ដោយ ម៉ៅ សុធានី
2017-12-15
rfa
ប៉ូលិសដើរល្បាតក្នុងអំឡុងពេលដែលតុលាការកំពូលបើកសវនាការរំលាយគណបក្សសង្គ្រោះជាតិ កាលពីថ្ងៃទី១៦ វិច្ឆិកា ឆ្នាំ២០១៧។
AFP
តុលាការកំពូល សម្រេចមិនលើកយករឿងក្តីរំលាយគណបក្សសង្គ្រោះជាតិ មកជំនុំជម្រះឡើងវិញតាមពាក្យបណ្ដឹងរបស់តំណាងរាស្ត្រគណបក្សសង្គ្រោះជាតិ លោក អ៊ូ ច័ន្ទរ័ត្ន នោះទេ។
កាលពីថ្ងៃទី៨ ខែធ្នូ លោកមេធាវី ផែង ហេង តំណាងឲ្យសមាជិកសភារបស់គណបក្សប្រឆាំង លោក អ៊ូ ច័ន្ទរ័ត្ន បានដាក់ពាក្យបណ្ដឹងសុំឲ្យតុលាការកំពូលជំនុំជម្រះសាជាថ្មីលើសំណុំរឿងរំលាយគណបក្សសង្គ្រោះជាតិ និងសុំរក្សាការពារសមាជិកភាពតំណាងរាស្ត្រ និងសមាជិកក្រុមប្រឹក្សាឃុំសង្កាត់ ស្រុក ក្រុង ខេត្ត រាជធានីរបស់គណបក្សសង្គ្រោះជាតិ។ លោកមេធាវីលើកឡើងថា តុលាការកំពូលនៅតែមានលទ្ធភាពសើរើសំណុំរឿងរំលាយគណបក្សសង្គ្រោះជាតិនេះ ឡើងវិញ។
សេចក្តីប្រកាសរបស់តុលាការនៅថ្ងៃសុក្រ ទី១៥ ខែធ្នូ នេះ បានបញ្ជាក់ហេតុផលថា មូលហេតុចៅក្រមមិនជំនុំជម្រះរឿងក្តីនេះឡើងវិញ ដោយសារសាលដីកាកាលពីថ្ងៃទី១៦ ខែវិច្ឆិកា មិនត្រូវបានអនុញ្ញាតឲ្យមានការបើកការជំនុំជម្រះសាជាថ្មីទេ គឺជាសាលដីកាបិទផ្លូវតវ៉ា។ សាលដីកាដដែលនោះក៏បានសម្រេចរំលាយគណបក្សសង្គ្រោះជាតិ និងផ្អាកមន្ត្រីថ្នាក់ដឹកនាំគណបក្សសង្គ្រោះជាតិ ចំនួន ១១៨រូបមិនឲ្យធ្វើនយោបាយរយៈពេល ៥ឆ្នាំ៕
1 comment:
តុលាការ 'កំពូលអាចម៍'
សត្វ កំពូលអាចម៍
http://rikreay24.com/wp-content/uploads/2017/08/Strongest-animal-6.jpg
Post a Comment