ដោយ ទីន ហ្សាការីយ៉ា
2020-08-10
សកម្មភាពពលរដ្ឋភាគច្រើនជាយុវជន សហជីព កម្មកររោងចក្រ និងគ្រូបង្រៀន ប្រមូលផ្តុំគ្នាតវ៉ា ទាមទារនៅមុខសាលាដំបូងរាជធានីភ្នំពេញ នៅថ្ងៃទី២ ខែសីហា ២០២០ ឱ្យដោះលែង លោក រ៉ុង ឈុន។
រូបពីហ្វេសប៊ុក Ma Chettra
ប្រជាពលរដ្ឋមួយចំនួនផ្ទុះកំហឹងកាន់តែខ្លាំងដោយសារមិនពេញចិត្តរឿងអាជ្ញាធរចាប់សកម្មជននយោបាយ និងសកម្មជនសង្គមដាក់ពន្ធនាគារជាបន្តបន្ទាប់។ ពួកគាត់ ចាត់ទុកការចាប់ខ្លួននេះ ថា ជារឿងអយុត្តិធម៌ ធ្វើបាបប្រជាពលរដ្ឋស្លូតត្រង់ ដើម្បីបំបិទមាត់ កុំឱ្យពួកគាត់រិះគន់រដ្ឋាភិបាល។
សកម្មជនការពារព្រៃឈើម្នាក់នៅខេត្តក្រចេះ លោក ហេង ស្រស់ ថ្លែងនៅថ្ងៃទី៩ សីហា ថា លោកឈឺចាប់យ៉ាងខ្លាំងនៅពេលឃើញអាជ្ញាធរចាប់លោក រ៉ុង ឈុន និង ក្រុមអ្នកតវ៉ាគាំទ្រគាត់ដាក់គុកដោយអយុត្តិធម៌ប្រមាណ ២សប្ដាហ៍ កន្លងមកនេះ។ លោកបន្ថែមថា ការចាប់ខ្លួននេះមិនបានផលចំណេញអ្វីដល់ជាតិឡើយ ផ្ទុយទៅវិញធ្វើឱ្យប្រជាពលរដ្ឋកាន់តែឈឺចាប់ ព្រោះបាត់បង់សិទ្ធិសេរីភាពសម្ដែងមតិទាមទារឱ្យរដ្ឋាភិបាលដោះស្រាយពីទុក្ខកង្វល់របស់ពួកគាត់៖ «នេះជាការគំរាមកំហែងដល់សកម្មជនដទៃទៀត ដែលគាត់ធ្វើការពាក់ព័ន្ធរឿងព្រំដែនរឿងបរិស្ថានសកម្មជនធ្វើការផ្នែកដីធ្លី និងអ្នកធ្វើការជាមួយកម្មករ វាជាការគំរាមកំហែងដល់សកម្មជនទាំងនោះ»។
ចំណែកក្រុមប្រជាពលរដ្ឋនៅខេត្តបន្ទាយមានជ័យ និងខេត្តព្រៃវែងវិញ ប្រាប់អាស៊ីសេរីថា លោក រ៉ុង ឈុន និងមនុស្សមួយចំនួនទៀត ដែលអាជ្ញាធរចាប់ខ្លួនថ្មីៗនេះ ជាមនុស្សស្លូតត្រង់ មិនបានប្រព្រឹត្តអ្វីខុសច្បាប់ទេ ដូច្នេះតុលាការត្រូវតែដោះលែងពួកគាត់ជាបន្ទាន់ និងដោយឥតលក្ខខណ្ឌ។ ក្រុមពលរដ្ឋទាំងនេះ បញ្ជាក់ទៀតថា អ្នកតាមដានស្ថានការណ៍នៅក្នុងប្រទេស តែងតែប្រជុំគ្នារិះគន់រដ្ឋាភិបាលចំពោះការចាប់ខ្លួនពលរដ្ឋនេះនៅតាមតុកាហ្វេ។ ពួកគាត់ព្រួយបារម្ភថា ប្រសិនបើអាជ្ញាធរនៅតែបន្តចាប់មនុស្សដោយអយុត្តធម៌បែបនេះទៀត នោះពលរដ្ឋអាចនឹងតវ៉ាបណ្ដេញលោកនាយករដ្ឋមន្ត្រីហ៊ុន សែន ចុះចេញពីតំណែងនៅពេលខាងមុខ៖ «ព្រោះវាជួបបញ្ហាច្រើនរាល់ថ្ងៃគាត់អត់អាចផ្ទុះដូចបូស ប៉ុន្តែរាល់ថ្ងៃនេះ ឃើញហេតុការណ៍ចំឡែកៗដូចជាអត់ការងារធ្វើនិងជំពាក់បំណុលធនាគារក៏ច្រើនដែរ។ អីចឹងបញ្ហាហ្នឹងធ្វើឱ្យគាត់នៅមិនបាន។ ខ្ញុំសង្ឃឹមថា ថ្ងៃណាមួយប្រជាពលរដ្ឋទាំងអស់គ្នានឹងក្រោកឈរឡើងដើម្បីទម្លាក់លោក ហ៊ុន សែន ចេញពីតំណាង។ ព្រោះថារបបដឹកនាំសព្វថ្ងៃផ្ដាច់ការ និងតិរច្ឆានបំផុតគឺគ្មានភាពយុត្តិធម៌សម្រាប់រាស្ត្រមានតែការធ្វើបាបជិះជាន់ ដូចជាការប្លន់ដីធ្លី និយាយរួមសព្វបែបយ៉ាង។ ដូច្នេះត្រូវតែក្រោកឈរឡើងដើម្បីការពារប្រទេសយើង កុំឱ្យបាត់បង់ដោយសារស្នាដៃរបស់លោក ហ៊ុន សែន»។
ទាក់ទងនឹងបញ្ហានេះអ្នកនាំពាក្យគណបក្សប្រជាជនកម្ពុជាលោក សុខ ឥសាន មានប្រសាសន៍ថា ការចាប់ខ្លួនលោក រ៉ុង ឈុន គឺជារឿងត្រឹមត្រូវ ដោយសារតែលោកនិយាយផ្ដេសផ្ដាសខុសពីការពិតដែលអាចធ្វើឱ្យរដ្ឋាភិបាលមានជម្លោះជាមួយប្រទេសជិតខាង៖ «គាត់ចង់ថា មហាវីរបុរសក៏បានគាត់ចង់ថាមហាជាតិអី ព្រះឥន្ទរបស់គាត់ក៏បាន វាស៊ីសងតែគាត់យល់ទេ។ ក៏ប៉ុន្តែវាមិនស្ថិតលើគាត់យល់មួយក្ដាប់តូចហ្នឹង វាលើប្រជាជនកម្ពុជាទូទាំងប្រទេស»។
ផ្ទុយពីការលើកឡើងរបស់អ្នកនាំពាក្យគណបក្សកាន់អំណាចនេះ ប្រធានផ្នែកសិទ្ធិមនុស្សនៃសមាគមការពារសិទ្ធិមនុស្សអាដហុក (Adhoc) លោក នី សុខា កត់សំគាល់ថា ការចាប់លោក រ៉ុង ឈុន សកម្មជននយោបាយ និងសកម្មជនសង្គមបន្តបន្ទាប់មកនេះ គឺជាការរឹតត្បិតសិទ្ធិសេរីភាពសម្ដែងមតិរបស់ប្រជាពលរដ្ឋ។លោកនៅតែមើលឃើញថា សកម្មភាពរបស់ពលរដ្ឋទាំងនោះមិនបានប្រព្រឹត្តខុសច្បាប់អ្វីឡើយ៖ «ដូច្នេះយើងមើលឃើញថា សកម្មភាពដែលពួកគាត់បានចូលទៅតាមដានសកម្មភាពអំពីបញ្ហាព្រះសង្ឃ បញ្ហាអីនៅយប់មុននេះ គឺថាមិនមានអ្វីដែលជាអំពើល្មើសច្បាប់ទេ។ ដូច្នេះមិនដឹងថា តើអាជ្ញាធរលោកយកគោលការណ៍ ឬក៏ច្បាប់ណាដើម្បីឃាត់ខ្លួនអ្នកដែលចូលតាមដានរឿងអីចឹងទេខ្ញុំអត់យល់ដែរ»។
ចាប់តាំងពីដើមខែសីហាមកយ៉ាងហោចណាស់មានមនុស្សចំនួន ៤នាក់ហើយ ត្រូវបានអាជ្ញាធរចាប់ខ្លួន ដាក់ពន្ធនាគារព្រៃស ដោយសារពួកគាត់ចូលរួមតវ៉ាឱ្យតុលាការដោះលែងប្រធានសហព័ន្ធសហជីពកម្ពុជា លោក រ៉ុង ឈុន ប៉ុន្តែក្នុងនោះស្ត្រីមានផ្ទៃពោះ ៣ខែម្នាក់ គឺលោកស្រី សុវណ្ណា ត្រូវបានអាជ្ញាធរដោះលែងវិញ កាលពីថ្ងៃទី៦ សីហា បន្ទាប់ឃុំខ្លួនលោកស្រីសួរចម្លើយអស់ ២យប់ នៅអធិការដ្ឋាននគរបាលខណ្ឌចំការមន និងនៅស្នងការដ្ឋាននគរបាលរាជធានីភ្នំពេញ។ ពួកគេត្រូវបានចោទប្រកាន់ពីបទញុះញង់បង្កអសន្តិសុខនៅក្នុងសង្គម៕
1 comment:
HOW TO GET A LASTING PEACE IN CAMBODIA ?
In order to have a stable and lasting peace in Cambodia, Khmer people need to participate actively in the fight to get the CNRP reinstated.
To pull Ah Kwack Hun Sen down by mass protest will inadvertently allow the evil Yuon to kill Khmer people secretly one more time.
It is imperative that the CNRP can participate in the 2023 next election. The electoral process in Cambodia has progressed steadily to a point that Ah Kwack Hun Sen and Yuon could no longer control the NEC, thus could not control the outcome of the 2018 election, which prompted Ah Kwack and Yuon to dissolve the CNRP.
As we can see, historically, the transfer of power without election in the past has given the evil Yuon a leverage to meddle the situation in Cambodia and make Khmer fight with Khmer, such as the evil Yuon helped the Khmer Rouge to defeat Lon Nol, and mass killing afterward...
For the time being, Khmer people need to wake up and abandon the crazy notion of " Som Teh Sok" and work actively to get the CNRP reinstated so that it could participate in the next election.
The task to get the CNRP back is not easy because the evil Yuon does not want to see its plan to swallow Cambodia derailed, but Khmer people need to work hard and ready to make their ultimate sacrifice for Cambodia survival.
If the CNRP wins the 2023 election, the international community will support Cambodia and Cambodia will have a lasting peace.
Help ourselves first before others help us.
93 Years Old Woman
Post a Comment