ដោយ ប្រាជ្ញ ចេវ
2017-07-04
rfa
លោក ខៀវ សុភ័គ អ្នកនាំពាក្យក្រសួងមហាផ្ទៃ ចូលរួមក្នុងកិច្ចប្រជុំបូកសរុបពីការអនុវត្តច្បាប់ចរាចរណ៍ដើមឆ្នាំ២០១៦ នាក្រសួងមហាផ្ទៃ កាលថ្ងៃទី២១ ខែមករា ឆ្នាំ២០១៦។
RFA/Brach Chev
មន្ត្រីជាន់ខ្ពស់ក្រសួងមហាផ្ទៃ ឲ្យដឹងថា ពេលនេះក្រសួងមហាផ្ទៃ កំពុងយករបាយការណ៍របស់គណបក្សសង្គ្រោះជាតិ និងរបាយការណ៍នៃបន្ទប់ស្ថានការណ៍ដែលជាបណ្ដុំអង្គការសង្គមស៊ីវិលធ្វើការងារទាក់ទងការងារបោះឆ្នោត យកផ្ទៀងផ្ទាត់គ្នា។ ចំណែកអតីតសមាជិកនៃបន្ទប់ស្ថានការណ៍ថា ក្រុមបន្ទប់ស្ថានការណ៍មិនព្រួយបារម្ភចំពោះការស៊ើបអង្កេតនេះទេ ព្រោះពួកគេមិនបានប្រព្រឹត្តខុស ឬលម្អៀងទៅខាងគណបក្សនយោបាយណាមួយឡើយ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យដឹងនៅថ្ងៃទី៤ មិថុនា ថា នៅពេលនេះ មន្ត្រីជំនាញនៃក្រសួងមហាផ្ទៃ កំពុងបន្តស្រាវជ្រាវករណីបន្ទប់ស្ថានការណ៍របស់អង្គការសង្គមស៊ីវិល ដែលតាមដានដំណើរការនៃការបោះឆ្នោតកាលពីពេលថ្មីៗនេះ។ លោកបន្តថា អគ្គស្នងការដ្ឋាននគរបាលជាតិ បានផ្តល់របាយការណ៍នៃសកម្មភាពការងាររបស់គណបក្សសង្គ្រោះជាតិ សកម្មភាពការងារបន្ទប់ស្ថានការណ៍បានធ្វើកាលពីអំឡុងបោះឆ្នោត ដើម្បីយកផ្ទៀងផ្ទាត់៖ «ក្រសួងបន្តសិក្សាថែមទៀត អគ្គស្នងការនគរបាលគេរបាយការណ៍ដែលថា សង្គ្រោះជាតិ ធ្វើអី? បន្ទប់ស្ថានការណ៍ធ្វើអី?»។
អ្នកនាំពាក្យក្រសួងមហាផ្ទៃ រូបនេះប្រាប់ថា ការពិនិត្យផ្លូវច្បាប់លើក្រុមបន្ទប់ស្ថានការណ៍ ដឹកនាំដោយរដ្ឋមន្ត្រីលេខាធិការ លោក ប៉ុល លឹម និងអនុរដ្ឋលេខាធិការនៃក្រសួងមហាផ្ទៃ ជំនាញផ្នែកច្បាប់ដែលជាអតីតប្រធានគណៈមេធាវី លោក ប៊ុន ហុន។
អាស៊ីសេរី មិនទាន់អាចសុំការបញ្ជាក់បន្ថែមពីលោក ប៉ុល លឹម រដ្ឋលេខាធិការក្រសួងមហាផ្ទៃ បានទេនៅទី៤ ខែកក្កដា ដោយទូរស័ព្ទហៅចូលជាច្រើនដង ប៉ុន្តែគ្មានអ្នកទទួល។
ចំណែកអនុរដ្ឋលេខាធិការ លោក ប៊ុន ហុន ឲ្យដឹងថា លោកមិនទាន់ទទួលឯកសារពីក្រសួងនៅឡើយទេ និងទទួលបានបញ្ជាពីលោក ស ខេង រដ្ឋមន្ត្រីក្រសួងមហាផ្ទៃ នៅឡើយដែរ ព្រោះប៉ុន្មានថ្ងៃនេះ លោកជាប់បំពេញការងារនៅខេត្ត ។
កាលពីថ្ងៃទី២៨ ខែមិថុនា ជាខួបលើកទី៦៦ឆ្នាំនៃថ្ងៃបង្កើតគណបក្សប្រជាជនកម្ពុជា លោកនាយករដ្ឋមន្ត្រី ហ៊ុន សែន បានដាក់បញ្ជាផ្ទាល់មាត់ទៅរដ្ឋមន្ត្រីក្រសួងមហាផ្ទៃ លោក ស ខេង ឲ្យស្រាវជ្រាវករណីផ្លូវច្បាប់លើក្រុមបន្ទប់ស្ថានការណ៍។ លោកចោទសួរថា តើបន្ទប់ស្ថានការណ៍ មានការអនុញ្ញាតត្រឹមត្រូវស្របតាមច្បាប់ស្ដីពីការគ្រប់គ្រងអង្គការសង្គមស៊ីវិលដែរឬទេ? បើគ្មានទេ ក្រសួងមហាផ្ទៃ ត្រូវចាត់វិធានការ។
ភ្លាមៗនេះដែរ អង្គការសង្គមស៊ីវិលពីរដែលធ្វើការងារទាក់ទងការបោះឆ្នោត គឺអង្គការខុមហ្វ្រែល (Comfrel) និងអង្គការនិកហ្វិច (Nicfec) បានចេញសេចក្តីប្រកាសព័ត៌មានបញ្ជាក់ពីសកម្មភាព និងគោលបំណងអព្យាក្រឹត្យឥតលម្អៀងរបស់ខ្លួន។ សេចក្តីប្រកាសព័ត៌មាននេះបញ្ជាក់ថា ក្រោយការបោះឆ្នោតចប់រួចរាល់ សកម្មភាពនៃវេទិកាបន្ទប់ស្ថានការណ៍ ក៏ត្រូវបានប្រកាសបញ្ចប់កាលពីថ្ងៃទី២៤ ខែមិថុនា កន្លងទៅ។ បន្ទប់ស្ថានការណ៍ជាបណ្ដុំអង្គការសង្គមស៊ីវិលជាង ៤០ស្ថាប័ន ដែលរួមគ្នាតាមដានដំណើរការបោះឆ្នោត។
បន្ទប់ស្ថានការណ៍ ២០១៧ ១៤៤០ក្រុមសមាជិកនៃបន្ទប់ស្ថានការណ៍សម្រាប់ការបោះឆ្នោតឆ្នាំ២០១៧ ធ្វើសន្និសីទសារព័ត៌មាននៅថ្ងៃទី១២ ខែមិថុនា ឆ្នាំ២០១៧។ RFA/Chea Sophearin
ទោះបីជាមានការបំភ្លឺបែបនេះពីក្រុមបន្ទប់ស្ថានការណ៍ក្តី ប៉ុន្តែក្រសួងមហាផ្ទៃ នៅបន្តស្រាវជ្រាវករណីផ្លូវច្បាប់លើក្រុមបន្ទប់ស្ថានការណ៍ដដែល។
អតីតសមាជិកនៃបន្ទប់ស្ថានការណ៍ និងជាអ្នកសម្របសម្រួលផ្នែកអង្កេតនៃគណៈកម្មាធិការខុមហ្វ្រែល (Comfrel) លោក កន សាវាង្ស អះអាងថា ទោះបីជាក្រសួងមហាផ្ទៃ រកឃើញបែបណា គឺជាការរកឃើញរបស់ក្រសួងមហាផ្ទៃ ប៉ុន្តែក្រុមបន្ទប់ស្ថានការណ៍អនុវត្តការងារតាមវិជ្ជាជីវៈ មិនលម្អៀងទៅរកគណបក្សណាមួយឡើយ។ លោកថានៅពេលនេះ ក្រុមអង្គការសង្គមស៊ីវិលនៅតែសហការជាមួយក្រសួងមហាផ្ទៃ ដោយក្រសួងមានសេចក្តីណែនាំបែបណា អង្គការសង្គមស៊ីវិលរីករាយជជែកតាមការចង់ជួបរបស់ក្រសួង៖ «យើងរង់ចាំសេចក្តីណែនាំ និងចង់ជួបក្រសួងមហាផ្ទៃ ដែរ។ ជួនកាលខ្លួនយើងគិតថា យើងត្រឹមត្រូវ ប៉ុន្តែគេរកឃើញថា យើងមិនត្រឹមត្រូវ សំខាន់យើងជជែកបន្តទៀត»។
ក្រុមអង្គការអន្តរជាតិ និងក្រុមសមាជិកសភាអាស៊ាន ជំរុញឲ្យរដ្ឋាភិបាលទម្លាក់ចោលដំណើរការស៊ើបអង្កេត ឬចាត់វិធានការផ្លូវច្បាប់ណាមួយប្រឆាំងបណ្ដុំអង្គការសង្គមស៊ីវិលឃ្លាំមើលការបោះឆ្នោត ឬហៅថាបន្ទប់ស្ថានការណ៍។
សេចក្ដីថ្លែងការណ៍រួមរបស់អង្គការអន្តរជាតិចំនួន៤ កាលពីចុងខែមិថុនា បានលើកឡើងថា ពួកគេមានការព្រួយបារម្ភចំពោះការគំរាមកំហែងលើអង្គការសង្គមស៊ីវិលនៃបន្ទប់ស្ថានការណ៍ ដ្បិតវាធ្វើឲ្យប៉ះពាល់ដល់សកម្មភាពស្របច្បាប់របស់សង្គមស៊ីវិល ជាពិសេសចំណាត់ការរបស់រដ្ឋាភិបាល គឺជាការគំរាមកំហែងសង្គមស៊ីវិលដទៃទៀតឲ្យបានមុនការបោះឆ្នោតជាតិឆ្នាំ២០១៨។
អ្នកសម្របសម្រួលផ្នែកអង្កេតនៃគណៈកម្មាធិការខុមហ្វ្រែល លោក កន សាវាង្ស លើកឡើងថា ក្រុមបន្ទប់ស្ថានការណ៍នឹងធ្វើការងាររបស់ខ្លួនដែលតាមដានដំណើរការបោះឆ្នោតនៅឆ្នាំ២០១៨ ខាងមុខ ដូចអ្វីដែលបានធ្វើនៅឆ្នាំ២០១៧ ដែរ ប៉ុន្តែរង់ចាំមើលការរកឃើញ និងសម្រេចយ៉ាងណាពីក្រសួងមហាផ្ទៃ ជាមុនសិន៕
2 comments:
Yuon's slave Hun Sen,
Can you behave a little better than the dog ?? The dog is always faithful to its master.
Yes, your master Yuon had destroyed your superior Penn Sovann and put you in power to facilitate its plan of annexing Cambodia.
Presently, Khmer people are waking up to face Yuon, and unfortunately you are still trying to suppress them.
The crimes committed by you and the danger posed by your master Yuon to Cambodia have compelled Khmer people to vote you out in this upcoming 2018 election.
Now, you keep amending the law attempting to dissolve the CNRP. The circumstance is not favorable to your cheap mind. You will go down as the worst Khmer traitor in history if you insist on violently quelling the patriotic movement of Khmer people to stop Yuon's dominance in Cambodia.
You must stop trying to destroy the CNRP. It will not work. People will vote you out in 2018. The devil one eye monster Hun Sen must relinquish his dirty power to the winner.
Stop fighting the natural law Ah Chkuot Hun Sen: Everything has its end. You have to accept that if you don't want to go to hell the same way as Muammar Gaddafi.
93 Years Old Woman
Ah Kwack is blind to Yuon's destruction of Cambodia:
https://www.youtube.com/watch?v=X1MiyoTxqDk
Post a Comment