ជនជាតិវៀតណាមនៅតែបន្តធ្វើពីធីសាសនានៅតំបន់វាលស្រែ៥០០លើភ្នំបូកគោ ក្រោមរូបភាពជាភ្ញៀវទេសចរណ៍

Khmer Circle: Wherever we pray, that's our new home?...

លោកអ្នកនាងជាទីមេត្រី ជនជាតិវៀតណាមនៅតែបន្តធ្វើពីធីសាសនានៅតំបន់វាលស្រែ៥០០លើភ្នំបូកគោ ក្រោមរូបភាពជាភ្ញៀវទេសចរណ៍។

វាលស្រែ៥០០ ជាទីតាំងអបិយជំនឿដ៏ស័ក្តិសិទ្ធ ដែលមានល្អាងជាច្រើនដូចជា ល្អាងផ្កាឈូក ល្អាងមរណៈ ល្អាងប្រវាំងកូន ជាដើម។

មុននឹងចូលទៅវាលស្រែ៥០០ អ្នកដំណើរត្រូវទិញសំបុត្រចូលទស្សនា ជនជាតិខ្មែរ២ដុល្លា ជនបរទេស៣ដុល្លា តែកម្រនឹងឃើញជនជាតិខ្មែរចូលទៅដល់តំបន់នោះណាស់ ភាគច្រើនគឺសុទ្ធសឹងតែជនជាតិវៀតណាមទៅធ្វើពិធីសាសនា បែរបន់តាមជំនឿរបស់គេ។

នៅថ្ងៃទី០៦ ឧសភា ជនជាតិវៀតណាមមួយក្រុមបានទៅដល់ចំណុចទីតាំងខាងលើ ហើយប្ដូរសម្លៀកបំពាក់បែបសាសនា និងមួយក្រុមទៀតធ្វើដំណើរដោយម៉ូតូក្នុងសម្លៀកបំពាក់បែបសាសនាស្រាប់ បានធ្វើដំណើរហួសឆ្ងាយ រុកចូលទៅក្នុងព្រៃ ដោយក្រុមការងារយើងមិនអាចតាមទៅដល់គោលដៅនោះឡើយ។

ប្រភពសុំមិនបញ្ចេញឈ្មោះបានបញ្ជាក់ថា បើថ្ងៃបែបសាសនា និងថ្ងៃឈប់សម្រាកវិញ គឺជនជាតិវៀតណាមរាប់រយនាក់បានមកវាលស្រែ៥០០នេះ តាមច្រកតន់ហន់ ច្រកព្រែកចាក និងពីភ្នំពេញជាដើម។

ជុំវិញករណីនេះ ប្រជាពលរដ្ឋខ្មែរមានការព្រួយបារម្ភដោយលើកហេតុផលថាមិនមែនជាទេសចរណ៍ធម្មតា ហើយស្នើអោយក្រសួងពាក់ព័ន្ធទប់ស្កាត់លំហូរចូលនៃជនជាតិវៀតណាមតាមរូបភាពបែបនេះ និង ផ្សព្វផ្សាយអោយទូលំទូលាយដល់ពលរដ្ឋខ្មែរ ដើម្បីអោយបានស្គាល់ទីតាំងវាលស្រែ៥០០នេះ។

SBN