គណៈកម្មការអឺរ៉ុប ថាមានតែស្តារសិទ្ធិមនុស្ស និងប្រជាធិបតេយ្យឡើងវិញប៉ុណ្ណោះ ទើបកម្ពុជាអាចបាន EBA ពេញមកវិញ

Editorial by Khmer Circle:

After almost forty years of having his cake and eating it, Hun Sen's Win-Win way is about to come to an abrupt halt and it takes something he most certainly never thought would turn out to be such a formidable spanner in his works: the EBA's 'small print'. After all, his decades-long despotic rule and its human rights record hasn't just taken a turn for the worst recently, has it? The point is that it should never have taken the EU and the US and its allies this long to reign in upon his egregious regime and yet the fact that it has speaks volumes about how trade, diplomacy and cynicism in international relations supersede human sufferings, national humiliation and freedom; those things enshrined as sacred and inviolable - but violated times and again nevertheless - in the Universal Declaration of Human Rights and related UN charters. 

There are presumably extenuating circumstances as well for this general indifference and or reluctance shown towards the Hun Sen regime by the free-world: the rebuilding context of the country after the nadir that was the destruction it experienced in the seventies followed by the lingering armed conflict in the decade that had followed. Surely, Hun Sen and his Vietnamese backers must be credited for having put an end to the murderous Pol Pot regime which almost wiped out the entire population - a mass tragedy that the Western world had opted to turn a blind eye to? 

The biggest illusion of all was and is the PPA [Paris Peace Accords of Oct 23rd 1991] because this promised so much yet delivered next to nothing for the country! Against this background and international non-commitment described above, Hanoi and its sponsored regime in Phnom Penh would have been quietly confident walking into the French venue on the outskirt of Paris [?] to ratify the Accords that would solve for them what armies and tanks had hitherto failed to do. Like all terms of UN membership and any of its related rights charters, the PPA and its implied undertaking was as binding and efficacious as still-birth from the moment of its inception. Among other principal agreements embedder in the PPA the country's political sovereignty and territorial integrity are 'inviolable' and to be respected by the signatories, including Vietnam who is violating that very agreement in the most blatant manner even as we speak! Indeed, Hun Sen himself has insisted the Accords has long since been 'dead' and his insistence is not entirely misplaced when we realise just what he has been allowed to get away with over the years; the amount of international aid that kept on pouring in, ostensibly, to help rebuild the country and feed the innocents - just like the EBA has been doing? - but has ended up strengthening instead his brutal personal grip on power and, all this in the name of 'stability' and 'development'?        

🔺🔺🔺
ដោយ មួង ណារ៉េត
2020-06-25
rfa

រូបឆ្វេង៖ មន្រ្តីព័ត៌មានផ្នែកពាណិជ្ជកម្ម របស់គណៈកម្មការអឺរ៉ុប អ្នកស្រី ឃីនហ្កា ម៉ាលីណូវស្កា (Kinga Malinowska)។ រូបស្ដាំ៖ រូបត្លុកនយោបាយរបស់អាស៊ីសេរី។
 European Commission Website



គណៈកម្មការអឺរ៉ុប បញ្ជាក់ជំហរម្តងទៀត ថាមានតែស្តារសិទ្ធិមនុស្ស និងប្រជាធិបតេយ្យឡើងវិញតែប៉ុណ្ណោះ ទើបកម្ពុជាអាចបាន EBA ពេញមកវិញ។

ជំហររបស់គណៈកម្មការអឺរ៉ុបនេះ ធ្វើឡើងជាការឆ្លើយតបទៅនឹងលិខិតទីពីររបស់សមាគមថៅកែរោងចក្រកាត់ដេរនៅកម្ពុជា ហៅកាត់ថា GMAC ដែលសុំឲ្យគណៈកម្មការអឺរ៉ុបពន្យារការដកប្រព័ន្ធអនុគ្រោះពន្ធ EBA ២០% ទៅឆ្នាំក្រោយ ព្រោះវិស័យកាត់ដេរ កំពុងជួបវិបត្តិនៃជំងឺកូវីដ-១៩។

ឆ្លើយតបទៅនឹងលិខិតនោះ មន្រ្តីព័ត៌មានផ្នែកពាណិជ្ជកម្ម របស់គណៈកម្មការអឺរ៉ុប អ្នកស្រី ឃីនហ្កា ម៉ាលីណូវស្កា (Kinga Malinowska) ប្រាប់អាស៊ីសេរី តាមសារអេឡិកត្រូនិក កាលពីយប់ថ្ងៃទី ២៤ មិថុនា ថាគណៈកម្មការអឺរ៉ុប បានទទួលលិខិតនោះហើយ និងឆ្លើយតបទៅ GMAC វិញក្នុងពេលឆាប់ៗខាងនេះ។

ប៉ុន្តែ មន្រ្តីនាំពាក្យគណៈកម្មការអឺរ៉ុបរូបនេះ បញ្ជាក់បន្ថែមថា កូនសោរគឺនៅដៃរដ្ឋាភិបាលកម្ពុជា ពោលគឺទាល់តែកម្ពុជា បង្ហាញឲ្យឃើញការខំខិតខំប្រឹងប្រែងជាដុំកំភួន ក្នុងការកែលម្អស្ថានភាពសិទ្ធិមនុស្ស ជាពិសេសសិទ្ធិពលរដ្ឋ និងសិទ្ធិនយោបាយ ឲ្យពិតប្រាកដប៉ុណ្ណោះ ទើបគណៈកម្មការអឺរ៉ុប  អាចសើរើសេចក្តីសម្រេចរបស់ខ្លួនឡើងវិញបាន។



អ្នកស្រីថាការគោរពសិទ្ធិមនុស្ស សិទ្ធិការងារ និងប្រជាធិបតេយ្យនេះ គឺជាលក្ខខណ្ឌតម្រូវ អនុលោមតាមច្បាប់របស់សហភាពអឺរ៉ុប ជាពិសេសលក្ខខណ្ឌសម្រាប់នីតិវិធីដកការអនុគ្រោះពន្ធ។

ទោះជាយ៉ាងនេះក្តី មន្រ្តីគណៈកម្មការអឺរ៉ុបដដែល បន្តថាគណៈកម្មការអឺរ៉ុប នឹងនៅតែស្វះស្វែងរកការចូលរួមប្រកបដោយអត្ថន័យ ពីសំណាក់អាជ្ញាធរកម្ពុជា ហើយនៅតែបន្តឃ្លាំមើលស្ថានភាពសិទ្ធិមនុស្ស និងសិទ្ធិការងារនៅកម្ពុជា យ៉ាងយកចិត្តទុកដាក់ តទៅទៀត។

នេះជាលើកទីពីរហើយ ក្នុងខែ មិថុនានេះ ដែលគណៈកម្មការអឺរ៉ុប បង្ហាញជំហរដដែល ទៅសមាគមថៅកែរោងចក្រកាត់ដេរនៅកម្ពុជា ថាមិនព្រមពន្យារពេលដកប្រព័ន្ធអនុគ្រោះពន្ធ EBA ២០% ដែលគ្រោងនឹងដកជាធរមាននៅថ្ងៃទី ១២ ខែ សីហានោះទេ បើរដ្ឋាភិបាលកម្ពុជា នៅតែមិនព្រមស្តារសិទ្ធិមនុស្ស និងប្រជាធិបតេយ្យឡើងវិញ។

គណៈកម្មការអឺរ៉ុប ធ្លាប់បានរម្លឹករបបក្រុងភ្នំពេញជាច្រើនដងហើយ ថាកូនសោរគឺនៅលើដៃលោក ហ៊ុន សែន មិនមែននៅលើដៃរបស់គណៈកម្មការអឺរ៉ុបទេ រឿងបាត់ឬមិនបាត់ EBA នេះ។

នៅក្នុងការសិក្សាស្រាវជ្រាវរបស់សាកលវិទ្យាល័យ ឌែលឡឺវែរ (Delaware) នៃសហរដ្ឋអាមេរិក អំពីផលប៉ះពាល់ធ្ងន់ធ្ងរ បើសហភាពអឺរ៉ុប ដកការអនុគ្រោះពន្ធត្រឹមតែ ២០% ក៏ដោយ ខាងសកលវិទ្យាល័យនេះ ផ្តល់អនុសាសន៍ ឲ្យរដ្ឋាភិបាលកម្ពុជា ចរចាជាមួយសហភាពអឺរ៉ុប ដើម្បីបាន EBA ពេញមកវិញ។

ប៉ុន្តែ សមាគមថៅកែរោងចក្រកាត់ដេរនៅកម្ពុជា មិនសរសេរលិខិតទៅស្នើឲ្យរដ្ឋាភិបាលកម្ពុជា កែលម្អបញ្ហាសិទ្ធិមនុស្សទេ តែបែរជាសរសេរទៅគណៈកម្មការអឺរ៉ុបទៅវិញ។

ឆ្លើយតបទៅនឹងជំហរដដែលរបស់គណៈកម្មការអឺរ៉ុបបែបនេះ ប្រធានសមាគមថៅកែរោងចក្រកាត់ដេរនៅកម្ពុជា លោក ខេន លូ ប្រាប់អាស៊ីសេរីយ៉ាងខ្លីថា សិទ្ធិសម្រេចយ៉ាងណាគឺជាសិទ្ធិរបស់គណៈកម្មការអឺរ៉ុប។ ឆ្លើយតបទៅនឹងសំណួរអាស៊ីសេរី ថាតើលោកនឹងសរសេរលិខិតជាលើកទី ៣ ទៅគណៈកម្មការអឺរ៉ុបទៀត ឬយ៉ាងណា លោកថាចាំគិតទៀត ចាំឃើញចម្លើយទីពីរពីគណៈកម្មការអឺរ៉ុបផ្ទាល់សិន <<អាហ្នឹង​ជាសិទ្ធិ​របស់​ EU! [អាស៊ីសេរី៖ អ‍‍៊‍ីចឹងលោកមិនសរសេរ​ទៅរដ្ឋាភិបាល​ទេ ទោះបានចម្លើយបែបនេះ?] អត់ទេ! យើងអត់សរសេរ​ទៅ​រាជ​រដ្ឋាភិបាល​ទេ។ [អាស៊ីសេរី៖ ចុះឥឡូវគេថាអត់ពន្យារឲ្យទេ លោកនឹង​សរសេរ​លិខិតទៅទៀត?] ឥឡូវ​អត់​ទាន់ដឹងទេ! ចាំយើង​ទទួល​លិខិត​ឆ្លើយ​ពី​ខាង​ EU សិន>>។

មន្រ្តីអង្គការសង្គមស៊ីវិល និងមន្រ្តីសហជីពឯករាជ្យ សុទ្ធតែយល់ស្របគ្នាថា អ្វីដែលសមាគមថៅកែរោងចក្រកាត់ដេរនៅកម្ពុជា ធ្វើនោះ គឺជាការអេះមិនចំរមាស់ ឬដាក់ថ្នាំមិនត្រូវកន្លែងរបួសទេ។ ពួកគាត់ស្នើឲ្យសមាគមថៅកែរោងចក្រកាត់ដេរនៅកម្ពុជា ក្លាហានហ៊ានប្រាប់ការពិតទៅរដ្ឋាភិបាលកម្ពុជា ថាអ្នកដែលធ្វើឲ្យបាត់ EBA មិនមែន EU ទេ គឺរបបក្រុងភ្នំពេញ។

ប៉ុន្តែលោក ខេន លូ ថារឿងរំលោភសិទ្ធិមនុស្ស និង​បំផ្លាញ​ប្រជាធិបតេយ្យនោះ គឺជារឿងនយោបាយ ខាង​លោកជាវិស័យឯកជន មិនលូកដៃចូលកិច្ចការនយោបាយទេ ទុកឲ្យអ្នកនយោបាយចាត់ចែង។

អាស៊ីសេរីនៅតែមិនទាន់អាចសុំការបំភ្លឺ ពីមន្រ្តីនាំពាក្យរដ្ឋាភិបាលជុំវិញរឿងនេះបានទេ។ ប៉ុន្តែ កន្លែងមកលោក ហ៊ុន សែន ប្រកាន់ជំហរដាច់ខាត ថាមិនធ្វើតាមសហភាពអឺរ៉ុបជាដាច់ខាត ព្រោះបើធ្វើតាម គឺដូចជាឱនក្បាលដាក់បរទេសពេក។ ម្យ៉ាងលោកធ្លាប់អួតអាងថា បើអត់ EBA ក៏កម្ពុជាមិនស្លាប់ដែរ ព្រោះយូរនឹងឆាប់ គេគង់នឹងដក EBA ទាំងអស់ដដែល។

ទោះជាយ៉ាងនេះក្តី នោះគឺជាសម្តីលោក ហ៊ុន សែន មុនមានវិបត្តិជំងឺកូវីដ-១៩។ ក្រោយផ្ទុះជំងឺកូវីដ-១៩ ដែលធ្វើឲ្យសេដ្ឋកិច្ចកម្ពុជាធ្លាក់ចុះស្ទើរដល់កម្រិតសូន្យនេះ លោក ហ៊ុន សែន មិនទាន់ថ្លែងការណ៍អ្វីមួយ ជុំវិញរឿង EBA នេះនៅឡើយទេ។

ស្របពេលជាមួយគ្នានេះ មន្រ្តីនាំពាក្យក្រសួងយុត្តិធម៌លោក ជិន ម៉ាលិនឯណោះ ដែលចោទថាការបាត់ EBA គឺដោយសារក្រុមប្រឆាំងនោះ ប្រាប់អាស៊ីសេរី កាលពីថ្ងៃទី ២៤ ខែ មិថុនា ថារដ្ឋាភិបាលកម្ពុជា នៅតែបន្តធ្វើការជាមួយគណៈកម្មការអឺរ៉ុប ដើម្បីរកដំណោះស្រាយរួមមួយ។

ថាតើរបបក្រុងភ្នំពេញអាចស្តារស្ថានភាពសិទ្ធិមនុស្ស និងប្រជាធិបតេយ្យឡើងវិញយ៉ាងណា ឲ្យបានមុនថ្ងៃកំណត់ ដែលគណៈកម្មការអឺរ៉ុបនឹងដកប្រព័ន្ធអនុគ្រោះពន្ធ ២០%នោះ គឺកម្ពុជានៅសល់ពេលខ្លីណាស់ ព្រោះនៅសល់ពេលមិនដល់ ៧ សប្តាហ៍ទៀតប៉ុណ្ណោះ។

គណៈកម្មការអឺរ៉ុប នឹងដកការអនុគ្រោះពន្ធ ២០% ពីកម្ពុជា នៅថ្ងៃទី ១២ ខែ សីហា៕