វៀតណាមត្រៀមទទួលម៉ុងតាញ៉ាខណៈ UNHCR មិនទុកចិត្ត
Mon, 14 September 2015 ppp
Alice Cuddy
ភ្នំពេញៈ
ប្រទេសវៀតណាម «ត្រៀមខ្លួនរួចរាល់ក្នុងការទទួល»
ជនជាតិម៉ុងតាញ៉ាជាង ២០០
នាក់បន្ថែមទៀតដែលបច្ចុប្បន្នកំពុងសុំសិទ្ធិជ្រកកោននៅកម្ពុជា
ដែលនឹងប្រឈមមុខការធ្វើបាបប្រសិនបើពួកគេមិនត្រឡប់ទៅវិញក្នុង
រយៈពេលបីខែ។ នេះបើតាមទីភ្នាក់ងារជនភៀសខ្លួនអង្គការសហប្រជាជាតិ។
លោកស្រី
Vivian Tan អ្នកនាំពាក្យប្រចាំតំបន់របស់អង្គការ UNHCR
បានថ្លែងថារដ្ឋាភិបាលវៀតណាមកំពុងបើកដៃទទួលយកជនជាតិម៉ុងតាញ៉ា
ជាច្រើនដែលជាក្រុមជនជាតិភាគតិចមកពីតំបន់ខ្ពង់រាបភាគកណ្តាលនៃ
ប្រទេសវៀតណាមដែលបាននាំគ្នាសម្រុករត់គេចមកកម្ពុជាក្នុងរយៈកាល
ឆ្នាំចុងក្រោយនេះដោយចោទប្រកាន់ថាពួកគេទទួលរងការធ្វើទុក្ខ
បុកម្នេញ។
លោកស្រីបានថ្លែងថាប្រទេសវៀតណាម
«បាននិយាយថាខ្លួនបានត្រៀមខ្លួនរួចហើយក្នុងការទទួលយក
ជនជាតិម៉ុងតាញ៉ាដែលកំពុងសុំសិទ្ធិជ្រកកោននៅប្រទេសកម្ពុជាត្រឡប់
ទៅប្រទេសវៀតណាមវិញ និងផ្តល់ការធានាថានឹងមិនរើសអើង
ឬដាក់ទោសចំពោះពួកគេទេ។ ប្រទេសវៀតណាមក៏បានធានាផងដែរថាអង្គការ
UNHCR
នឹងអាចទៅសួរសុខទុក្ខពួកគេបានបន្ទាប់ពីពួកគេត្រឡប់ទៅស្រុកកំណើត
វិញ»។
អត្ថាធិប្បាយរបស់អង្គការ UNHCR
បានធ្វើឡើងបន្ទាប់ពីក្រសួងមហាផ្ទៃបានថ្លែងកាលថ្ងៃសុក្រថា
ខ្លួននឹងដាក់រយៈពេលកំណត់ ៣
ខែចំពោះជនជាតិម៉ុងតាញ៉ាដែលមិនទាន់ទទួលបានការចុះឈ្មោះសុំ
សិទ្ធិជ្រកកោន
ឬការវាយតម្លៃត្រូវត្រឡប់ទៅប្រទេសវៀតណាមបើមិនដូច្នោះទេនឹងត្រូវ
និរទេសទាំងបង្ខំ។
លោក ខៀវ សុភ័គ
អ្នកនាំពាក្យក្រសួងមហាផ្ទៃបានថ្លែងថារដ្ឋាភិបាលបានស្នើសុំ
អង្គការ UNHCR ជួយជនជាតិម៉ុងតាញ៉ាដែលលោកបានដាក់ចំណាត់ថ្នាក់ថា
«អ្នកចំណាកស្រុកសេដ្ឋកិច្ច»
ក្នុងការបញ្ជូនពួកគេត្រឡប់ទៅវិញមុនពេលកាលបរិច្ឆេទបានកំណត់។
លោកស្រី
Tan កាលពីម្សិលមិញបានថ្លែងថាអង្គការ UNHCR
«មិនគាំទ្រការបញ្ជូនទៅវិញដោយគ្មានការស្ម័គ្រចិត្ត» នោះទេ។
ប៉ុន្តែលោកស្រីបានបន្ថែមថាខណៈអង្គការជាធម្មតា
«មិនពាក់ព័ន្ធក្នុងការបញ្ជូនមនុស្សដែលមិនទាន់ត្រូវបានចុះ
ឈ្មោះជាអ្នកសុំសិទ្ធិជ្រកកោន»
ត្រឡប់ទៅវិញអង្គការកំពុងរៀបចំសម្រួលចំពោះការបញ្ជូនបុគ្គលណា
ដែលមានការសម្រេចដោយសេរី និងមានការជូនដំណឹងជាមុន»។
លោកស្រី
ថ្លែងថាអង្គការបន្តជំរុញ «ឲ្យអាជ្ញាធរមានការទទួលខុសត្រូវ»
ក្នុងការចុះបញ្ជីជនជាតិម៉ុងតាញ៉ាសុំសិទ្ធិជ្រកកោនទាំងអស់ដែល
បច្ចុប្បន្នកំពុងរស់នៅក្នុងភាពមិនច្បាស់លាស់ក្នុងរាជធានីភ្នំពេញ។
កាលពី
ខែតុលាឆ្នាំមុនជនជាតិម៉ុងតាញ៉ារាប់រយនាក់បានគេចខ្លួនមក
ប្រទេសកម្ពុជា។ ជនជាតិម៉ុងតាញ៉ទើបតែមាន ១៣
នាក់ដែលត្រូវបានវាយតម្លៃ និងកំណត់ថាជាជនភៀសខ្លួន។
មនុស្សរាប់សិបនាក់ត្រូវបាននិរទេសទៅវៀតណាមវិញ។
លោក Phil
Robertson
នាយករងនៃអង្គការឃ្លាំមើលសិទ្ធិមនុស្សប្រចាំអាស៊ីបានថ្លែងថាការ
ធានារបស់វៀតណាមមិនអាចទុកចិត្តបានទេ។
លោកបានពន្យល់ថា៖
«ទីក្រុង ហាណូយ
បានចេញការធានាស្រដៀងគ្នាចំពោះជនជាតិភាគតិចម៉ុងតាញ៉ាដែលរត់គេច
មកប្រទេសកម្ពុជា
ដើម្បីគេចពីការបង្ក្រាបហិង្សាក្នុងតំបន់ខ្ពង់រាបកណ្តាលកាលពី
ឆ្នាំ ២០០១ និង ២០០៤ ប៉ុន្តែការសន្យានោះ
គឺមិនពិតទេហើយអ្នកដែលត្រឡប់ទៅវិញគឺប្រឈមនឹងការសួរចម្លើយ
ការបំភិតបំភ័យ
និងករណីខ្លះរងការធ្វើទារុណកម្មហើយគឺដូចអ្នកមួយចំនួនដែល
ត្រូវបានបញ្ជូនទៅវិញទាំងបង្ខំដោយរដ្ឋាភិបាលកម្ពុជាកាលពីដើម
ឆ្នាំនេះ»។
«ជនជាតិម៉ុងតាញ៉ាបានទទួលនូវមេរៀនអំពីការសន្យា
ក្លែងក្លាយរបស់វៀតណាម។ ឥឡូវនេះអង្គការ UNHCR
ក៏ទទួលស្គាល់ផងដែរថាវៀតណាមមិនអាចទុកចិត្តបានទេក្នុងការសន្យា
នេះហើយនឹងត្រៀមខ្លួនចូលរួមពាក់ព័ន្ធចំពោះករណីនៃការបញ្ជូន
ជនជាតិម៉ុងតាញ៉ានេះ»៕ PS
No comments:
Post a Comment