Khmer Circle: If this traffic law enforcement has been a "success" then the state needs to do the same for other areas of life and society that are in dire attention of law enforcement and national security measure such as illegal fishing, logging and illegal immigration?
🔺🔺🔺
2020-06-02
រូប៖ ហ្វេសប៊ុកស្នងការដ្ឋាននគរបាលរាជធានីភ្នំពេញ
ទោះជាយ៉ាងណា សម្រាប់អ្នកឃ្លាំមើល និងពលរដ្ឋវិញ បារម្ភពីគុណភាពនៃការប្រមូលទិន្នន័យគ្រោះថ្នាក់ចរាចរណ៍ របស់អាជ្ញាធរ មិនអស់។
ប្រធានវិទ្យាស្ថានសុវត្ថិភាពចរាចរណ៍ លោក គង់ រតនៈ សាទរការរឹតបន្តឹងច្បាប់ថ្មី បើតួលេខកាត់បន្ថយគ្រោះថ្នាក់ចរាចរណ៍របស់អាជ្ញាធរ គឺជាការពិត។ លោក សង្កេតឃើញថា គ្រាន់តែផ្លូវជាតិលេខ៥មួយខ្សែ លោក ឃើញ គ្រោះថ្នាក់ចរាចរណ៍កើតឡើង យ៉ាងតិច ៦ករណី ក្នុងមួយថ្ងៃ។ លោក គង់ រតនៈ បារម្ភថា ការប្រមូលព័ត៌មានគ្រោះថ្នាក់ចរាចរណ៍មិនអស់។
ជាងនេះទៅទៀត អ្នកឃ្លាំមើលរូបនេះ ចង់ឲ្យមានការបន្ធូរបន្ថយប្រាក់ពិន័យ នៅខែថ្មីនេះ ឲ្យទាបជាងនៅខែឧសភា។ លោក ថា ត្បិតតែពលរដ្ឋខ្លះ អត់ហ៊ានបញ្ចេញមតិពីការផាកពិន័យដូចមុន តែលោកទទួលប្រតិកម្មពីពលរដ្ឋថា ការផាកពិន័យធ្ងន់ធ្ងរដូចសព្វថ្ងៃ បណ្ដាលឲ្យពួកគេ ជួបវិបត្តិសេដ្ឋកិច្ច កាន់តែលំបាក ព្រោះគ្មានប្រាក់ចំណូលដូចមុន និងប្រឈមបញ្ហាជំពាក់បំណុលធនាគារ។ លោក ថា ពលរដ្ឋខ្លះ ទ្រាំមិនហ៊ាននិយាយទេ។
លោក បន្តថា ចំពោះនីតិវិធីផាកពិន័យ និងឥរិយាបថរបស់ប៉ូលិសចរាចរណ៍ទន់ភ្លន់ជាងមុន តែពលរដ្ឋ នៅតែមិនសប្បាយចិត្ត ចំពោះការផាកពិន័យធ្ងន់ធ្ងរ។ លោក អះអាងទៀតថា ពលរដ្ឋកែប្រែឥរិយាបថ បើកបរ តែនៅមុខសមត្ថកិច្ចប៉ុណ្ណោះ។ ឯនៅតាមផ្លូវ តាមភ្លើងស្តុប ឬកន្លែងផ្សេងទៀត ដែលគ្មានប៉ូលិសចរាចរណ៍ អ្នកបើកបរនៅតែមិនចូលរួមគោរពច្បាប់ចរាចរណ៍ផ្លូវគោកដដែ៖ «ជារួមសម្រាប់ខ្ញុំ ខ្ញុំគិតថា យន្តការនៃការរឹតបន្តឹងច្បាប់ហ្នឹង ជារឿងល្អ ប៉ុន្តែវិទ្យាស្ថានសុវត្ថិភាពចរាចរណ៍យើង គឺយើងចង់ឲ្យមានការបន្ធូរបន្ថយប្រាក់ពិន័យ។ មិនមែនឲ្យអត់មានការរឹតបន្តឹងច្បាប់ទេ។ ការរឹតបន្តឹងច្បាប់ត្រូវតែធ្វើ ក៏ប៉ុន្តែដោយសារប្រជាពលរដ្ឋមួយចំនួន លោកប៉ះពាល់ នឹងវិបត្តិកូវីដ១៩ហ្នឹង គឺយើងចង់ឲ្យសុំឲ្យមានការបន្ធូរបន្ថយប្រាក់ពិន័យ ទៅកម្រិតមួយដែលទាប ដែលវាមិនប៉ះពាល់ខ្លាំង ដល់កម្រិតជីវភាពរបស់ប្រជាពលរដ្ឋ»។
របាយការណ៍របស់គណៈកម្មការជាតិសុវត្ថិភាពចរាចរណ៍ផ្លូវគោក បង្ហាញថា រយៈពេល ១ខែឧសភា ជាខែដំបូង នៃការបង្កើនការផាកពិន័យប៉ូលិសចរាចរណ៍ផាកពិន័យបានយានយន្ត ៤៤.៧៦៥គ្រឿង ក្នុងនោះ ម៉ូតូ ៣២.៧២៦គ្រឿង និងរថយន្តគ្រប់ប្រភេទ ១២.០៣៩គ្រឿង។ រីឯប្រាក់ផាកពិន័យ ១ខែដំបូងនេះ បានជាង ៣ពាន់លានរៀល ស្មើប្រមាណ ៧សែនដុល្លារ។ ប្រាក់ដែលបានពីការផាកពិន័យនេះ គឺចំនួន ៩៥ភាគរយ ត្រូវចែកឲ្យប៉ូលិសគ្រប់អង្គភាព ដោយចាត់ទុកថា ជាប្រាក់រង្វាន់ និង ៥ភាគរយ នៅសល់បញ្ជូនទៅក្រសួងសេដ្ឋកិច្ច និងហិរញ្ញវត្ថុ៕
No comments:
Post a Comment