សហព័ន្ធ​និស្សិត​បញ្ញវន្ត​កម្ពុជា ស្នើ​ឲ្យ​ដក ហោ ណាំហុង ​ពី​តំណែង

សហព័ន្ធ​និស្សិត​បញ្ញវន្ត​កម្ពុជា ស្នើ​ឲ្យ​ដក ហោ ណាំហុង ​ពី​តំណែង
ដោយ: អ៊ុម វ៉ារី

លោក ហោ ណាំហុង រដ្ឋមន្ត្រីក្រសួងការបរទេសកម្ពុជា។ (រូបថត Wikipedia)

(((

School of Vice: This is the man who recently claimed that taking territorial dispute with Vietnam to the international court would be too expensive!

How interesting. Millions of innocent Cambodian lives had been lost over the same issue over the last forty to fifty years, and a senior ruling Cambodian politician thinks it's all about money??? 

)))

សហព័ន្ធ​និស្សិត​បញ្ញវន្ត​កម្ពុជា បានចោទប្រកាន់ លោក ហោ ណាំហុង ថាមានជំហរ មិនបម្រើឲ្យប្រយោជន៍ជាតិ ប្រយោជន៍​ប្រជា​ពលរដ្ឋ ដែលបានរំលោភទាំងស្រុងនឹងរដ្ឋធម្មនុញ្ញ និងបានអំពាវនាវទៅលោក ហ៊ុន សែន ឲ្យដកលោក ហោ ណាំហុង ចេញ​ពី​តំណែង ប្រមុខការទូតកម្ពុជា។

បន្ទាប់ពីលិខិត ចុះថ្ងៃទី៤ ខែឧសភា របស់រដ្ឋមន្រ្តីការបរទេសកម្ពុជា លោក ហោ ណាំហុង ដែលបានឆ្លើយតប ទៅរដ្ឋសភា​ជាតិ ថាមានពលរដ្ឋកម្ពុជា រំលោភបំពានយកទឹកដីវៀតណាមនោះមក ប្រតិកម្មជាច្រើន បានធ្លាក់ចុះមកជាបន្តបន្ទាប់។ នៅ​ព្រឹកថ្ងៃទៅ៧ ខែឧសភានេះ សហព័ន្ធមួយឈ្មោះ សហព័ន្ធនិស្សិតបញ្ញវន្តកម្ពុជា ដែលមានលោក ម៉ៅ ពិសេស ជា​ប្រធាន បានចេញសេចក្តីថ្លែងការណ៍ ជាបន្ទាន់ ស្នើឲ្យលោកនាយករដ្ឋមន្រ្តី ហ៊ុន សែន ដកតំណែងលោក ហោ ណាំហុង ពីរដ្ឋមន្ត្រីក្រសួងការបរទេស ដោយសហព័ន្ធនេះ បានយល់ឃើញថា លោក ហោ ណាំហុង មិនបានគោរពច្បាប់រដ្ឋធម្មនុញ្ញ និងអសមត្ថភាព ក្នុងការងារ។

ប្រធានសហព័ន្ធនិស្សិតបញ្ញវន្តកម្ពុជា លោក ម៉ៅ ពិសេស បានធ្វើការពន្យល់ ប្រាប់ទស្សនាវដ្តីមនោរម្យ.អាំងហ្វូ ដោយ​លំអិត​លើពាក្យ «មិនគោរពច្បាប់រដ្ឋធម្មនុញ្ញ» និង«អសមត្ថភាព»ក្នុងការងារ ឲ្យដឹងថា ក្នុងនាមជាមន្រ្តីរាជការរបស់រដ្ឋ ជាអ្នកបំរើឲ្យជាតិ និងប្រជាពលរដ្ឋ ស្របតាមរដ្ឋធម្មនុញ្ញ ដែលជាច្បាប់កំពូលបានចែង ដាក់ឲ្យមន្រ្តីរដ្ឋពាក់ព័ន្ធទាំងអស់ ប្តេជ្ញារក្សាការពារ ឯករាជ្យ អធិបតេយ្យភាព បូរណភាពទឹកដី នៃព្រះរាជាណាចក្រកម្ពុជា។

លោក ពិសេស បានលើក យកមាត្រា៥២ នៃរដ្ឋធម្មនុញ្ញ មករំលឹកទៀតថា៖ «រាជរដ្ឋាភិបាលកម្ពុជា ប្ដេជ្ញារក្សាការពារ​ឯករាជ្យ អធិបតេយ្យបូរាណភាពទឹកដីនៃព្រះរាជាណាចក្រកម្ពុជា អនុវត្តនយោបាយបង្រួបបង្រួមជាតិ ដើម្បីការពារ​ឯកភាព​ជាតិ រក្សាការពារទំនៀមទម្លាប់ និង ប្រពៃណីល្អរបស់ជាតិ។ រាជរដ្ឋាភិបាលកម្ពុជាត្រូវការពារនីត្យានុកូលភាព ធានា​សណ្ដាប់ធ្នាប់ និងសន្តិសុខសាធារណៈ។ រដ្ឋយកចិត្តទុកដាក់ជាអាទិភាពចំពោះជីវភាពរស់នៅ និង សុខុមាលភាព​របស់​ប្រជាពលរដ្ឋ។»

ប៉ុន្តែផ្ទុយទៅវិញ លិខិតផ្លូវរដ្ឋ ដែលលោក ហោ ណាំហុង ឆ្លើយតប ទៅកាន់រដ្ឋសភា កាលពីថ្ងៃទី៤ ខែឧសភា នោះ ត្រូវ​បានលោក ម៉ៅ ពិសេស ចាត់ទុកថា ផ្ទុយទៅនឹងមាត្រាខាងលើ នៃរដ្ឋធម្មនុញ្ញជាតិ។ ប្រធានសហព័ន្ធ បានថ្លែងឡើងថា៖ «គាត់(ហោ ណាំហុង) មិនខ្វល់ពីទុក្ខវេទនា របស់ប្រជាពលរដ្ឋដែលរងទុក្ខ និងរស់នៅ លើទឹកដីកេរ្តិ៍ដំណែល ពីដូនតាតាម​ព្រំដែនហ្នឹង ត្រូវបានវៀតណាម ប្រើថ្នាំបំពុលផលដំណាំទៀតនោះ រឹតតែរងទុក្ខវេទនា។ (…) ចឹងបើគាត់ឆ្លើយតប ដោយ​រុញ​ច្រានបែបហ្នឹង មានន័យថា គាត់មិនខ្វល់ទេ ប្រជាពលរដ្ឋនោះវេទនាយ៉ាងណា ក៏វេទនាទៅ។»

ចំពោះការចោទ ពី«អសមត្ថភាព»ក្នុងការងារនោះ ត្រូវបានលោក ប្រធានសហព័ន្ធនិស្សិតបញ្ញវន្តកម្ពុជាបកស្រាយថា ក្នុង​នាម​ជាប្រមុខការទូតកំពូល របស់កម្ពុជា លោក ហោ ណាំហុង មិន បានបំរើឲ្យប្រជាជាតិកម្ពុជាខ្លួនឯងទេ តែបែរជាការពារ ផលប្រយោជន៍ របស់បរទេសនោះទៅវិញ។ លោកបញ្ជាក់ថា៖ «មិនបំរើផលប្រយោជន៍ ប្រជាពលរដ្ឋខ្មែរ បែរជាបំរើផល​ប្រយោជន៍ របស់ប្រទេសវៀតណាមទៅវិញ។ (…) គាត់គួតែរកពិធីសាស្រ្តណា ដើម្បីបំរើផលប្រយោជន៍របស់ខ្មែរ ព្រោះ​គាត់ ជាប្រមុខការទូតរបស់ខ្មែរ មិនមែនជាប្រមុខការទូតរបស់យួនទេ។»

លិខិតចុះថ្ងៃទី៤ ខែឧសភា ឆ្នាំ២០១៥ លោក ហោ ណាំហុង រដ្ឋមន្រ្តីការបរទេសកម្ពុជា បានបញ្ជាក់ទៅកាន់រដ្ឋសភាថា បញ្ហា​ទំនាស់ព្រំដែន រវាងពលរដ្ឋកម្ពុជា និងពលរដ្ឋវៀតណាម ទាហានវៀតណាមនោះ ព្រោះតែពលរដ្ឋកម្ពុជាខ្លួនឯង ជា​អ្នកឈ្លានពាន ចូលទៅដាំដំណាំ ក្នុងទឹកដីរបស់វៀតណាម បានធ្វើឲ្យវៀតណាម មានប្រតិកម្ម និងយកថ្នាំមកបាញ់ បំពុល​ផលដំណាំទាំងនោះ។ លិខិតនោះ សរសេរថា៖ «ពលរដ្ឋ (កម្ពុជា) យើង បានដាំដំណាំ ចូលទឹកដីវៀតណាម ចំនួន១៦.៦​ហិកតា​​ថែមទៀត»។

បន្ថែមតាមអត្ថន័យ លើលិខិតខាងលើនេះ ត្រូវបានលោក ម៉ៅ ពិសេស វាយតម្លៃថា ជាការដែលមិនអាច ទទួលយកបាន។ លោក បានចាត់ទុកថា ប្រមុខការបរទេសកម្ពុជា កំពុងចេញមុខការពារ ឲ្យប្រជាពលរដ្ឋ និងផលប្រយោជន៍ នៃប្រទេស​វៀតណាម ហើយថា រដ្ឋមន្រ្តីរូបនេះ មិនគួចេញសេចក្តីប្រកាស ព័ត៌មានផ្លូវរដ្ឋបែបនេះឡើយ។

ទស្សនាវដ្តីមនោរម្យ.អាំងហ្វូ មិនអាចទាក់ទងលោក កុយ គួង ពីអ្នកនាំពាក្យក្រសួងការបរទេស ដើម្បីប្រតិកម្ម នឹងការ​លើក​ឡើង ខាងលើនេះបានទេ ព្រោះពុំមានអ្នកទទយលទូរស័ព្ទ៕

ILCHN