ដោយ ជុន ច័ន្ទបុត្រ
2015-10-02 rfa
 |
| ប្រធានគណបក្ស អំណាចខ្មែរ លោក សួន សេរីរដ្ឋា
ផ្ដល់បទសម្ភាសន៍ដល់អ្នកកាសែតកាលពីថ្ងៃទី១ ខែតុលា ឆ្នាំ២០១៥
ពេលលោកមកដល់រាជធានីភ្នំពេញ។
Photo provided
|
ប្រធានគណបក្ស អំណាចខ្មែរ លោក សួន សេរីរដ្ឋា បានមកដល់ប្រទេសកម្ពុជា កាលពីថ្ងៃទី១ ខែតុលា ឆ្នាំ២០១៥ ដើម្បីចូលរួមប្រកួតប្រជែងការបោះឆ្នោតនៅពេលខាងមុខ បន្ទាប់ពីព្រះមហាក្សត្របានប្រទានការលើកលែងទោសតាមសំណើរបស់លោក នាយករដ្ឋមន្ត្រី ហ៊ុន សែន។ លោកត្រូវបានតុលាការរាជធានីភ្នំពេញ កាត់ទោសកំបាំងមុខឲ្យជាប់ពន្ធនាគារ ៧ឆ្នាំ ពីបទញុះញង់ផ្ដួលរំលំរដ្ឋាភិបាល និងរួមគំនិតក្បត់ជាតិ។
លោក សួន សេរីរដ្ឋា បានប្រាប់អ្នកយកព័ត៌មាននៅឯអាកាសយានដ្ឋានអន្តរជាតិភ្នំពេញ ថា លោកនឹងប្រមូលផ្ដុំគណបក្សដែលមិនមានសំឡេងក្នុងរដ្ឋសភា ដើម្បីធ្វើឲ្យមានការបោះឆ្នោតដោយតម្លាភាព ហើយលោកអះអាងថា លោកមិននឹងមិនចូលរួមធ្វើនយោបាយជាមួយគណបក្សសង្គ្រោះជាតិ ឡើយ។ ជាងនេះទៅទៀត លោកក៏បានរិះគន់មេដឹកនាំគណបក្សសង្គ្រោះជាតិ ថាជាមេដឹកនាំគ្មានសមត្ថភាពទៀតផង។
No comments:
Post a Comment