Khmer Circle:
This Hanoi-installed CPP-Hun Sen regime will continue to commemorate their birth and offer their thanksgiving to their Vietnamese backers even as the latter are encroaching on Khmer land and Khmer villagers being forced off their ancestral farms.
Only God, Buddha and Google know [because no independent third parties or the Khmer people themselves are allowed to inspect the disputed areas or even talk openly about the issue] how much territory the country has ceded to Vietnam since December 1978. Yet, some clever apologists of the same regime will chide Khmer people and border critics for being "fixated" over the 'sensitive topic', pointing out that all of the country had once stayed under Vietnamese control completely in the 1980s!
In other words, why worry about strips of border territory ceded to - or stolen by - Vietnam here and there, eh?!
🔺🔺🔺
ដោយ វែន សុមេធ
2020-12-02
មន្ត្រីបក្សប្រឆាំង៖ បក្សកាន់អំណាចរំលឹកគុណព្រឹត្តិការណ៍ ២ ធ្នូ ដើម្បីពង្វក់ខ្មែរ ឱ្យដឹងគុណវៀតណាមមិនចេះចប់ (ស្ដាំ) លោក អ៊ុំ សំអាន ប្រធានគណៈកម្មការកិច្ចការព្រំដែន និងអន្តោប្រវេសន៍ និងជាតំណាងរាស្ត្រជាប់ឆ្នោតគណបក្សសង្គ្រោះជាតិ និង (ឆ្វេង) ស្តូបមិត្តភាពកម្ពុជាវៀតណាម ដែលលោក អ៊ុំ សំអាន ចាត់ទុកថាជាស្តូបទុករំឭកដឹងគុណវៀតណាមចូលឈ្លានពានទឹកកម្ពុជា នៅថ្ងៃទី៧ ខែមករា ឆ្នាំ១៩៧៩។
រូប៖ RFA
មន្ត្រីជាន់ខ្ពស់គណបក្សសង្គ្រោះជាតិ ហៅការរំលឹកគុណព្រឹត្តិការណ៍ថ្ងៃទី ២ ខែធ្នូ ឆ្នាំ១៩៧៨ ថា ជាការពង្វក់ខ្មែរឱ្យដឹងគុណវៀតណាមមិនចេះចប់។ ប៉ុន្តែ អ្នកនាំពាក្យបក្សកាន់អំណាចថា ព្រឹត្តិការណ៍រណសិរ្ស ២ ធ្នូ ជាការរំដោះអាយុជីវិតពលរដ្ឋខ្មែរ ទូទាំងប្រទេស។
ប្រធានគណៈកម្មការកិច្ចការព្រំដែន និងអន្តោប្រវេសន៍ និងជាតំណាងរាស្ត្រជាប់ឆ្នោតគណបក្សសង្គ្រោះជាតិ លោក អ៊ុំ សំអាន សោកស្ដាយ ចំពោះការបន្តរំលឹកគុណ ថ្ងៃទី២ ខែធ្នូ ឆ្នាំ១៩៧៨ ព្រោះលោកចាត់ទុកថា ព្រឹត្តិការណ៍នោះជាថ្ងៃប្រវត្តិសាស្ត្រ ដែលវៀតណាម ចាប់ផ្ដើមបើកការឈ្លានពាន ចូលទឹកដីកម្ពុជាជាថ្មីទៀត។
លោក អ៊ុំ សំអាន ពន្យល់ថា ត្រឹមរយៈពេលជាងមួយខែ គិតចាប់ពីថ្ងៃទី២ ធ្នូ ឆ្នាំ១៩៧៨ ដល់ថ្ងៃទី៧ ខែមករា ឆ្នាំ១៩៧៩ រណសិរ្សសង្គ្រោះមាតុភូមិកម្ពុជា ២ ធ្នូ គ្មានលទ្ធភាពបង្កបង្កើតកងទ័ព វាយផ្ដួលរបបខ្មែរក្រហមយ៉ាងងាយស្រួលបែបនេះទេ។ លោកអះអាងថា វៀតណាមជាអ្នកបញ្ជា និងជ្រោមជ្រែងដល់កងទ័ព ២ ធ្នូ ដើម្បីវាយចូល និងគ្រប់គ្រងប្រទេសកម្ពុជា។
លោកបន្តថា ព្រឹត្តិការណ៍ ២ ធ្នូ របស់គណបក្សកាន់អំណាចបានពង្វក់ខ្មែរជំនាន់ក្រោយ ឱ្យដឹងគុណវៀតណាមមិនចេះចប់ ក្នុងពេលដែលវៀតណាមបន្តដឹកកូនជញ្ជូនចៅ មករស់នៅពាសពេញទឹកដីកម្ពុជា ហើយរដ្ឋាភិបាលលោក ហ៊ុន សែន សាងសង់ស្តូបដឹងគុណវៀតណាមនៅទូទាំងប្រទេស៖ «ថ្ងៃ ៧ មករា ជាថ្ងៃដែលយួនឈ្លានពាន។ ថ្ងៃ ២ ធ្នូ ជាថ្ងៃចាប់ផ្ដើមបង្កទ័ព ដើម្បីបង្កលក្ខណៈឲ្យយួនឈ្លានពាន ហើយក្មេងជំនាន់ក្រោយដឹងតែយួនយកដីខ្មែរ យួនរស់នៅស្រុកខ្មែរពេញទឹកពេញដី។ ដល់អ៊ីចឹង គណបក្សប្រជាជនគឺត្រូវរំលឹកអាគុណហ្នឹង ដែលខ្លួនរំដោះប្រទេសជាតិកម្ពុជា រំលឹកគុណវៀតណាមរំដោះកម្ពុជាហ្នឹង ឲ្យក្មេងជំនាន់ក្រោយដឹងគុណហើយគាំទ្រគណបក្សប្រជាជនហើយគាំទ្រទៅដល់ប្រទេសវៀតណាមផងដែរ។ តែក្មេងឥឡូវ គេដឹងប្រវត្តិសាស្ត្រច្រើន គេអាន គេមើលហ្វេសប៊ុក មិនមែនចេះតែទៅដឹងគុណយួនទេ»។
ថ្ងៃទី២ ធ្នូ ឆ្នាំ២០២០ នេះ គឺជាខួបទី ៤២ឆ្នាំ នៃថ្ងៃបង្កើតរណសិរ្សសាមគ្គីសង្គ្រោះជាតិ នៅជាប់ព្រំដែនវៀតណាម ក្នុងភូមិជើងឃ្លូ ឃុំស្នួល ស្រុកស្នួល ខេត្តក្រចេះ។ ក្រោយជ័យជម្នះ លើរបបខ្មែរក្រហម គណបក្សប្រជាជនកម្ពុជា បានប្ដូរឈ្មោះ រណសិរ្សនេះ មកជារណសិរ្សសាមគ្គីអភិវឌ្ឍន៍មាតុភូមិកម្ពុជាវិញ។
នាយករដ្ឋមន្ត្រី និងជាប្រធានគណបក្សប្រជាជនកម្ពុជា លោក ហ៊ុន សែន បានសរសេរនៅលើហ្វេសប៊ុក (facebook) របស់លោកថា ព្រឹត្តិការណ៍ថ្ងៃទី២ ខែធ្នូ ឆ្នាំ១៩៧៨ គឺជាថ្ងៃសច្ចធម៌ប្រវត្តិសាស្ត្រ នៃការរស់រានឡើងវិញរបស់ប្រជាពលរដ្ឋខ្មែរ។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ប្រាប់ថា ឆ្នាំនេះ គណបក្សកាន់អំណាចមិនប្រារព្ធទិវារំលឹកខួបដូចរាល់ឆ្នាំទេ ដោយសារវិបត្តិជំងឺកូវីដ១៩ (Covid-19)។
ដូចមេបក្សរបស់លោកដែរ លោក សុខ ឥសាន ប្រាប់ថា រណសិរ្ស ២ ធ្នូ គឺជាថ្ងៃសច្ចៈភាព ប្រវត្តិសាស្ត្រ ដែលឥស្សរជនគណបក្សប្រជាជនកម្ពុជា បានប្រមូលកងកម្លាំងស្នេហាជាតិ នាំគ្នារំដោះជាតិមាតុភូមិកម្ពុជា ឲ្យរួចផុតពីរបបកាប់សម្លាប់ខ្មែរក្រហម។ លោកថា ទស្សនៈទាំងឡាយដែលផ្ទុយពីនេះ គឺជាការបញ្ចេញមតិ ដែលមិនឆ្លុះបញ្ចាំងពីសច្ចភាព ក្នុងប្រវត្តិសាស្ត្រឡើយ៖ «យើងដឹងថា ថ្ងៃទី២ ធ្នូជាសច្ចធម៌ប្រវត្តិសាស្ត្រ ដែលពាក់ព័ន្ធនឹងកម្ពុជា ហើយនឹងពាក់ព័ន្ធនឹងអាយុជីវិតប្រទេសជាតិ និងអាយុជីវិតប្រជាជនកម្ពុជាទូទាំងប្រទេស។ អាហ្នឹង មានអត្ថន័យដូចខ្ញុំបានបញ្ជាក់មួយឃ្លាអំបាញ់មិញហ្នឹង។ ក៏ប៉ុន្តែត្រង់ថា ក្រុមណាផ្សេងគេយល់យ៉ាងណា ជារឿងរបស់គេទេ គេយល់យ៉ាងណា ជារឿងរបស់គេទេ។ តែឲ្យប្រជាជនទៅយល់ជាមួយគេ គឺអត់មានទេ»។
អ្នកឃ្លាំមើលសង្គមវិញយល់ថា ដរាបណា ភាគីខ្មែរមិនទាន់ឯកភាពគ្នា ពលរដ្ឋពិបាកទទួលយកថ្ងៃទី២ ធ្នូ និងថ្ងៃទី៧ មករាថា ជាថ្ងៃរំដោះជាតិនោះឡើយ។ ប្រធានក្រុមអ្នកវិភាគវ័យក្មេង កញ្ញា លី ស្រីស្រស់ ថ្លែងថា ការលើកទ័ពវាយផ្ដួលខ្មែរក្រហមកាលនោះ ក្រុមរណសិរ្ស ២ ធ្នូ គាំទ្រដោយកងទ័ពវៀតណាម មិនបានជូនដំណឹងទៅក្រុមប្រឹក្សាសន្តិសុខអង្គការសហប្រជាជាតិ ឲ្យដឹងឮនោះទេ ទើបសហគមន៍ជាតិ និងអន្តរជាតិចាត់ទុកថា នេះ ជាការឈ្លានពានកម្ពុជាពីសំណាក់កងទ័ពវៀតណាម។
កញ្ញាបន្តថា កម្ពុជាមិនគួរដឹងគុណវៀតណាមជ្រុលពេកទេ ព្រោះវៀតណាម ក៏ជំពាក់គុណកម្ពុជាច្រើនដែរ ពិសេសគុណជួយវៀតណាមក្នុងការបង្រួបបង្រួមវៀតណាមខាងជើង និងវៀតណាមខាងត្បូងដោយជោគជ័យ៖ «២ ធ្នូ ក៏ដោយថ្ងៃ ៧ មករា ក៏ដោយ យើងអត់អាចបដិសេធទេ ពីព្រោះប្រសិនបើយើងមើលទៅ គឺវាជាការពិតដែលកងទ័ពវៀតណាម ក៏ដូចជា រណសិរ្សសាមគ្គីអភិវឌ្ឍន៍មាតុភូមិកម្ពុជាហ្នឹង គឺបានចូលមករំដោះប្រជាពលរដ្ឋខ្មែរ ពីការដឹកនាំរបប ប៉ុល ពត ហើយបើយើងមើលពីចំណុចនេះ គឺមានប្រជាពលរដ្ឋជាច្រើនរួចផុតពីរបបឃោរឃៅ ដែលយើងហៅសាមញ្ញ ថា របប ប៉ុល ពត»។
រណសិរ្សសាមគ្គីសង្គ្រោះជាតិ គាំទ្រដោយកងទ័ពវៀតណាម ដោយបានប្រកាសទទួលជ័យជម្នះ លើរបបខ្មែរក្រហម នៅថ្ងៃទី៧ ខែមករា ឆ្នាំ១៩៧៩។ គណបក្សប្រជាជនកម្ពុជាចាត់ទុកថ្ងៃទី២ ធ្នូ ជាថ្ងៃចាប់ផ្ដើមដ៏អស្ចារ្យ ក្នុងការផ្ដួលរំលំរបប ប៉ុល ពត។
រាល់ឆ្នាំ គណបក្សនេះតែងបង្កើតកម្មវិធីផ្សេងៗ ដើម្បីអូសទាញយុវជន ឲ្យចូលរួមដឹងគុណថ្ងៃទី២ ធ្នូ និងថ្ងៃទី៧ មករា ហើយកាលពីឆ្នាំ២០១៣ សមាជិករដ្ឋសភា ខាងគណបក្សកាន់អំណាច បានអនុម័តច្បាប់ថ្មីមួយ ដើម្បីផ្ដន្ទាទោសអ្នកណាដែលមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ ឬរបបខ្មែរក្រហម៕
2 comments:
This evil Yuon has tested Khmer people's reaction when it built some tents and later some solid buildings.
Khmer people have allowed Ah Roleuy Hun Sen to suppress them at will, which translated into a green light for the evil Yuon to execute its plans to swallow Cambodia.
I firmly believe it is about time that Khmer people defy the law of Kdor Ah Hun Sen and mount a nationwide peaceful protest demanding for the CNRP's reinstatement and the respect of the constitution from Ah Yuon's slave Hun Sen.
Again, nothing is free in this world. we must be willing to pay some price in order to get what we really want, which enable us to save our motherland.
The international community cannot help Cambodia unless Khmer people help themselves first.
៉«ប៉ុន្តែ អ្នកនាំពាក្យបក្សកាន់អំណាចថា ព្រឹត្តិការណ៍រណសិរ្ស ២ ធ្នូ ជាការរំដោះអាយុជីវិតពលរដ្ឋខ្មែរ ទូទាំងប្រទេស។»
------------------
បក្សកាន់អំណាច ចង់មានន័យថា បើគ្មានព្រឹត្តិការណ៍ ២ ធ្នូ ក៏អ្នកខ្លង់ខ្លៅដូចពួកគេមិនអាច ក្លាយជាអ្នកមាននិងមានអំណាចដូចសព្វថ្ងៃដែរ។
Post a Comment