Khmer Circle:
Well, it's fair to say that 'equality of religious opportunity' or 'religious freedom' does not even exist within the country's Buddhist community itself even though Buddhism still remains the majority religion in principle or in people's hearts.
The Buddhist clergy as a national religious institution is being undermined, perverted, diluted or heavily deformed out of character ['Hochimonks'!] to fit in with ruling politics and the fear that the ruling party - being an alien force imposed upon the population by foreign power - holds towards nationalist sentiment or the thirst for social justice that the clergy traditionally engenders and cultivates in mass consciousness. Hence, the persistent persecution and harassment of Buddhist monks and activists over recent decades under this regime. In fact, the state's main focus of discrimination and persecution can be seen to be directed almost exclusively against the Buddhist Khmers and, this trend in religious persecution is in striking parallel with the experience of their indigenous Khmer brethren living in Kampuchea Krom or much of Southern Vietnam today under Vietnamese colonial rule.
🔺🔺🔺
ដោយ មាន ឫទ្ធិ2020-06-10
RFA
របាយការណ៍សេរីភាពអន្តរសាសនាឆ្នាំ២០១៩ សម្រាប់ប្រទេសកម្ពុជា ចេញផ្សាយ កាលពីថ្ងៃទី១០ មិថុនា រកឃើញថា រដ្ឋាភិបាលកម្ពុជា បន្តលើកកម្ពស់ថ្ងៃឈប់សម្រាកបុណ្យ ពុទ្ធសាសនាជាបុណ្យជាតិ។ រដ្ឋាភិបាលក៏ផ្ដល់ការបណ្ដុះបណ្ដាល និងការអប់រំផ្នែក ព្រះពុទ្ធសាសនា ដល់ព្រះសង្ឃ និងអ្នកគោរពពុទ្ធសាសនា នៅតាមវត្តអារាម ព្រមទាំងផ្ដល់ការផ្គត់ផ្គង់ហិរញ្ញវត្ថុដល់វិទ្យាស្ថាន ដែលធ្វើការសិក្សាស្រាវជ្រាវ និងបោះពុម្ពផ្សាយឯកសារនានា ពាក់ព័ន្ធនឹងវប្បធម៌ ប្រពៃណីខ្មែរ និងព្រះពុទ្ធសាសនា។ ក៏ប៉ុន្តែ ក្រសួងការបរទេសអាមេរិកថា រដ្ឋាភិបាលមិនបានផ្ដល់ការប្រព្រឹត្តិដូចគ្នានេះ ចំពោះក្រុមពលរដ្ឋដែលគោរពជំនឿសាសនាដទៃទៀត ខុសពីព្រះពុទ្ធសាសនា ក្នុងនោះក៏រួមបញ្ចូលទាំងការមិនប្រកាសទិវាបុណ្យសាសនាដទៃផង។
យ៉ាងណាក៏ដោយ របាយការណ៍ក្រសួងការបរទេសអាមេរិកថា រដ្ឋាភិបាលបានបន្តបដិសេធ មិនអនុញ្ញាតឲ្យការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិជនភៀសខ្លួន UNHCR ទទួលយកជាអចិន្ត្រៃយ៍ ជនជាតិភាគតិចម៉ុងតាញ៉ា-វៀតណាមកាន់សាសនាគ្រិស្ត ដែលបានរត់ភៀសខ្លួនពីប្រទេសវៀតណាមចូលមកកម្ពុជា ដើម្បីសុំសិទ្ធិជ្រកកោន និងទទួល បានឋានៈជាជនភៀសខ្លួនឡើយ។ របាយការណ៍គូសបញ្ជាក់ថា ក្នុងចំណោមជនជាតិភាគតិច ម៉ុងតាញ៉ា-វៀតណាមកាន់សាសនាគ្រិស្តប្រមាណ ២០០នាក់ ដែលបានរត់ភៀសខ្លួនពីប្រទេសវៀតណាមកាលពីឆ្នាំ២០១៧ ពួកគេ ២៧នាក់បានស្ថិតនៅក្នុងប្រទេសកម្ពុជានៅឡើយ។ រដ្ឋាភិបាលបានចាប់បញ្ជូនជនម៉ុងតាញ៉ា ៤ នាក់ឲ្យត្រឡប់ទៅប្រទេសវៀតណាមវិញ កាលពីខែមិថុនា ឆ្នាំ២០១៩។ អង្គការ UNHCR ថា ក្នុងចំណោមជនទាំង ៤នាក់នោះ មានម្នាក់ស្ម័គ្រចិត្តត្រឡប់ទៅវៀតណាមវិញ រីឯជនម៉ុងតាញ៉ា ៣នាក់ទៀត មិនអាចបំពេញ បានតាមលក្ខខណ្ឌសម្រាប់ទទួលបានឋានៈជាជនភៀសខ្លួន។ របាយការណ៍សរសេរបន្តថា រដ្ឋាភិបាលបាននិយាយថា ខ្លួននឹងអនុញ្ញាតឲ្យជនម៉ុងតាញ៉ាទាំង ២៧នាក់ ដែលនៅសល់នោះ ផ្លាស់ទីទៅប្រទេសទីបីបាន ប្រសិនបើអង្គការ UNHCR ទទួលបានការអនុញ្ញាតពីរដ្ឋាភិបាលវៀតណាម។ ក៏ប៉ុន្តែ លក្ខខណ្ឌនេះត្រូវអង្គការ UNHCR បដិសេធ។
ជុំវិញបញ្ហាសិទ្ធិជនភៀសខ្លួនម៉ុងតាញ៉ាកាន់សាសនាគ្រិស្តនេះ លោក ជិន ម៉ាលីន បដិសេធថា ពួកគេមិនពាក់ព័ន្ធនឹងសិទ្ធិសេរីភាពផ្នែកសាសនានោះទេ៖ «ពាក់ព័ន្ធរឿងម៉ុងតាញ៉ាអីហ្នុង វាមិនមែនទាក់ទងនឹងរឿងសិទ្ធិ សេរីភាពផ្នែកសាសនាអីនោះទេ គឺវាពាក់ព័ន្ធទៅដល់លក្ខខណ្ឌជនភៀសខ្លួន និងជនដែល សុំសិទ្ធិជ្រកកោនផ្នែកនយោបាយទេ។ ធម្មតាតែកាលណាក្រុមទាំងអស់នោះ មិនបានបំពេញនូវគ្រប់លក្ខខណ្ឌ ដែលគេកំណត់ថា ជាជនភៀសខ្លួន ឬក៏ជនសុំសិទ្ធិ ជ្រកកោននោះ គឺគេអាចបដិសេធបាន»។
ក៏ប៉ុន្តែ លោក ជិន ម៉ាលីន មិនបានលើកឡើងពីដើមចមដែលនាំឲ្យជនម៉ុងតាញ៉ាទាំងនោះ រត់ភៀសខ្លួនចូលមកកម្ពុជា ដោយសារតែមានការធ្វើទុក្ខបុកម្នេញពីសំណាក់អាជ្ញាធរ វៀតណាម ព្រោះពួកគេប្រកាន់ជំនឿតាមបែបគ្រិស្តសាសនានោះឡើយ។
ក្រៅពីបញ្ហានេះ របាយការណ៍ក្រសួងការបរទេសអាមេរិក ក៏បានលើកឡើងដែរថា នៅតែមាន សេចក្ដីរាយការណ៍នានា អំពីឧបស័គ្គសង្គម ជួបប្រទះដោយជនជាតិចាម និងគ្រិស្តសាសនិក ជាពិសេសទាក់ទងនឹងការទទួលបានឱកាសការងារ និងការអភិវឌ្ឍផ្នែកសង្គម និងសេដ្ឋកិច្ច។
រីឯ ការសម្លាប់មនុស្សពាក់ព័ន្ធនឹងអំពើអាបធ្មប់វិញ ក៏នៅតែមាន ដោយសហគមន៍អ្នកកាន់ ព្រះពុទ្ធសាសនានៅតែបន្តចាត់ទុកជនជាតិចាម និងក្រុមជនជាតិដើមភាគតិចដទៃទៀត ក្រោមការសង្ស័យថា ជនជាតិទាំងនោះចេះអំពើអាបធ្មប់។ របាយការណ៍លើកឡើងថា ក្នុងឆ្នាំ២០១៩ យ៉ាងហោចណាស់មានមនុស្ស ២នាក់ ត្រូវបានអ្នកភូមិសម្លាប់ដោយសារតែ សង្ស័យថា ចេះអំពើអាបធ្មប់។ ផ្អែកតាមការិយាល័យឧត្ដមស្នងការអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា របាយការណ៍ថា បទឧក្រិដ្ឋពាក់ព័ន្ធនឹងអំពើការប្រព្រឹត្តិ អំពើអាបធ្មប់ បានថយចុះនៅតំបន់ទីប្រជុំជន ប៉ុន្តែនៅតែជាបញ្ហាដដែលសម្រាប់តំបន់ ជនបទ។ ពីឆ្នាំ២០១២ ដល់ឆ្នាំ២០១៨ មានបទឧក្រិដ្ឋពាក់ព័ន្ធនឹងអំពើអាបធ្មប់ចំនួន ៤៩ករណី ក្នុងនោះ មនុស្ស ៣៥នាក់ត្រូវបានសម្លាប់ និង ១៤នាក់ផ្សេងទៀត ត្រូវគេប៉ុនប៉ងសម្លាប់ ឬរងការយាយី។
សម្រាប់ពលរដ្ឋខ្មែរក្រោមនៅវៀតណាមវិញ របាយការណ៍ថា ពលរដ្ឋខ្មែរក្រោមទាំងនោះ ក៏រងការធ្វើទុក្ខបុកម្នេញពីសំណាក់អាជ្ញាធរវៀតណាម ស្ទើរតែពេញមួយឆ្នាំ២០១៩ ក្រោមរូបភាពជាការចាប់ខ្លួន សួរនាំ និងឃុំខ្លួន ដោយសារតែពួកគេបានចូលមើលគេហទំព័រ ឬទំព័រហ្វេសប៊ុករបស់សហព័ន្ធខ្មែរកម្ពុជាក្រោម។ អាជ្ញាធរវៀតណាមចោទប្រកាន់ពួកគេថា ជាក្រុមផ្ដាច់ទឹកដី ឬប្រឆាំងរដ្ឋវៀតណាម។
នៅទូទាំងពិភពលោក ក្រសួងការបរទេសអាមេរិកថា មនុស្ស ៨នាក់ ក្នុងចំណោម ១០នាក់ ទទួលរងនូវការរឹតត្បិតសេរីភាពសាសនា។ ឆ្លើយតបនឹងបញ្ហានេះ សហរដ្ឋអាមេរិក នឹងចំណាយថវិកាយ៉ាងហោចណាស់ ៥០លានដុល្លារក្នុងមួយឆ្នាំ សម្រាប់កម្មវិធីលើកកម្ពស់ សេរីភាពសាសនានៅទូទាំងសកលលោក៕
No comments:
Post a Comment