Khmer Circle: The principal issue is: What is the point of a company or any commercial enterprise undertaking or, being legally required to undertake, public security measures aimed at ensuring public and consumers' safety such as CCTV equipment if and when public safety is breached, the company or firm concerned cannot be held to account before the law? In fact, this is one of the flip sides of doing business in a market and an environment strictly controlled by, or is subjected to, the weight of an undemocratic political climate, i.e. a political autocracy or dictatorship. We are not talking about street vendors or poor people and traders trying to eke out a living selling fish and vegetables on the street-sides, but a global enterprise and corporation with billions' worth of operation costs and standing capital. So the moral and legal onus is still on Chevron [and its subsidiaries] to explain [but, not explain away] the nature of its unspoken complicity in setting up stalls in Cambodia in the first place...
05 មេសា 2017
ម៉ែន គឹមសេង
រូបឯកសារ៖ ស្លាកសញ្ញា Chevron នៅស្ថានីយ៍ចាក់សាំងមួយកន្លែង ក្នុងសហរដ្ឋអាមេរិក។
ក្នុងការសម្រេចលើកមុនលោកស្រីចៅក្រម Donna Ryu បានទុកពេលឱ្យក្រុមហ៊ុន Chevron និងមេធាវីតំណាងឱ្យលោក សម រង្ស៊ី អតីតប្រធានគណបក្សសង្គ្រោះជាតិជួបពិភាក្សាត្រឹមថ្ងៃទី៣១ខែមិនាថា នឹងប្រគល់វីដេអូ ឬ មិនព្រម។
វ៉ាស៊ីនតោន —
តុលាការសហរដ្ឋអាមេរិក នឹងបើកសវនាការលើសំណើសុំវីដេអូស្តីពីការសម្លាប់លោកបណ្ឌិត កែម ឡី នៅចុងខែឧសភា ក្នុងខណៈពេលដែលមេធាវីក្រុមហ៊ុន Chevron ប្រកាសថាខ្លួនមិនមានវីដេអូនោះទេ ហើយសុំឱ្យតុលាការបញ្ចប់សំណុំរឿងនេះ។
លោកស្រីចៅក្រម Donna Ryu បានកំណត់យកថ្ងៃទី២៥ ខែឧសភាដើម្បីធ្វើសវនាការសម្រេចថា តើត្រូវបង្ខំឱ្យក្រុមហ៊ុនប្រេងអាមេរិកាំងនេះផ្តល់ឯកសារ ឬ បិទបញ្ចប់សំណុំរឿងនេះ។ នេះបើយោងតាមឯកសារដែល VOA ទទួលបានពីគេហទំព័ររបស់តុលាការ។
ក្នុងការសម្រេចលើកមុនលោកស្រីបានទុកពេលឱ្យក្រុមហ៊ុន Chevron និងមេធាវីតំណាងឱ្យលោក សម រង្ស៊ី អតីតប្រធានគណបក្សសង្គ្រោះជាតិជួបពិភាក្សាត្រឹមថ្ងៃទី៣១ខែមិនាថា នឹងប្រគល់វីដេអូ ឬ មិនព្រម។
ក្រុមមេធាវីរបស់ក្រុមហ៊ុនបានបញ្ជាក់ប្រាប់តុលាការថា ការជួបជុំជាមួយនឹងមេធាវីរបស់លោក សម រង្ស៊ី គឺបានជាប់គាំងដោយសារក្រុមហ៊ុន Chevron នៅតែរក្សាជំហរថា «វីដេអូដែលស្នើសុំនោះ ត្រូវបានអាជ្ញាធរកម្ពុជាចាប់យកតាំងពីថ្ងៃទី១០ខែកក្កដាហើយក្រុមហ៊ុនមិននៅសល់អ្វីទៀតទេ»។ ប៉ុន្តែក្រុមមេធាវីលោក សម រង្ស៊ីបានសួរសំណួរបន្ថែមពាក់ព័ន្ធនឹងការចាប់យកវីដេអូដោយអាជ្ញាធរកម្ពុជា និងបញ្ហាដទៃទៀត។ នេះបើតាមឯកសារដែលក្រុមមេធាវីដាក់ជូនតុលាការ។
ភាគីមេធាវីលោកសមរង្ស៊ីតំណាងដោយអ្នកស្រី Eva Schueller និងលោក J. Noah Hagey បានជួបគ្នាជាមួយនឹងភាគីក្រុមហ៊ុនដែលតំណាងដោយអ្នកស្រី Andrea Neuman និងលោក William Thomson ជាបន្តបន្ទាប់តាំងពីខែមករារហូតដល់ខែមីនា។
អ្នកស្រី Andrea Neuman បានបញ្ជាក់ថា៖
«ជាផ្នែកមួយនៃដំណើរការជួបជុំនេះយើងបានព្រាងសេចក្តី ប្រកាសមួយដែលរៀបរាប់លម្អិតពីអ្វីដែលមេធាវីដើមបណ្តឹងស្នើសុំឱ្យពួកគេពិនិត្យពិចារណា។ ប៉ុន្តែគេមិនបានពិនិត្យកែឬធ្វើអត្ថាធិប្បាយអ្វីទេ។ ដូច្នេះការចរចារវាងភាគីទាំងពីរបានដើរមកដល់ផ្លូវទាល់ច្រក»។
អ្នកស្រី Andrea Neuman បានប្រាប់តុលាការថាក្រុមមេធាវីក្រុមហ៊ុន Chevron បានសាកសួរថាតើមេធាវីរបស់លោកសមរង្ស៊ីបានព្យាយាមសុំឯកសារវីដេអូពីប្រទេសកម្ពុជាទេហើយថាខ្លួនមិនទទួលបានចម្លើយពិតប្រាកដទេ។
VOA នៅមិនទាន់អាចទាក់ទងខាងមេធាវីលោកសមរង្ស៊ីដើម្បីសុំអត្ថាធិប្បាយបន្ថែមទេ។ ប៉ុន្តែយោងតាមឯកសារដែលវីអូអេទទួលបានគឺអាជ្ញាធរកម្ពុជាបានហាមមិនឱ្យចម្លងចែកផ្សាយវីដេអូនោះទេ។
នៅក្នុងកំណត់ហេតុចាប់យកវត្ថុតាងធ្វើដោយអធិការប៉ូលិសខណ្ឌចំការមនបានបញ្ជាក់ប្រាប់អ្នកគ្រប់គ្រងស្ថានីយ៍ប្រេងកាល់តិចបូកគោឱ្យសន្យាថា «មិនថតចម្លងនិងមិនផ្សព្វផ្សាយរូបភាពទៅខាងក្រៅ»ទេ។ កំណត់ហេតុដែលធ្វើដោយលោកអនុសេនីយ៍ត្រីសាល សណ្តុះ មន្ត្រីប៉ុស្តិ៍នគរបាលរដ្ឋបាលទន្លេបាសាក់ក្នុងរយៈពេលតែប៉ុន្មានម៉ោងក្រោយពីការធ្វើឃាតកើតមានឡើងត្រូវបានផ្តិតមេដៃទទួលយល់ព្រមដោយលោកទុំ វីរៈ អ្នកគ្រប់គ្រងស្ថានីយ៍ប្រេងកាល់តិចបូកគោ។ នេះបើតាមឯកសារដែលវីអូអេទទួលបាន។
នៅក្នុងអំណះអំណាងរបស់ខ្លួនក្នុងការស្នើសុំឱ្យតុលាការបញ្ចប់សំណុំរឿងនេះ ក្រុមមេធាវីបានផ្តល់អត្ថបទសារព័ត៌មានស្តីពីសវនាការបុរសឈ្មោះអឿតអាង ហៅជួបសម្លាប់ និងសវនាការកាត់ទោសលោកសមរង្ស៊ីដែលមានចុះផ្សាយនៅក្នុងកាសែតក្នុងប្រទេសកម្ពុជានិងក្រៅប្រទេសមួយចំនួនក្នុងនោះមានដូចជាអត្ថបទរបស់សារព័ត៌មាន The Cambodia Daily, Phnom Penh Post និង BBC ជាដើម។
លោក William Thomson មេធាវីរបស់ក្រុមហ៊ុន Chevron បានបញ្ជាក់ក្នុងសេចក្តីថ្លែងប្រាប់តុលាការថាអត្ថបទសារព័ត៌មានដែលក្រុមមេធាវីផ្តល់ជូនតុលាការនេះគឺបញ្ជាក់ថាវីដេអូដែលបានដកហូតពីស្ថានីយ៍ប្រេងកាល់តិចនោះគឺត្រូវបានយកមកចាក់ផ្សាយនៅក្នុងពេលសវនាការរួចហើយ។
យ៉ាងណាក៏ដោយលោកមេធាវីបានបន្ថែមថា៖
«ខាងភាគីចុងចម្លើយមិនស្នើសុំឱ្យតុលាការចាត់ទុកថាអត្ថបទផ្សាយក្នុងសារព័ត៌មានពិតឬមិនពិតទេគឺគ្រាន់តែចង់ឱ្យតុលាការកត់សម្គាល់ពីអត្ថបទដែលបានចុះផ្សាយដែលជួយដល់ការផ្សាយឱ្យដឹងជាសាធារណៈពីហេតុការណ៍លម្អិតដែលមាននៅក្នុងពាក្យស្នើសុំ»។
លោកហ្វ្រែង សូឡឺ មន្ត្រីទំនាក់ទំនងជាន់ខ្ពស់នៃក្រុមហ៊ុន Chevron បានបញ្ជាក់ក្នុងសេចក្តី ថ្លែងការណ៍ប្រាប់តុលាការថាក្រុមហ៊ុនប្រេងនៅសហរដ្ឋអាមេរិកមានឥទ្ធិពលតិចតួចមកលើក្រុមហ៊ុន Chevron Cambodia ដែលនៅស្រុកខ្មែរ។
លោកបានបញ្ជាក់ថា៖
«ក្រុមហ៊ុនChevron នៅប្រទេសកម្ពុជាគឺជានីតិបុគ្គលដោយឡែកគ្នាពីក្រុមហ៊ុនសាជីវកម្ម Chevron ដោយមានការគ្រប់គ្រង ការត្រួតពិនិត្យមើល និងរចនាសម្ព័ន្ធបុគ្គលិកផ្ទាល់ខ្លួនរបស់គេ។ ក្រុមហ៊ុន Chevron មិនមានទ្រព្យធនឬភាគហ៊ុនរបស់ក្រុមហ៊ុន Chevron Cambodia ទេ»។
លោកបណ្ឌិតកែមឡីអ្នកវិភាគនយោបាយដ៏ល្បីឈ្មោះត្រូវឃាតករបាញ់សម្លាប់ក្នុងស្តាម៉ាតរបស់ស្ថានីយ៍ប្រេងកាលតិចបូកគោ។ តុលាការបានកាត់ទោសបុរសអឿតអាងហៅជួបសម្លាប់ដែលអះអាងថាខ្លួនសម្លាប់លោកកែមឡីដោយសារជំពាក់ប្រាក់ឱ្យជាប់ពន្ធនាគារអស់មួយជីវិត។ តុលាការនេះក៏បានកាត់ទោសលោកសមរង្ស៊ីឱ្យជាប់គុក២០ខែពីបទបរិហាកេរ្តិ៍លោកនាយករដ្ឋមន្ត្រី ហ៊ុនសែនដោយលោកបាននិយាយថារដ្ឋាភិបាលនៅពីក្រោយការបាញ់សម្លាប់នោះ៕
No comments:
Post a Comment