ដោយ ហេង ឧត្តម 02/04/2017 02/04/2017
rfi
លោកស្រី Eva Nguyen-Binh ដែលត្រូវតែងតាំងជា ឯកអគ្គរដ្ឋទូតបារាំងថ្មី ប្រចាំនៅកម្ពុជា
@vietnam-news
លោកស្រី Eva Nguyen-Binh ជាជនជាតិបារាំង ដើមកំណើតវៀតណាម ត្រូវបានតែងតាំងជា ឯកអគ្គរដ្ឋទូតបារាំងថ្មី ប្រចាំនៅកម្ពុជា។ លោកស្រីនឹងមកជំនួសតំណែង លោក Jean-Claude Poimboeuf ឯកអគ្គរដ្ឋទូតបារាំងបច្ចុប្បន្ន ដែលផុតនឹងអាណត្តិនៅរវាងពីរខែទៀត។ តើលោកស្រីឯកអគ្គរដ្ឋទូតបារាំងថ្មី មានប្រវត្តិយ៉ាងម៉េច?
ថ្មីៗនេះ រដ្ឋាភិបាលបារាំង បានសម្រេចតែងតាំងឯកអគ្គរដ្ឋទូតថ្មី ចំនួន២៨នាក់ ដែលត្រូវកាន់ការងារនៅកន្លែងសំខាន់ៗ ដូចជានៅក្រុង Berlin, Moscou, Pékin, Tokyo, Washington ជាដើម។ ក្នុងនោះ ក៏មានការផ្លាស់ប្តូរទូតបារាំងនៅស្រុកខ្មែរដែរ។ លោកស្រី Eva Nguyen-Binh នឹងត្រូវមកកាន់តួនាទីជាឯកអគ្គរដ្ឋទូបារាំងប្រចាំនៅកម្ពុជា។ លោកស្រី មានឈ្មោះដើមថា Nguyễn Bình Thanh Hương។
មានឪពុកវៀតណាម ម្តាយបារាំង ស្វាមីរបស់លោកស្រី គឺលោកJean-Noël Poirier ក៏ជាឯកអគ្គរដ្ឋទូតបារាំងដែរ។ លោកស្រី Eva មានបទពិសោធការទូតជាច្រើន។ ធ្លាប់ធ្វើការវិស័យការទូត នៅប្រទេសឥណ្ឌា និងប័រទុយហ្គាល បច្ចុប្បន្នលោកស្រី ជាទីប្រឹក្សាផ្នែកកិច្ចសហប្រតិបត្តិការនិងសកម្មភាពវប្បធម៌ របស់ស្ថានទូតបារាំង នៅវៀតណាម ហើយលោកស្រី ក៏ជាប្រធានវិទ្យាស្ថានបារាំង នៅទីក្រុងហាណូយ ទៀតផង។
លោកស្រីបានរៀនចប់និងទទួលសញ្ញាបត្រនៅ Science Po ដែលជាសាលានយោបាយដ៏ធំ ដ៏ល្បីរបស់បារាំង ហើយលោកស្រីក៏បានរៀននៅសកលវិទ្យាល័យ Georgetown ផ្នែកកិច្ចការបរទេស ថែមទៀត។ នៅឆ្នាំ១៩៩៤ លោកស្រី Eva Nguyen-Binh ចាប់បម្រើការងារនៅក្រសួងការបរទេសបារាំង ហើយលោកស្រី មានចំណេញដឹងជំនាញទូលំទូលាយផ្នែកកិច្ចការអាស៊ីអគ្នេយ៍។
ដូច្នេះ ប្រសិនបើមានការទទួលស្គាល់ពីភាគីរដ្ឋាភិបាលកម្ពុជានៅពេលឆាប់ៗនេះ, លោកស្រី Eva Nguyen-Binh នឹងក្លាយជាឯកអគ្គរដ្ឋទូតបារាំងស្រី ដំបូងគេបំផុត ក្នុងប្រវត្តិការទូតបារាំង-កម្ពុជា ហើយដែលនឹងត្រូវចូលតំណែង នៅខែសីហាខាងមុខនេះ។ ក៏ប៉ុន្តែ ក្រោយពីបានឮដឹងនូវសេចក្តីសម្រេចតែងតាំងជាផ្លូវការរបស់វិមាន Elysée, ពលរដ្ឋខ្មែរមួយចំនួននៅស្រុកបារាំង បានសម្តែងការមិនពេញចិត្តជាបណ្តើរៗ ដោយសារតែប្រវត្តិដើមកំណើតជាជនជាតិវៀតណាមរបស់លោកស្រី Eva ៕
4 comments:
Of all the more qualified candidates,
WHY a Yuon ???
12:49 am
To control the slave Hun Sen Men Saman.
Is she a man or woman ?
The former colonialist France just
put more salt on the Khmer people's wounds !!!
Post a Comment