មន្ត្រី​សង្គ្រោះ​ជាតិ​​៖ ការ​​ប្រកាស​ពី​ជោគជ័យ​រឿង​បង្ក្រាប​បក្ស​ប្រឆាំង​បង្ហាញ​​ថា របប​ក្រុង​ភ្នំពេញ​មិន​គោរព​រដ្ឋធម្មនុញ្ញ

Khmer Circle:


Well, so what? You have the PPA and the Constitution, but we [CPP] have the guns - and backing from Hanoi...

It had all been - for a while - so promising in Sihanouk's deluded mind; his conviction that the liberal constitution and the Paris Peace Accords would provide a lasting basis and foundation for Cambodia's long-term peace and independence, so much so that he caved in to all the CPP's demands to retain all the executive powers as well as its administrative framework [which translates, communicates and preserves these powers] despite having been rejected by the Khmer people at the ballot box in 1993. After all, aren't the CPP made up of ‘Khmers’ too?

Didn't he at least heed those chilling words of Le Duc Tho who once famously declared: "Our position in Kampuchea is irreversible"!

In fact, the reality - as Hanoi and its CPP servant see it - killing and eliminating any genuine nationalist opposition in Cambodia is a matter of necessity. They have done so to even the CPP’s own founding members who put nationalist imperatives above obedience to Hanoi. They just needed the right time to do it! Moreover, both Hanoi and CPP in Phnom Penh are two sides of the same coin: the former need the latter to advance its hegemonic advantage over a small yet proud people as well as to consolidate and legitimise all the territorial gains at Cambodia's expense through on-going and recent past expansions and absorptions while the latter will not last without the political-military backing ‘guaranteed’ it in exchange by the former - at a price, of course.


^^^ 


ដោយ អាស៊ីសេរី
2020-02-19


លោក ស ខេង រដ្ឋមន្ត្រី​ក្រសួង​មហាផ្ទៃ ក្នុង​ពិធី​បើក​សន្និបាត​ត្រួត​ពិនិត្យ​ការងារ​ឆ្នាំ២០១៩ លើក​ទិសដៅ​ការងារ​ឆ្នាំ២០២០ នៅ​ថ្ងៃ​ទី១៩ ខែ​កុម្ភៈ ឆ្នាំ២០២០។
រូប៖ ហ្វេសប៊ុក​លោក ស ខេង




រដ្ឋមន្ត្រី​ក្រសួង​មហាផ្ទៃ លោក ស ខេង បាន​ប្រកាស​ថា របប​លោក​ទទួល​បាន​ជោគជ័យ​ក្នុង​ការ​បង្ក្រាប​គណបក្ស​គណ​បក្ស​ប្រឆាំង​កាល​ពី​ពេល​កន្លងទៅ ប៉ុន្តែ​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​ចាត់​ទុក​ការ​លើក​ឡើង​នេះ​ថា ជា​ការ​ជាន់​ឈ្លី​រដ្ឋធម្មនុញ្ញ និង​បង្ហាញ​ថា របប​នេះ​គ្មាន​បំណង​​គោរព​ច្បាប់​កំពូល​​របស់​ជាតិ​នោះ​ទេ។

ប្រធាន​ប្រតិបត្តិ​គណបក្ស​សង្គ្រោះ​ជាតិ​រាជធានី​ភ្នំពេញ កំពុង​រត់​ភៀស​ខ្លួន​នៅ​ក្រៅ​ប្រទេស លោក ម៉ន ផល្លា ប្រតិកម្ម​ថា អាជ្ញាធរ​របប​លោក ហ៊ុន សែន ​បាន​សម្លាប់​លទ្ធិ​ប្រជាធិបតេយ្យ​តាម​រយៈ​ការ​រំលាយ​គណបក្ស​សង្គ្រោះ​ជាតិ និង​​បំបិទ​សិទ្ធិ​នយោបាយ​របស់​ពលរដ្ឋ ប៉ុន្តែ​បែរ​ជា​មន្ត្រី​​របប​នេះ​នៅ​តែ​ចោទប្រកាន់​ដដែលៗ​ថា គណបក្ស​សង្គ្រោះ​ជាតិ​មាន​​បំណង​ផ្ដួល​​រំលំ​រដ្ឋាភិបាល៖ «របប​ក្រុង​​ភ្នំពេញ​ បន្ទាប់​ពី​ប្លន់​ឆន្ទៈ​ប្រជាពលរដ្ឋ សម្លាប់​ប្រជាធិបតេយ្យ​តាម​រយៈ​ការ​រំលាយ​​គណបក្ស​សង្គ្រោះ​ជាតិ ហើយ​ឥលូវ​នេះ​គឺ​បាន​ប្រកាស​ថា ជា​ការ​ជោគជ័យ​នៅ​ក្នុង​ការ​កម្ចាត់​អ្នក​ប្រជាធិបតេយ្យ ជាពិសេស​គណបក្ស​សង្គ្រោះ​ជាតិ ហើយ​បន្ត​កម្ចាត់​គណបក្ស​សង្គ្រោះ​ជាតិ​មិន​​ឱ្យ​មាន​​វត្តមាន​លើ​សង្វៀន​នៃ​ការ​ប្រកួត​ប្រជែង​បោះឆ្នោត​តាម​បែប​ប្រជាធិបតេយ្យ​ស្រប​តាម​រដ្ឋធម្មនុញ្ញ​នោះ ខ្ញុំ​ពិត​ជា​មើល​ឃើញ​ថា គណបក្ស​ប្រជាជន​មិន​មាន​ឆន្ទៈ​ពិត​ប្រាកដ​ក្នុង​ការ​គោរព​រដ្ឋធម្មនុញ្ញ​នោះ​ទេ»។



ប្រតិកម្ម​របស់​មន្ត្រី​ជាន់ខ្ពស់​គណបក្ស​សង្គ្រោះ​ជាតិ​នេះ ដោយសារតែ​លោក ស ខេង អះអាង​នៅ​ថ្ងៃ​ទី១៩ កុម្ភៈ​ថា កាល​ពី​ឆ្នាំ២០១៩ កន្លង​ទៅ កង​កម្លាំង​ប្រដាប់​អាវុធ និង​​ស្ថាប័ន​ពាក់ព័ន្ធ​បាន​ទទួល​ជោគជ័យ​ក្នុង​ការ​បំផ្លាញ​គម្រោង​របស់​ក្រុម​អ្នក​គាំទ្រ​បក្ស​ប្រឆាំង ដែល​លោក​ហៅ​ថា ជា​ចលនា​បដិវត្តន៍​ពណ៌​ផ្ដួល​រំលំ​រដ្ឋាភិបាល៖ «ពួក​ប្រឆាំង​ជ្រុល​និយម​ព្យាយាម​ធ្វើ​សកម្មភាព​ប៉ុនប៉ង​បង្ក​ភាព​ចលាចល​ក្នុង​សង្គម​ និង​រៀបចំ​ផែន​ការ​ធ្វើ​រដ្ឋ​ប្រហារ​ប៉ុនប៉ង​ផ្ដួល​រំលំ​​រាជរដ្ឋាភិបាល​ស្រប​ច្បាប់ និង​របប​រាជា​និយម​នៅ​កម្ពុជា។ ប៉ុន្តែ​ក្រោម​​ការ​ដឹក​នាំ​របស់​រាជ​រដ្ឋាភិបាល​ដែល​មាន​សម្ដេច​តេជោ ហ៊ុន សែន ជា​ប្រមុខ និង​ដែល​មាន​ការ​គាំទ្រ និង​ចូល​រួម​ពី​កង​កម្លាំង​ប្រដាប់​អាវុធ មន្ត្រីរាជការ​ស៊ីវិល​ អាជ្ញាធរ​គ្រប់​លំដាប់​ថ្នាក់ និង​ប្រជាពលរដ្ឋ​ទាំងមូល​បាន​ចូល​រួម​​គ្នា​បំផ្លាញ​ឱ្យ​បរាជ័យ​ទាំងស្រុង​នូវ​ឧបាយកល និង​ផែន​ការ​ប្រកប​ដោយ​គ្រោះថ្នាក់​ទាំង​នេះ ហើយ​បន្ត​រួម​គ្នា​ការពារ​ប្រព័ន្ធ​គ្រប់គ្រង​ប្រទេស​តាម​គោលការណ៍​នៃ​លទ្ធិ​ប្រជាធិបតេយ្យ សេរី ពហុបក្ស»។

មិន​ត្រឹម​តែ​មន្រ្តី​គណបក្ស​ប្រឆាំង​ទេ ដែល​រិះគន់​សំដី​លោក ស ខេង ក្រុម​អង្គការ​ស៊ីវិល​ចាត់​ទុក​ទង្វើ​របស់​អាជ្ញាធរ​ភ្នំពេញ​ថា បាន​ធ្វើ​ផ្ទុយ​ទៅ​នឹង​គោល​ការណ៍​សិទ្ធិមនុស្ស និង​ប្រជាធិបតេយ្យ។

អ្នក​សម្រប​សម្រួល​ផ្នែក​អង្កេត និង​តស៊ូ​មតិ​នៃ​អង្គការ​ខុមហ្រ្វែល (COMFREL) លោក កន សាវាង្ស សង្កេត​ឃើញ​ថា សកម្មភាព​របស់​ក្រុម​អ្នក​គាំទ្រ​​បក្ស​ប្រឆាំង​នា​ពេល​កន្លងទៅ មិន​មែន​ជា​សកម្មភាព​ធ្វើ​បដិវត្តន៍​ពណ៌​អ្វី​នោះ​ទេ។ ផ្ទុយ​​ទៅវិញ លោក​​ថា នោះ​ជា​ការ​សម្ដែង​មតិ និង​ជា​សកម្មភាព​នយោបាយ ដែល​ស្រប​ទៅតាម​រដ្ឋធម្មនុញ្ញ និង​ច្បាប់​អន្តរជាតិ​ប៉ុណ្ណោះ៖ «ខ្ញុំ​មើល​​មិន​ទាន់​ឃើញ​ថា តើ​​អង្គហេតុ​ណាមួយ​ដែល​ពិត​ប្រាកដ​ ហើយ​សូម្បី​តែ​ការ​កាត់​ក្ដី​មេ​គណបក្ស​ប្រឆាំង លោក កឹម សុខា មក​ដល់​ពេល​នេះ តុលាការ​មិន​ទាន់​បាន​ចេញ​សេចក្ដី​សម្រេច​រក​​ឃើញ​ថា មាន​ទោស​ ឱ្យ​បាន​ត្រឹម​ត្រូវ​ទេ។ អ៊ីចឹង​ការ​លើក​ឡើង​ខ្លះ ខ្ញុំ​យល់​ថា ជា​ការ​តស៊ូ​មតិ​ផ្នែក​នយោបាយ​ទេ វា​មិន​មែន​ជា​ការ​លើក​ឡើង​ពាក់ព័ន្ធ​រឿង​បដិវត្តន៍​ពណ៌​នោះ​ទេ»។

ចំណែក អ្នក​នាំ​ពាក្យ​សមាគម​ការពារ​សិទ្ធិ​មនុស្ស​អាដហុក (ADHOC) លោក ស៊ឹង សែន​ករុណា បារម្ភ​ថា ការ​ធ្វើ​ទុក្ខបុកម្នេញ​លើ​ក្រុម​អ្នក​គាំទ្រ​ប្រឆាំង​អាច​នឹង​កម្រើក​ឡើង​វិញ បន្ទាប់​ពី​មាន​ការ​លើក​ឡើង​បែបនេះ​ពី​ថ្នាក់ដឹកនាំ​ក្រសួង​មហាផ្ទៃ។ លោក​ថា ជា​រឿង​គួរ​ឱ្យ​សោក​ស្ដាយ​ដែល​អ្នក​នយោបាយ​ខ្មែរ​នៅ​តែ​បែរ​ខ្នង​ដាក់​គ្នា ហើយ​ទុក​ឱ្យ​ភាព​តាន​តឹង​ផ្នែក​នយោបាយ​នៅ​តែ​បន្ត​កើត​ឡើង​បែប​នេះ៖ «អ្វី​ដែល​ខាង​សង្គម​ស៊ីវិល​លើក​ឡើង​នោះ គឺ​ជា​ការ​បង្ក្រាប​ទៅលើ​សេរីភាព​ជា​មូលដ្ឋាន មាន​ន័យ​ថា សេរីភាព​ខាង​សមាគម​​ ឬក៏​ខាង​គណបក្ស​នយោបាយ សេរីភាព​ក្នុង​ការ​បញ្ចេញ​មតិ​​ ការ​ជួប​ជុំ​ជា​ដើម​ហ្នឹង គឺ​ជា​ការ​បង្ក្រាប​មួយ​យ៉ាង​ចាស់​ដៃ ហើយ​មាន​ការ​ធ្វើ​ទុក្ខ​បុក​ម្នេញ​ជា​បន្ត​បន្ទាប់»។

កាល​ពី​អំឡុង​ខែ​វិច្ឆិកា ឆ្នាំ២០១៩ កន្លងទៅ អាជ្ញាធរ​របប​លោក ហ៊ុន សែន បាន​បើ​ក​យុទ្ធនាការ​ចាប់​ខ្លួន និង​ចោទប្រកាន់​មន្ត្រី​មូលដ្ឋាន​គណបក្ស​សង្គ្រោះ​ជាតិ​ជា​ច្រើន​នាក់ ដោយសារ​តែ​ពួក​គេ​បាន​ប្រកាស​គាំទ្រ​គម្រោង​ត្រឡប់​មក​កម្ពុជា​វិញ​ប្រធាន​ស្ដីទី​គណបក្ស​សង្គ្រោះ​ជាតិ លោក សម រង្ស៊ី។ ការ​ធ្វើ​ទុក្ខ​បុក​ម្នេញ​​នេះ បូក​រួម​ទាំង​ការ​បង្ក្រាប​លើ​សំឡេង​ប្រឆាំង និង​សំឡេង​ឯករាជ្យ​ចាប់​ពី​ចុង​ឆ្នាំ២០១៧ រហូត​មក​នោះ បាន​ធ្វើ​​ឱ្យ​របប​លោក ហ៊ុន សែន ជាប់​កំណត់ត្រា​អាក្រក់​​ខាង​រំលោភ​សិទ្ធិមនុស្ស រហូត​ដល់​សហភាព​អឺរ៉ុប​សម្រេចចិត្ត​ដក​ផ្នែក​ខ្លះ​នៃ​ប្រព័ន្ធ​អនុគ្រោះ​ពន្ធ EBA ពី​កម្ពុជា៕