើទៅលោកនាយករដ្ឋមន្ត្រី ហ៊ុន សែន នៅថ្ងៃទី៣ ខែសីហា នេះ។ ក្នុងលិខិតរួមគ្នានេះ សហព័ន្ធសហជីពអន្តរជាតិ ITUC ដែលតំណាងឱ្យកម្មករនិយោជិតក្នុងវិស័យការងារចំនួន ២០០លាននាក់ មកពី១៦៣ ប្រទេស និងដែនដីនៅទូទាំងពិភពលោក បានថ្កោលទោសការចាប់ខ្លួនលោក រ៉ុង ឈុន ដែលបច្ចុប្បន្នលោកក៏ជាប្រធានក្រុមប្រឹក្សាសហព័ន្ធសហជីពអន្តរជាតិកម្ពុជាផងដែរ។ អង្គការអន្តរជាតិមួយនេះថា ពួកគេមានកង្វល់ជាខ្លាំង ដែលការចាប់ខ្លួនលោក រ៉ុង ឈុន កើតមានឡើងដោយសារតែលោកមានប្រវត្តិ និងបានធ្វើសកម្មភាពជាច្រើនឱ្យសហជីពនារយៈពេលចុងក្រោយនេះ ដោយបានរិះគន់ចំណាត់ការ និងគោលនយោបាយរបស់រដ្ឋាភិបាល ជុំវិញផលប៉ះពាល់នៃការធ្លាក់ចុះសេដ្ឋកិច្ចបណ្ដាលមកពីជំងឺរាតត្បាតសាកលកូវីដ-១៩។
2 comments:
The international community will adopt a draconian measure against Ah Runteas Banh Yuon slave Hun Sen if and only if Khmer people initiate a strong stand against him first.
Khmer people must stop behaving like chicken. So many Khmer heroes have sacrificed their lives for Khmer people and Cambodia.
This is the right moment to stage a nationwide peaceful demonstration against Ah Chor Phnek Muoy Hun Sen.
You are a chicken yourself. Stop accusing others as chicken.
Post a Comment