ដោយ អាស៊ីសេរី
2018-01-03
លោក សុខ ពេញវុធ អភិបាលខណ្ឌដូនពេញ ពិនិត្យមើលសកម្មភាពក្រុមសន្តិសុខចេញបង្ក្រាបក្រុមបាតុករនៅខាងក្នុងទីលានប្រជាធិបតេយ្យ កាលពីអំឡុងឆ្នាំ២០១៤។
Photo: RFA
លោក ហ៊ុន សែន បានខឹងសម្បាយ៉ាងខ្លាំង និងព្រមានដកតំណែងអភិបាលខណ្ឌដូនពេញ លោក សុខ ពេញវុធ ប្រសិនបើលោករៀបចំចរាចរណ៍នៅក្បែរភូមិគ្រឹះលោកនាយករដ្ឋមន្ត្រី ក្បែរវិមានឯករាជ្យមិនបានល្អទេនោះ។
លោកនាយករដ្ឋមន្ត្រីបានប្រាប់ទៅលោក សុខ ពេញវុធ ឲ្យមើលគំរូរបស់ចៅហ្វាយក្រុង ចៅហ្វាយខណ្ឌ ដែលលោកដកចោលកន្លងមក។ លោក ហ៊ុន សែន ក៏បានប្រតិកម្មចំពោះអ្នកបើកបរបញ្ច្រាស់ផ្លូវនៅម្ដុំមុខភូមិគ្រឹះរបស់លោកដែរ៖ «»។
ការព្រមាននេះធ្វើឡើងនៅក្នុងពិធីជួបសំណេះសំណាលជាមួយកម្មករ នៅតាមរោងចក្រក្នុងតំបន់ទួលសង្កែ ខណ្ឌឫស្សីកែវ រាជធានីភ្នំពេញ នៅព្រឹកថ្ងៃទី៣ ខែមករា។ លោក ហ៊ុន សែន ក៏បានប្ដេជ្ញាថា ឆ្នាំ២០១៨ ជាឆ្នាំដែលរដ្ឋាភិបាលត្រូវប្រយុទ្ធជាមួយគ្រោះថ្នាក់ចរាចរណ៍ និងគ្រឿងញៀន។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា លោក សន ជ័យ យល់ថា រដ្ឋាភិបាលបញ្ជាឲ្យមន្ត្រីក្រោមឱវាទទំាងអស់ធ្វើការកែសម្រួលចរាចរណ៍នៅម្ដុំវិមានឯករាជ្យមានភាពលម្អៀង ដោយថា គួរតែបញ្ជាឲ្យមន្ត្រីគ្រប់ជាន់ថ្នាក់កែសម្រួលចរាចរណ៍នៅទូទាំងរាជធានីភ្នំពេញ ជាពិសេសនៅតំបន់កកស្ទះ ទើបទទួលបានការគាំទ្រពីពលរដ្ឋ។
លោក សុខ ពេញវុធ ជាអភិបាលខណ្ឌដូនពេញ ដែលពូកែខាងដឹកនាំកងកម្លាំងចុះបង្រ្កាបអ្នកតវ៉ារឿងជម្លោះដីធ្លី ពិសេសពលរដ្ឋនៅតំបន់បឹងកក់៕
No comments:
Post a Comment