ដោយ មួង ណារ៉េត
2017-06-09
ព្រះសង្ឃ និងប្រជាពលរដ្ឋអង្គុយស្មិងស្មាធិ៍នៅទីលានប្រជាធិបតេយ្យ តវ៉ាទាមទារឲ្យវៀតណាម សុំទោសជាសាធារណៈរឿងបំភ្លៃប្រវត្តិសាស្ត្រទឹកដីកម្ពុជាក្រោម នៅព្រឹកថ្ងៃទី៨ តុលា ២០១៤។
RFA/Rann Samnang
អស់រយៈពេល ៦៨ឆ្នាំមកហើយ ដែលទឹកដីកម្ពុជាក្រោម ស្ថិតក្រោមការគ្រប់គ្រងរបស់វៀតណាម ក្រោយពីបារាំង កាត់ឲ្យវៀតណាម នៅថ្ងៃទី៤ ខែមិថុនា ឆ្នាំ១៩៤៩។ ប្រធានសហព័ន្ធខ្មែរកម្ពុជាក្រោម អះអាងថា ខ្មែរកម្ពុជាក្រោមក្លាយជាជនជាតិភាគតិច នៅលើដែនដីកំណើតរបស់ខ្លួន។ ព្រះសង្ឃ និងបញ្ញវន្តខ្មែរក្រោម ត្រូវបានចាប់ដាក់ពន្ធនាគារ និងធ្វើទារុណកម្ម។
ប្រវត្តិសាស្ត្រខ្មែរក្រោមត្រូវបានកែបំភ្លៃដើម្បីលាងខួក្បាលយុវជនខ្មែរក្រោមឲ្យភ្លេចកំណើតជាខ្មែរ។ សិទ្ធិក្នុងការបញ្ចេញមតិ និងបង្កើតសមាគមត្រូវបានរឹតត្បិត។ ជីវភាពប្រជាពលរដ្ឋខ្មែរកម្ពុជាក្រោម កាន់តែក្រីក្រ។
ក្នុងទិវារំលឹកខួបលើកទី៦៨ នេះ សហព័ន្ធខ្មែរកម្ពុជាក្រោម អំពាវនាវឲ្យខ្មែរក្រោម និងខ្មែរគ្រប់គ្នាបន្តតស៊ូដោយអហិង្សាតទៅទៀត ដើម្បីនាំមកនូវសិទ្ធិសម្រេចវាសនាខ្លួនដោយខ្លួនឯង។
No comments:
Post a Comment