ដោយ សឿង ភារៈ 09/04/2017 09/04/2017
rfi
អ្នកគាំទ្រគណបក្សសង្រ្គោះជាតិចូលរួមហែក្បួនឃោសនាបោះឆ្នោតក្រុមប្រឹក្សារាជធានី ខេត្ត ក្រុង ស្រុក ខណ្ឌ។
មន្ត្រីជាន់ខ្ពស់គណបក្សសង្រ្គោះជាតិបានឲ្យដឹងថាគណបក្សនេះនឹងចំណាយថវិកាប្រមាណ១.៧លានដុល្លារអាមេរិក សម្រាប់យុទ្ធនាការឃោសនាបោះឆ្នោតឃុំ សង្កាត់ នៅខែឧសភា និងខែមិថុនាខាងមុខនេះ។ ចំណែកគណបក្សកាន់អំណាចវិញមិនបានបង្ហើបឲ្យដឹងពីខ្ទង់ចំណាយរបស់ខ្លួន សម្រាប់ការបោះឆ្នោតក្រុមប្រឹក្សាឃុំ សង្កាត់នៅដើមខែមិថុនាខាងមុខនេះទេ។
លោកម៉ៅ មុន្នីវណ្ណ តំណាងរាស្ត្រគណបក្សសង្រ្គោះជាតិបានប្រាប់វិទ្យុបារាំងអន្តរជាតិនៅថ្ងៃទី៩ ខែមេសាថា កញ្ចប់ថវិការបស់គណបក្សប្រឆាំងប្រហែល១លាន៧សែនដុល្លារអាមេរិក នឹងត្រូវប្រើ ដើម្បីគាំទ្រដល់ផែនការសកម្មភាពនានារបស់គណៈកម្មការយុទ្ធនាការបោះឆ្នោតឃុំ សង្កាត់ឆ្នាំ២០១៧។ លោកលើកឡើងថាថវិកាទាំងនោះ នឹងត្រូវប្រើក្នុងយុទ្ធនាការឃោសនា ការបោះពុម្ពខិតប័ណ្ណ អាវ និងមួក រួមទាំងចំណាយមួយចំនួនទៀតក្នុងពេលឃោសនាបោះឆ្នោតឃុំ សង្កាត់។
មន្ត្រីជាន់ខ្ពស់គណបក្សប្រឆាំងរូបនេះបានថ្លែងបន្តថា កញ្ចប់ថវិកាប្រមាណ១លាន៧សែនដុល្លារអាមេរិកនេះ គឺមិនទាន់គិតបញ្ចូលពីថវិកាមួយចំនួនទៀត ដែលបានមកពីបេក្ខជននីមួយៗ តំណាងរាស្ត្រ និងថ្នាក់ដឹកនាំសំខាន់ៗរបស់គណបក្សទេ។
លោកម៉ៅ មុន្នីវណ្ណ បានឲ្យដឹងថា នៅក្នុងខេត្តត្បូងឃ្មុំ ដែលមាន៦៤ឃុំ នឹងធ្វើការឃោសនាថ្នាក់ឃុំរយៈពេល១២ថ្ងៃ ហើយគណបក្សនឹងមានគម្រោងផ្តល់ថ្លៃសាំង និងថ្លៃម្ហូបអាហារសម្រាប់អ្នកចូលរួមឃោសនាដែលបក្សបានកំណត់នៅក្នុងផែនការ ដើម្បីឲ្យមានសកម្មភាពរស់រវើក។ លោកបន្ថែមថាកន្លងមកក៏មានអ្នកគាំទ្រគណបក្សមួយចំនួនទៀត បានស្ម័គ្រចិត្តចូលរួមក្នុងយុទ្ធនាការឃោសនា និងចេញថ្លៃចំណាយផ្សេងៗ ដោយខ្លួនឯងដែរ។
អ្នកនាំពាក្យគណបក្សប្រជាជនកម្ពុជាលោកសុខ ឥសានវិញ បានថ្លែងថា គណបក្សរបស់លោកតែងតែបានត្រៀមខ្លួនគ្រប់ជ្រុងជ្រោយទាំងអស់ ដើម្បីឆ្ពោះទៅរកយុទ្ធនាការឃោសនាបោះឆ្នោតឃុំ សង្កាត់ នៅថ្ងៃទី៤ ខែមិថុនាខាងមុខនេះ។ ចំពោះការចំណាយសម្រាប់យុទ្ធនាការបោះឆ្នោតខាងមុខនេះ អ្នកនាំពាក្យរូបនេះមិនអាចប៉ាន់ស្មានត្រូវទេ គឺចាំរហូតទាល់តែចំណាយរួចរាល់ហើយ ទើបចេញលទ្ធផលមកបូកសរុប ដើម្បីធ្វើជារបាយការណ៍តែម្តង។
លោកសុខ ឥសានបន្តថា គណបក្សមិនមានការឧបត្ថមសម្រាប់អ្នកចូលរួមយុទ្ធនាការឃោសនាទេ ប៉ុន្តែអាស្រ័យលើក្រុមការងារ ដែលចុះទៅជួយនៅតាមឃុំ សង្កាត់ អាចឧបត្ថមទៅតាមលទ្ធភាពជាក់ស្តែង ហើយគណបក្សក៏មិនមានកំណត់រូបមន្តរួមទូទាំងប្រទេសដែរ។
សូមបញ្ជាក់ថាយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៤ មានរយៈពេល១៤ថ្ងៃ ចាប់ពីថ្ងៃទី១០ ខែឧសភា រហូតដល់ថ្ងៃទី២ ខែមិថុនា ហើយការបោះឆ្នោត ការរាប់សន្លឹកឆ្នោត និងការបិទផ្សាយលទ្ធផលនៅការិយាល័យបោះឆ្នោត ធ្វើឡើងនៅថ្ងៃទី៤ ខែមិថុនា ឆ្នាំ២០១៧៕
1 comment:
It is about time to stop drinking Yuon urine and Teuk Ktis Yuon (Yuon's sperm).
Khmer Pouch Neak Chambang Lmorm Pnheak Kluon and do something to clear Khmer lakes and rivers.
Post a Comment