2024.04.12
រឿងរ៉ាវអវិជ្ជមានជាច្រើនបានកើតមានឡើងនៅក្នុងសង្គមកម្ពុជាក្នុងឆ្នាំចាស់ ដែលនឹងកន្លងទៅនាពេលដ៏ខ្លីខាងមុខនេះ។ រឿងរ៉ាវទាំងនោះ មានដូចជា ករណីចាប់ខ្លួនប្រធានសមាគមសម្ព័ន្ធនិស្សិតបញ្ញវ័ន្តខ្មែរ លោក កើត សារ៉ាយ ការដុតផ្ទះ និងចាប់ខ្លួនពលរដ្ឋ ២៧នាក់ ដែលមានជម្លោះដីធ្លីនៅខេត្តព្រះវិហារ ករណីអាស្រូវឆបោកប្រាក់រាប់សិបលានដុល្លារពីការវិនិយោគបែបឆបោកក្នុងក្រុមហ៊ុន CIC និងករណីបណ្តេញម្ចាស់ផ្ទះចេញពីបុរីពិភពថ្មី ដោយគ្មានអន្តរាគមន៍ជាក់លាក់ពីរដ្ឋាភិបាលជាដើម។ ក្រៅពីនោះ នៅមានរឿងរ៉ាវធ្វើទុក្ខបុកម្នេញរាប់មិនអស់មកលើសកម្មជនគណបក្សប្រឆាំង សកម្មជនសង្គម ក្រុមអ្នកការពារសិទ្ធិមនុស្ស និងអ្នករិះគន់រដ្ឋាភិបាលបច្ចុប្បន្នរបស់នាយករដ្ឋមន្ត្រីកូន លោក ហ៊ុន ម៉ាណែត។
បើទោះបីជាមានការផ្លាស់ប្ដូរអំណាចមួយជំនាន់មនុស្សមិនធ្លាប់មានពីមុនមកក្នុងជួរគណបក្សប្រជាជនកម្ពុជាកាលពីឆ្នាំថោះក៏ដោយ ក៏ពលរដ្ឋខ្មែរនៅតែមិនទាន់ទទួលបានសេចក្តីសុខ សុភមង្គល សន្តិភាព សេរីភាព យុត្តិធម៌ និងប្រជាធិបតេយ្យពិតប្រាកដនៅឡើយទេ ខណៈពិភពលោកដើរដល់ឆ្នាំ២០២៤ ហើយក៏ដោយ។ ពលរដ្ឋខ្មែរប្រហែលជានៅតែបន្តរស់នៅក្រោមក្រញាំសង្គមគាបសង្កត់ ហើបមាត់មិនបាន ក្រោមកង់ប្រវត្តិសាស្ត្រ «លូកកដាច់ក លូកដៃដាច់ដៃ» ដែលទំនងជានឹងបន្តវិលក្នុងអាណត្តិទេវតាឆ្នាំថ្មីប្រពៃណីជាតិឆ្នាំរោងនេះ៕
3 comments:
CPP's TEVADA has no underwear. She pees standing.
how do you know that 10:47PM? Unless ...you know what I mean ... you are very funny ....LOL!!!
9:25am
CPP's Tevada was selectively chosen, only the one who could spray her urine the farthest would be nominated as CPP's Tevada.
Post a Comment