19 មករា 2017
រូបភាពពីទំព័រហ្វេសប៊ុករបស់លោកនាយករដ្ឋមន្ត្រីហ៊ុន សែន «Samdech Hun Sen, Cambodian Prime Minister»។ (រូបថត៖ Screenshot)
កិច្ចប្រជុំនៃវេទិការសេដ្ឋកិច្ចពិភពលោកប្រចាំឆ្នាំ២០១៧បានដំណើរការពីថ្ងៃទី១៧រហូតដល់ថ្ងៃទី២០ ខែមករា។ លោកនាយករដ្ឋមន្ត្រី ហ៊ុន សែនកំពុងតែចូលរួមកិច្ចប្រជុំនេះដែលមានអ្នកចូលរួមជាអ្នកសេដ្ឋកិច្ចលំដាប់ពិភពលោកនិងមេដឹកនាំប្រទេសជាច្រើន។
វ៉ាស៊ីនតោន —
វេទិកាសេដ្ឋកិច្ចពិភពលោកក្នុងក្រុង Davos មិនគួរអនុញ្ញាតឲ្យលោក ហ៊ុន សែន នាយករដ្ឋមន្ត្រីកម្ពុជា ធ្វើជាម្ចាស់នៃកម្មវិធីមួយដែលមានគោលបំណងទាក់ទាញការវិនិយោគថ្មីពីបរទេសនោះទេ។ នេះបើយោងតាមអង្គការ Global Witness។ ក្នុងលក្ខណៈទូលំទូលាយជាងនេះ កិច្ចប្រជុំនៃបណ្តាវរជននៅក្នុងពិភពលោកមួយនេះ មិនគួរផ្តល់ជាវេទិកាមួយដល់ជនផ្តាច់ការសាហាវឃោរឃៅដើម្បីស្វែងរកដៃគូជំនួញអន្តរជាតិថ្មីៗនោះទេ។
នៅក្នុងសេចក្តីប្រកាសព័ត៌មានដែលVOA ទទួលបាននៅថ្ងៃពុធបានបញ្ជាក់ថាការដែលលោកហ៊ុន សែនខិតខំរកដៃគូអន្តរជាតិថ្មីទៀតគឺដើម្បីយកមកបំពេញពាណិជ្ជកម្មដ៏កខ្វក់របស់ខ្លួនប៉ុណ្ណោះ។
អ្នកស្រី Alice Harrison ទីប្រឹក្សាផ្នែកសារគមនាគមន៍របស់អង្គការ Global Witness បានបញ្ជាក់ក្នុងសេចក្តីថ្លែងការណ៍ថា៖
«វាមិនមែនជាការភ្ញាក់ផ្អើលទេដែលលោកនាយករដ្ឋមន្ត្រី ហ៊ុន សែនទាក់ទាញក្រុមអ្នកមានទ្រព្យធននៅទីក្រុងដាវ៉ូស។ លោក ហ៊ុន សែននិងក្រុមគ្រួសារបានក្តោបក្តាប់សេដ្ឋកិច្ចជាប់ដែលការវិនិយោគថ្មីណាក៏អាចនឹងធ្លាក់ចូលក្នុងហៅប៉ៅរបស់ពួកគេដែរ»។
អ្នកស្រីAlice Harrison បានបន្តថា៖
«កិច្ចប្រជុំកំពូលអះអាងថាប្តេជ្ញាធ្វើឱ្យប្រសើរឡើងស្ថានភាពពិភពលោក។ ប្រសិនបើពិតប្រាកដមែនកិច្ចប្រជុំនេះគួរតែបិទទ្វារមិនឱ្យចូលនូវក្រុមចោរលួចជាតិដែលបានលួចទ្រព្យធនប្រទេសជាតិដោយហិង្សានិងជាប្រព័ន្ធដោយធ្វើឱ្យវេទនាដល់ពលរដ្ឋខ្លួនឯង»។
កិច្ចប្រជុំនៃវេទិការសេដ្ឋកិច្ចពិភពលោកប្រចាំឆ្នាំ២០១៧បានដំណើរការពីថ្ងៃទី១៧រហូតដល់ថ្ងៃទី២០ ខែមករា។ លោកនាយករដ្ឋមន្ត្រី ហ៊ុន សែនកំពុងតែចូលរួមកិច្ចប្រជុំនេះដែលមានអ្នកចូលរួមជាអ្នកសេដ្ឋកិច្ចលំដាប់ពិភពលោកនិងមេដឹកនាំប្រទេសជាច្រើន។
លោក ផៃ ស៊ីផាន រដ្ឋលេខាធិការនៃទីស្តីការគណៈរដ្ឋមន្ត្រីបានហៅ អ្នកស្រីAlice Harrison ថា ជាជនពាលអន្តរជាតិដែលញុះញង់និងប្រឌិតព័ត៌មានខុសពីការពិត។
នៅក្នុងសារបង្ហោះតាមហ្វេសប៊ុកផ្ទាល់ខ្លួនជាការឆ្លើយតប លោក ផៃ ស៊ីផានអះអាងថា៖
«កម្ពុជាទទួលបានការគោរព និងឃើញថាជាខ្លាសេដ្ឋកិច្ចមួយប្រចាំអាស៊ាន ASEAN ដែលមានផលិតផលសរុបក្នុងស្រុកក្នុងរង្វង់ជាង ៧ ភាគរយ ក្នុងរយៈពេលមួយទសវត្សរ៍ចុងក្រោយនេះ។ កម្ពុជា ក៏ជាទិសដៅ ដល់អ្នកបណ្តាក់ទុនអន្តរជាតិ ដែលមានភាពកក់ក្តៅ និងបរិមាណខ្ពស់ប្រចាំតំបន់។ ស្រទាប់កណ្តាល របស់សង្គមកម្ពុជា បានរីកធំធាត់ប្រកបដោយផាសុខភាព ដែលជាមូលដ្ឋានគ្រឹះ នៃថាមពលសេដ្ឋកិច្ច»។
អង្គការGlobal Witness អះអាងថាក្នុងការកាន់អំណាចរយៈពេលជាង៣០ឆ្នាំនេះលោកហ៊ុន សែនបានពង្រីកទ្រព្យធនរបស់ខ្លួនដោយមានក្រុមហ៊ុនជាច្រើនដែលក្រុមគ្រួសារត្រកូលហ៊ុនជាម្ចាស់និងមានភាគហ៊ុនហើយក្រុមហ៊ុនទាំងនោះមានទំនាក់ទំនងនឹងក្រុមហ៊ុនលក់ផលិតផលម៉ាកល្បីៗដូចជា Apple, Nokia, Visa, Procter & Gamble, Nestle និង Honda ជាដើម។ ក្នុងខណៈពេលដែលពលរដ្ឋរស់នៅក្នុងស្ថានភាពក្រីក្រជាខ្លាំង។
អ្នកស្រីAlice Harrison បន្ថែមថា៖
«អ្នកវិនិយោគទុនឬក្រុមហ៊ុនណាដែលចង់ទៅធ្វើវិនិយោគនៅកម្ពុជាគួរតែគិតឱ្យបានច្បាស់លាស់អំពីការប្រថុយប្រថានយ៉ាងខ្លាំងខាងផ្នែកផ្លូវច្បាប់ ហិរញ្ញវត្ថុនិងការខូចឈ្មោះក្នុងការរកទទួលទានក្នុងបរិយាកាសជំនួញដែលពុលកខ្វក់នេះ»៕
1 comment:
Hun Sen is very stupid and dumb because is a real killer coming from his Vietnamese masters in Hanoi and a follower of Ghost Ho Chi Minh (is a master-minded killer and thief who dreamed of Cambodia and Southern Cambodia "now Southern Vietnam." Hun Sen is crazy and does not know that the world leaders in EU know very about this Vietnamese puppet Hun Sen (who has no brain, but his brain has been injected by his Vietnamese masters).
Post a Comment