ដោយ ឡេង ម៉ាលី
2017-06-12
យុវជនមាតាធម្មជាតិលោក ថុន រដ្ឋា (រូបកណ្ដាលឈរច្រត់តុ) ពេលចូលរួមជាមួយពលរដ្ឋស្រុកស្អាង ខេត្តកណ្ដាល ដែលតវ៉ាប្រឆាំងនឹងការបូមខ្សាច់ពីបាតទន្លេ ក្នុងភូមិកោះគ ឃុំរកាខ្ពស់ ស្រុកស្អាង កាលពីថ្ងៃទី១១ ខែមិថុនា ឆ្នាំ២០១៧។ RFA/Leng Maly
RFA/Leng Maly
សកម្មជនបរិស្ថាននៃចលនាមាតាធម្មជាតិម្នាក់បារម្ភពីសុវត្ថិភាព ក្រោយពីចូលរួមជាមួយពលរដ្ឋស្រុកស្អាង ខេត្តកណ្ដាល ដែលតវ៉ាប្រឆាំងនឹងការបូមខ្សាច់ពីបាតទន្លេកាលពីថ្ងៃទី១១ ខែមិថុនា។
យុវជនមាតាធម្មជាតិលោក ថុន រដ្ឋា យល់ថា ការដែលមន្ត្រីប៉ូលិសមូលដ្ឋានមកសាកសួរអត្តសញ្ញាណរបស់លោក កាលពីយប់ថ្ងៃទី១១ មិថុនា និងបន្តរហូតដល់ព្រឹកថ្ងៃទី១២ មិថុនា នេះ ជាការគំរាមកំហែងរូបលោក និងពលរដ្ឋដែលគ្រាន់តែលើកឡើងនូវការបារម្ភពីការបាក់ច្រាំងទន្លេក្នុងមូលដ្ឋានរបស់ពលរដ្ឋ។
កាលពីព្រឹកថ្ងៃទី១១ មិថុនា អ្នកភូមិកោះគ ឃុំរកាខ្ពស់ ស្រុកស្អាង ខេត្តកណ្ដាល ដែលរស់នៅជាប់មាត់ទន្លេបាសាក់ត្រើយខាងលិច តាមបណ្ដោយផ្លូវលេខ២១ (A)ជាង ១០០នាក់ បាននាំគ្នាលើកបដាតវ៉ាដើម្បីរកអន្តរាគមន៍ពីអាជ្ញាធរឲ្យបញ្ឈប់ការបូមខ្សាច់ ពីបាតទន្លេក្នុងតំបន់ពួកគាត់រស់នៅ ដោយសារតែពួកគាត់ព្រួយបារម្ភអំពីការបាក់ច្រាំងទន្លេ។
លុះយប់ថ្ងៃដដែល នៅម៉ោងប្រមាណ១០ សមត្ថកិច្ចមូលដ្ឋាន បានចុះទៅផ្ទះពលរដ្ឋដែលយុវជនចលនាមាតាធម្មជាតិស្នាក់នៅ ដើម្បីសួររកអត្តសញ្ញាណរបស់យុវជននោះ ប៉ុន្តែអ្នកភូមិ និងយុវជនរូបនោះបដិសេធផ្ដល់ព័ត៌មាន។ រហូតមកដល់ព្រឹកនេះ សមត្ថកិច្ចទាំងនោះបន្តទៅផ្ទះពលរដ្ឋដដែល ដើម្បីសាកសួរ។
យ៉ាងណាក៏ដោយ ពលរដ្ឋបានផ្អាកការតវ៉ារបស់ខ្លួននៅព្រឹកថ្ងៃទី១២ មិថុនា នេះ មកជួបជុំផ្ទះពលរដ្ឋដែលយុវជន ថុន រដ្ឋា ស្នាក់នៅ ដោយបារម្ភពីសុវត្ថិភាពរបស់យុវជនរូបនោះ។
1 comment:
នេះហើយពួកអាគុក ដែកជោ វាមិនដែលថារកដំណោះស្រាយអ្វីទេ គឺវាប្រើល្បិចខូច ហើើយឃោឃៅជានិច្ច ហើយវាមិនធ្វើតែប៉ុណ្ណឺងឯណា មើលទៅ វាឲ្យប្រាក់ទៅ អាកឺម វាស្នា ជេវាត្រង់ តិះទៀនវាតាមចិត្ត ដើម្បីបំបែកសង្រ្គោះជាតិ ហើយឃើញទេ មេធី សុវាន់ថា ពីមុនវាដូចម្តេច តែវាឲ្យលុយរាប់លាន ហើយសុំមើល អាជ្រូកញឺក ប៉ុនឆៃ វាលើកជើងផុតមេឃ ដែលជួយបំបែកបក្សស្តេច តែមើលទៅចុងក្រោយបែបរកខោស្លៀកមិនបានផង ដូច្នេះបើបងប្អូនរស់បាន មានតែរួមគ្នា បើមិនដូច្នេះទេ យួនពិតដាំតែអ៊ុងហើយ ។
Post a Comment