Khmer Circle:
Mr Hun Sen always claim to have recorded "evidences" of his political opponents' dirty secrets, and habitually threaten to disclose them to the public. Yet, compare this willing posture to the cover-up and silence over numerous murders and assassinations of civil dissidents and members of the opposition; large-scale corruptions linked to him and powerful ruling CPP figures such as illegal logging and sand-dredging, and one could see the mendacity and hypocrisy underlying his conduct.
>>>
ដោយ វណ្ណ សុគន្ធា 05/03/2017
rfi
លោកសម រង្ស៊ី អតីតគណបក្សសង្រ្គោះជាតិ
@Sam Rainsy Facebook
ខណៈដែលលោកនាយករដ្ឋមន្ត្រីហ៊ុន សែន ចេញមុខទទួលស្គាល់ការពិតចំពោះសារជាសំឡេងដែលបែកធ្លាយជាមួយលោកកឹម សុខានោះ នៅរសៀលនេះ លោកសម រង្ស៊ី អតីតប្រធានគណបក្សសង្គ្រោះជាតិក៏បានចេញមុខមកដែរដោយអំពាវនាវដល់សាធារណជនកុំឲ្យតម្លៃទៅលើសារនិងសំឡេងដែលបែកធ្លាយទាំងនោះ។
“សូមបងប្អូន កូនក្មួយ កុំឲ្យតម្លៃចំពោះឯកសារជាលាយលក្ខណ៍អក្សរឬជាសំឡេងដែលគេប្រឌិតឬកាត់ត យកមកផ្សព្វផ្សាយក្រៅបរិបទរបស់វា ហើយក៏កុំជឿការបកស្រាយអកុសលនិងការញុះញង់ទាំងឡាយដែលធ្វើឡើងក្នុងគោលបំណងប៉ុនប៉ងបំបែកបំបាក់ផ្ទៃក្នុងគណបក្សសង្គ្រោះជាតិ"។ នេះគឺជាការអំពាវនាវរបស់លោកសម រង្ស៊ី នៅលើទំព័រហ្វេសប៊ុករបស់ខ្លួនទៅកាន់សាធារណជន។ លោកអតីតប្រធានបក្សប្រឆាំងដែលទើបតែលាលែងពីតំណែងរូបនេះ ក៏បានគូសបញ្ជាក់បន្ថែមពីលើការអំពាវនាវទៀតថា គណបក្សសង្គ្រោះជាតិ នៅតែរឹងមាំដដែលពីព្រោះអ្នកស្នេហាជាតិ និងអ្នកស្រលាញ់យុត្តិធម៌ទាំងអស់យល់ច្បាស់ថា ឯកភាពជាលក្ខខណ្ឌចាំបាច់ ដើម្បីសង្គ្រោះជាតិទាំងអស់គ្នា។
ជាមួយគ្នានេះ លោកសម រង្ស៊ី បានអះអាងដែរថា ទោះជាមានតំណែងជាប្រធានឬគ្មានតំណែងអ្វីក្នុងបក្សក៏ដោយ ក៏លោកកឹម សុខា និងរូបលោកនៅតែជាមនុស្សតែមួយគឺជាដៃគូស្លាប់រស់ ដើម្បីសង្គ្រោះជាតិ។ លើសពីនេះទៅទៀត លោកសម រង្ស៊ី បាននិយាយបញ្ឆិតបញ្ឆៀងថា ដោយសារតែខាងគេម្ខាងទៀតនោះ រកវិធីអ្វីមិនបានដើម្បីធ្វើឲ្យគណបក្សសង្គ្រោះជាតិចុះខ្សោយ ទើបពួកគេមានតែប្រើល្បិច ដែលលោកសម រង្ស៊ី ហៅថា “កាន់តែថោកទាប"។
ចំណែកលោកកឹម សុខា ដែលទើបតែឡើងកាន់តំណែងជាប្រធានគណបក្សសង្គ្រោះជាតិ និងជាជនសង្ស័យនៅក្នុងសារ និងសំឡេងដែលបែកធ្លាយនោះវិញ មិនបានបញ្ចេញប្រតិកម្មចំៗណាមួយទេទាក់ទងទៅនឹងសារទាំងនោះ។ តែទោះជាយ៉ាងណា លោកប្រធានថ្មីបក្សប្រឆាំងរូបនេះ បញ្ជាក់នៅលើទំព័រហ្វេសប៊ុករបស់លោកថា គណបក្សសង្គ្រោះជាតិកើតឡើងពីការរួបរួមគ្នា។ លោកគូសបញ្ជាក់បន្ថែមថា អ្វីៗគណបក្សសង្គ្រោះជាតិតែងតែរួមគ្នាគិត រួមគ្នាធ្វើ រួមគ្នាសម្រេច ដើម្បីផលប្រយោជន៍រួមសម្រាប់ប្រទេសជាតិ និងប្រជាពលរដ្ឋខ្មែរ។
ប្រតិកម្មពីសំណាក់អតីត និងពីសំណាក់ប្រធានថ្មីគណបក្សសង្គ្រោះជាតិនេះ គឺធ្វើឡើងក្រោយពីលោកនាយករដ្ឋមន្ត្រីហ៊ុន សែន ប្រធានគណបក្សប្រជាជនកម្ពុជាបានចេញមុខទទួលស្គាល់ថាសំឡេងដែលបែកធ្លាយរវាងរូបលោក និងលោក កឹម សុខា កាលពីយប់ថ្ងៃសៅរ៍នោះ គឺជាការពិត។ សំឡេងសន្ទនាគ្នានោះ ត្រូវបានបញ្ចេញដោយគណនីហ្វេសប៊ុកមួយមានឈ្មោះថា សីហា ។ វាគឺជាសំឡេងសន្ទនាគ្នាមានរយៈពេលជាង២០នាទី ដែលបានរៀបរាប់ពីសេនារីយ៉ូ(Scenario)ក្នុងការឆ្ពោះទៅក្តោបក្តាប់គណបក្សសង្គ្រោះជាតិរបស់លោកកឹម សុខា នឹងការផាត់លោកសម រង្ស៊ី ចេញពីគណបក្សសង្គ្រោះជាតិ៕
No comments:
Post a Comment