ដោយ ហេង ឧត្តម 06/03/2017
rfi
លោក នាយករដ្ឋមន្រ្តី ហ៊ុន សែន នាឱកាសអញ្ជើញសម្ពោធបើកការដ្ឋាន និងសម្ពោធផ្លូវក្រវាត់ក្រុង នៅថ្ងៃទី ០៦ មីនា ឆ្នាំ ២០១៧។
@Hun Sen Prime Minister/ FB
Listen to audio report:
ពេញមួយថ្ងៃនេះ លោកនាយករដ្ឋមន្ត្រី បានថ្លែងសន្ទរកថាពីរកន្លែងផ្សេងគ្នា តែខ្លឹមសារគឺនៅតែបន្តវាយប្រហារនិងទម្លាយរឿងសម្ងាត់ជាច្រើនពាក់ ព័ន្ធនឹងបក្សប្រឆាំង។ នៅពេលព្រឹក លោក ហ៊ុន សែន បានប្រកាសទទួលស្គាល់សារសំឡេងរបស់ខ្លួន និយាយគ្នាជាមួយនឹងលោក កឹម សុខា ថាជាការពិត។ ចំណែកនៅពេលថ្ងៃរសៀលនេះ លោកប្រមុខរដ្ឋាភិបាល ប្រកាសថាមានអ្នករាយការណ៍ឲ្យរូបលោកពីផ្ទៃក្នុងរបស់បក្សប្រឆាំង ។ ហើយសន្ទរកថាទាំងព្រឹកទាំងថ្ងៃ គឺសន្ធាប់វាយប្រហារចំពោះលោក សម រង្ស៊ី។
នៅក្នុងពិធីប្រគល់សញ្ញាបត្រដល់និស្សិតសាលាឯកជនមួយ នៅសាលមហោស្រពកោះពេជ្រ លោកនាយករដ្ឋមន្ត្រី ហ៊ុន សែន ប្រកាសថា ផែនការរៀបចំឲ្យលោក កឹម សុខា ឡើងកាន់តំណែងប្រធានបក្ស គឺជាផែនការរបស់ខ្លួន។
លោក ហ៊ុន សែន ថែមទាំងបានទម្លាយរឿងទៀតថា មន្ត្រីបក្សប្រឆាំងម្នាក់ គឺ លោក ម៉ៅ មុនីវណ្ណ គឺជាអ្នករាយការណ៍ឲ្យខ្លួន ពីព័ត៌មានផ្ទៃក្នុងមួយចំនួន ហើយពីការណ៍ដែលលោក កឹម សុខា មានចិត្តចង់សុំជួបរូបលោក។ ជុំវិញរឿងនេះ លោក ហ៊ុន សែន ព្រមានសង្កត់ទៀតថា ប្រសិនបើលោក ម៉ៅ មុនីវណ្ណ ហ៊ានចេញមកបដិសេធ លោកនឹងទម្លាយសារឆ្លើយឆ្លងទាំងអស់តែម្តង។
ថ្លែងដោយកំហឹងផង លោកនាយករដ្ឋមន្ត្រី បានបន្តលើកឡើងម្តងជាពីរដងដោយសម្តីម៉ឺងម៉ាត់ ទាក់ទិនករណីលោក សម រង្ស៊ី ថារូបលោកមិនអាចអនុគ្រោះឲ្យជាដាច់ខាត ចំពោះការប្រមាថរបស់អតីតបក្សប្រឆាំងទៅលើប្រពន្ធនិងកូនរបស់លោកនាយករដ្ឋមន្ត្រីថា មានពាក់ព័ន្ធសាច់ឈាមជាមួយនឹងមេដឹកនាំបរទេស។
ទន្ទឹមនេះ លោក ហ៊ុន សែន ក៏បានរម្លឹករឿងគំនុំចាស់ជាច្រើន ដូចជា លោក សម រង្ស៊ី ធ្លាប់ថាឲ្យរូបលោកជាចោរលក់ជាតិខ្លាំងជាងគេជាដើម។ ចំពោះលោក ហ៊ុន សែន សម្តីដូច្នេះ គឺមិនសមជាអ្នកនយោបាយដែលមានសីលធម៌នោះទេ។
លើសពីនេះ លោកប្រធានបក្សកាន់អំណាច បន្តរម្លឹកដៀមដាមថា ស្លឹកឈើជ្រុះមិនឆ្ងាយពីគល់ ដែលចង់សំដៅការចោទប្រកាន់លោក សម សារី ថាជាជនក្បត់ជាតិ។ ដូច្នេះលោក សម រង្សី វិញ កូននិងឪពុក គឺមិនខុសឆ្ងាយពីគ្នាប៉ុន្មាននោះឡើយ។
ចំណែកនៅក្នុងពិធីបើកការដ្ឋានសាងសង់ ផ្លូវក្រវាត់ក្រុងកាលពីពេលព្រឹក លោកប្រមុខ ររដ្ឋាភិបាល បានប្រកាសទទួលស្គាល់សារសំឡេងដែលបែកធ្លាយតាមបណ្តាញសង្គម ថាពិតជាការសន្ទនារវាងរូបលោក និងលោក កឹម សុខា ពិតប្រាកដមែន។ លោក ហ៊ុន សែន ថែមទាំងចំអកថា ពីមុនមកលោក កឹម សុខា តែងតែហៅរូបលោក ហ៊ុន សែន ថា ជាអាយ៉ង តែទីបំផុត លោក ហ៊ុន សែន ចោទសួរទៅវិញថា តើនរណាជាអាយ៉ងរបស់នរណា?
ក្រៅពីនេះ លោកនាយករដ្ឋមន្រ្តី ក៏បានថ្លែងគំរាមដល់ប្រធានអង្គការក្រៅរដ្ឋាភិបាលមួយ ថាបើក្នុងនាមជាមន្រ្តីអង្គការសង្គមស៊ីវិល គឺត្រូវឲ្យច្បាស់ជាមន្រ្តីអង្គការសង្គមស៊ីវិល កុំវិភាគ និងលូកលាន់ក្នុងរឿងនយោបាយ។ លោក ហ៊ុន សែន ដាស់តឿនថា ប្រសិនបើធ្វើឲ្យប៉ះពាល់ដល់សិទ្ធិរបស់អ្នកដទៃ អាចនឹងត្រូវប្រឈមមុខនឹងផ្លូវច្បាប់។ ផ្លូវច្បាប់ដែលលោក ហ៊ុន សែន ចង់សំដៅដល់ ទំនងជា ពន្ធនាគារ ផងក៏មិនដឹង។
ចំណែកជុំវិញការឃោសនានយោបាយវិញ លោកនាយករដ្ឋមន្ត្រី បានប្រកាសដាច់ណាត់តែម្តងថា បើអ្នកនយោបាយមកពីគណបក្សណាក៏ដោយ ឲ្យតែហ៊ានឃោសនាប្រកាសថាបើខ្លួនឈ្នះឆ្នោត លុបបំណុល នោះគឺត្រូវវាយឃ្នោះនៅនឹងកន្លែងតែម្តង៕
5 comments:
សព្វថ្ងៃនេះ ហ៊ុនសែន បើកចំហរអោយយួនចូលមកនៅពេញស្រុកខ្មែរ គឺជាអំពើក្បត់ជាតិដែលអត់ប្រកែកបាន ហើយនៅមានអំពើក្បត់ជាតិច្រើនទៀតរាប់មិនអស់។
រឿងខ្សែអាត់សំលេងវិញ គឺហ៊ុនសែន ជាអ្នកប្រឌិតដោយខ្លួនអែង បើមានមនុស្សម្នាក់ទៀតឈ្មោះ "សីហា" លួចថត ដូចដែលហ៊ុនសែនចង់ភរ មហាជន ហេតុអីសំលេង ហ៊ុនសែន ឮ ច្បាស់ម្លេះ?
Ah Sen Chkuot Mern Tern Heuy !!
Mad Dog Hun Sen got so mad,
because Kem Sokha did follow through
what Dog Hun instructed him to do per
the first leaked secret recording
September 2016.
Oops, it should be:
because Kem Sokha did NOT....
Sorry.
Post a Comment