ដោយ ហេង រស្មី
2020-02-07
លោក គឹម សុខ អ្នកវិភាគនយោបាយ។
រូបថតពីហ្វេសប៊ុកលោក គឹម សុខ
អ្នកវិភាគលើកឡើងថា ឥរិយាបថលោក ហ៊ុន សែន ការពារចិនរឿងជំងឺរលាកផ្លូវដង្ហើមប្រភេទថ្មី បណ្តាលមកពីវីរុសកូរ៉ូណា មិនមែនដោយខ្លាចប៉ះពាល់ដល់ទំនាក់ទំនងរវាងកម្ពុជា និងប្រទេសចិននោះទេ គឺដោយសារតែ លោក ហ៊ុន សែន ចង់អែបអបប្រទេសចិនដើម្បីការពារអំណាចរបស់ខ្លួននៅថ្ងៃអនាគត។
អ្នកហ៊ាននិយាយរិះគន់ឥតសំចៃ ចំពោះរបបក្រុងភ្នំពេញដែលកំពុងភៀសខ្លួននៅក្រៅប្រទេសលោក គឹម សុខ ប្រាប់អាស៊ីសេរីថា ការខិតខំយកចិត្តយកថ្លើម និងការប្រកាសម្តងហើយម្តងទៀតរបស់លោក ហ៊ុន សែន ថា រួមសុខរួមទុក្ខជាមួយប្រទេសចិននៅពេលប្រទេសនេះ កំពុងផ្ទុះជំងឺឆ្លងថ្មីនេះ គឺលោកចង់ប្រើប្រាស់ប្រទេសចិនធ្វើជាខ្នងបង្អែកការពារអំណាចបក្សពួកគ្រួសាររបស់លោកនៅពេលអនាគត។
កាលពីថ្ងៃទី៥ កុម្ភៈកន្លងទៅនេះលោក ហ៊ុន សែន បានដឹកនាំប្រតិភូមួយក្រុម រួមទាំងកូនប្រុសច្បងរបស់លោក ហ៊ុន សែន ទៅកាន់ប្រទេសចិនដើម្បីបង្ហាញថា កម្ពុជាជាមិត្តដែកថែបនឹងចិន។ ការទៅចិនជួបមេដឹកនាំកំពូលនេះ ដោយសារតែលោក ហ៊ុន សែន លោកត្រូវបានក្រសួងការបរទេសចិនហាមមិនឱ្យទៅជួបនឹងនិស្សិតខ្មែរនៅជាប់ផុងនៅទីក្រុងវូហាន (Wuhan)។
លោកនាយករដ្ឋមន្ត្រី ហ៊ុន សែន និងកូនប្រុសច្បង គឺលោក ហ៊ុន ម៉ាណែត (សងខាង) ជាមួយប្រធានាធិបតីចិន លោក ស៊ី ជីនពីង (Xi Jinping) (រូបកណ្ដាល) នាទីក្រុងប៉េកាំង កាលពីថ្ងៃទី៥ ខែកុម្ភៈ ឆ្នាំ២០២០។ រូបពីហ្វេសប៊ុក លោក ហ៊ុន ម៉ាណែត
លោក គឹម សុខ បញ្ជាក់ថា លោក ហ៊ុន សែន បានដឹងច្បាស់ថា បច្ចុប្បន្នមានតែប្រទេសចិនតែមួយគត់ដែលជាជន្ទល់នៅក្នុងការការពារអំណាចត្រកូលហ៊ុន របស់លោក។ លោកបញ្ជាក់ថា បើគ្មានប្រទេសចិនការពារនោះអំណាចរបស់លោក ហ៊ុន សែន និងដួលរលំ៖ «ក៏គ្មានអ្វីចម្លែកដែរ បើលោក ហ៊ុន សែន មិនអែបចិនគ្រប់កាលៈទេសៈ ទោះបីជាក្នុងស្ថានភាពដ៏អាក្រក់យ៉ាងណានោះទេ គាត់បារម្ភខ្លាចចិនដោះដៃអំពីគាត់។ការដោះដៃពីគាត់ពីចិនស្មើហ្នឹងការដួលរំលំនៃអំណាចគ្រួសារត្រកូលហ៊ុន»។
ចំណែក អនុប្រធានគណបក្សសង្គ្រោះជាតិ អ្នកស្រី មូរ សុខហួរ មានប្រសាសន៍ថា លោក ហ៊ុន សែនមិនបានខ្វល់ជីវិតប្រជាពលរដ្ឋដែលជាប់គាំងនៅក្នុងប្រទេសចិនទេ គឺលោកខ្វល់នឹងអំណាចរបស់លោកតាមរយះយកចិត្តប្រទេសចិនក្នុងរឿងផ្ទុះជំងឺមេរោគកូរ៉ូណា ដែលទង្វើនេះគណបក្សប្រឆាំងមិនអាចទទួលយកបានជាដាច់ខាត៖ «យើងសូមថ្កោលទោសហើយយើងសូមឱ្យលោក ហ៊ុន សែន គិតពិចារណាឡើងវិញក្នុងការទទួលខុសត្រូវនៅចំពោះមុខនិស្សិតយើង នៅចំពោះមុខប្រជាពលរដ្ឋយើង និងចំពោះមុខសហគមន៍អន្តរជាតិទាំងមូល»។
ទោះបីជាយ៉ាងណាក៏ដោយ ស្ថានទូតចិន ចេញសារការពារ
តំណាងរាស្ត្រគណបក្សសង្គ្រោះជាតិ អ្នកស្រី មូរ សុខហួរ ផ្ដល់បទសម្ភាសន៍ដល់វិទ្យុអាស៊ីសេរី នារដ្ឋធានីវ៉ាស៊ីនតោន កាលពីថ្ងៃទី៩ ខែមីនា ឆ្នាំ២០១៦។ RFA
ការធ្វើដំណើររបស់លោក ហ៊ុន សែន ទៅប្រទេសចិន។ ស្ថានទូតចិនថា លោក ហ៊ុន សែន ជាអ្នកដឹកនាំបរទេសទីមួយដែលបានបំពេញទស្សនកិច្ចក្នុងប្រទេសចិនក្នុងអំឡុងពេលដែលប្រទេសចិនកំពុងកើតមាននូវជំងឺរលាកផ្លូវដង្ហើម។ ស្ថានទូតបន្ថែមទៀតថា ទស្សនកិច្ចរបស់មេដឹកនាំបង្ហាញថា មិត្តកម្ពុជាចិនគឺជា“មិត្តដែកថែប” ហើយចិននិងកម្ពុជាជាសហគមន៍ជោគវាសនារួម ដែល“ដកដង្ហើមរួមគ្នា និងរួមសុខរួមទុក្ខជាមួយគ្នាយ៉ាងពិតប្រាកដ។
អ្នកនាំពាក្យរដ្ឋាភិបាលលោក ផៃ ស៊ីផាន មានប្រសាសន៍ថា ទំនាក់ទំនងជាមួយប្រទេសចិនគឺជាទំនាក់ទំនងដើម្បីផលប្រយោជន៍ខ្មែរ មិនមែនដើម្បីអំណាចរបស់នាយករដ្ឋមន្ត្រី និងគ្រួសាររបស់លោកទេ ហើយអ្នកផ្តល់អំណាចឱ្យនាយករដ្ឋមន្ត្រីគឺធ្វើឡើងតាមសន្លឹកឆ្នោត៖ «ដូច្នេះអ្នកផ្ដល់អំណាចគឺមិនមែនចិនទេ ហើយចិនផ្ដល់ផលប្រយោជន៍សម្រាប់កម្ពុជា ទាំងផ្នែកសេដ្ឋកិច្ចទាំងផ្នែកនយោបាយធំៗពាក់ព័ន្ធនៅលើពិភពលោក។ ដូច្នេះចិនមិនមែនដើរតួជាអ្នកជួយទេ គឺថែមទាំងជាអ្នកការពារប្រទេសកម្ពុជាទៀត។ នេះគួរតែទាំងអស់គ្នាយោគយល់អ្វីទៅដែលថាកម្ពុជា ត្រូវការសម្រាប់សន្តិសុខជាតិសម្រាប់ការអភិវឌ្ឍជាតិ»។
បច្ចុប្បន្ន និស្សិតកម្ពុជាចំនួន២៣ នាក់ដែលកំពុងសិក្សានៅសកលវិទ្យាល័យ ហ៊ូបេ (Hubei) ទីក្រុងវូហាន ( Wuhan) ប្រទេសចិនជាទីកន្លែងផ្ទះជំងឺរលាកផ្លូវដង្ហើមប្រភេទថ្មីកូរ៉ូណា ដែលបានសម្លាប់មនុស្សជាច្រើនរយនាក់។ លោក ហ៊ុន សែន បាននិយាយមិនឱ្យនិស្សិតទាំងនោះចាកចេញពីប្រទេសចិនទេ ដោយសារតែលោកមិនចង់ប៉ះពាល់ដល់ទំនាក់ទំនងចិនខ្មែរ និងខ្លាចប៉ះពាល់សេដ្ឋកិច្ច កម្ពុជា ប្រសិនបើបិទជើងយន្តហោះពីចិន៕
1 comment:
Khmer Traitor Hun Sen’s real intention to go to Wuhan, China:
Khmer people should understand Ah Khmer traitor Hun Sen's ulterior motive behind his willingness to go to Wu Han, China: Ah Hun Sen knew that his regime will be in deep trouble after the EU cut the EBA and the US cut the GSP.
Therefore, he will need China's support for his government. He doesn't want China to abandon him. To prove to China that he is a good friend for China, he is not going to abandon China while China is facing with the CORONA virus. For this reason, he pretends to show China that Hun Sen is a good friend, Hun Sen will go to Wuhan in spite of the danger stemmed from the Virus.
Hun Sen wanted China to stay with him when there is no EBA and no GSP. And that the main reason why he wanted to go to Wuhan.
In brief, Ah Norouk Hun Sen will do whatever it takes at the expense of Cambodia and Khmer people's interest to hold on to power. This asshole Hun Sen is not a brave man; he has given in to all Yuon's demands in exchange for his power. At this time, he just wants China not to leave him when the horrible effects of NO EBA and NO GSP kick in.
Hun Sen gave a hint to China: I don’t leave you when you have problem with Corona virus, and you don’t leave me when I have a big problem with no EBA and no GSP.
Ah Hun Sen Phey Chang Lich Ach Heuy !!
Post a Comment