ដោយ ជីវិតា
2020-11-26
ទិដ្ឋភាពពលរដ្ឋតាមដានសវនការ នៅខាងមុខតុលាការក្រុងភ្នំពេញ លើសំណុំរឿងសមាជិក និងអ្នកគាំទ្រគណបក្សសង្គ្រោះជាតិជាង ១០០ នាក់ នៅថ្ងៃទី២៦ ខែវិច្ឆិកា ឆ្នាំ២០២០។
Photo courtesy
តុលាការក្រុងភ្នំពេញសម្រេចលើកពេលជំនុំជម្រះរឿងក្តីសមាជិក និងអ្នកគាំទ្រគណបក្សសង្គ្រោះជាតិជាង ១០០ នាក់ ទៅខែមករា និងខែមីនា ឆ្នាំ២០២១ ខាងមុខ។
សមាជិកព្រឹទ្ធសភាជាប់ឆ្នោតគណបក្សប្រឆាំង និងជាប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ឱ្យអ្នកសារព័ត៌មានដឹងក្រោយចេញពីតុលាការថា លោកនៅតែប្រកាសមិនទទួលយកការចោទប្រកាន់របស់តុលាការឡើយ ដោយលោកអះអាងថា លោកមានឈាមជ័រខ្មែរក្រោមជាអ្នកស្នេហាជាតិ មិនមែនអ្នកក្បត់ជាតិទេ។
ចំណែក មេធាវីអន្តរជាតិ និងជាស្ថាបនិកមជ្ឈមណ្ឌលអប់រំដើម្បីពលរដ្ឋខ្មែរដែលមិនមែនជាសមាជិករបស់គណបក្សសង្គ្រោះជាតិ កញ្ញា សេង ធារី វិញ ថ្លែងថា សវនាការនេះ គ្រាន់តែជាល្ខោននយោបាយ ប៉ុណ្ណោះ។
កញ្ញា សេង ធារី មេធាវីអន្តរជាតិ និងជាស្ថាបនិកមជ្ឈមណ្ឌលអប់រំដើម្បីពលរដ្ឋខ្មែរ ថ្លែងទៅកាន់អ្នកសារព័ត៌មាន នៅក្រៅសាលាដំបូងរាជធានីភ្នំពេញ នៅថ្ងៃទី២៦ ខែវិច្ឆិកា ឆ្នាំ២០២០។ Photo courtesy
រីឯចៅសង្កាត់រងទី១ជាប់ឆ្នោត នៅសង្កាត់អូរចា ខេត្តបាត់ដំបង កញ្ញា ណី ល័ក្ខ និយាយថា បទចោទនេះធ្ងន់ធ្ងរណាស់ចំពោះកញ្ញា ហើយកញ្ញារំពឹងថា តុលាការនឹងទម្លាក់ចោលការចោទប្រកាន់នេះ។
ក្រុមប្រជាពលរដ្ឋ និងអ្នកគាំទ្រគណបក្សសង្គ្រោះជាតិជាច្រើននាក់ដែលមិនជាប់ក្ដីក្ដាំ បាននាំគ្នាទៅតាមដានដំណើរការក្តីនេះ នៅថ្ងៃទី២៦ វិច្ឆិកា។ ប៉ុន្តែ អាជ្ញាធរបានដាក់ពង្រាយកងសន្តិសុខ និងប៉ូលិសជាច្រើននាក់ មិនឱ្យពួកគេប្រមូលផ្ដុំគ្នា និងផ្ដល់កម្លាំងចិត្តដល់សកម្មជនគណបក្សប្រឆាំងនៅមុខតុលាការនោះឡើយ។
No comments:
Post a Comment