Khmer Circle:
And there you thought that human rights are human rights every where, regardless? Wrong, of course.
The wolves don't think their own rights belong in the same category as those of the sheep!
🔺🔺🔺
2021-03-18
(ឆ្វេង) លោក អាន សុខឿន ឯកអគ្គរាជទូត និងជាតំណាងអចិន្រ្តៃយ៍កម្ពុជា នៅអង្គការសហប្រជាជាតិ និងលោក វីទិត មុនតាប៊ន (Vitit MUNTARBHORN) អ្នករាយការណ៍ពិសេសប្រចាំកម្ពុជា ដែលអង្គការសហប្រជាជាតិទើបតែតែងតាំងថ្មី។
រូប៖ ហ្វេសប៊ុក Permanent Mission of the Kingdom of Cambodia to the UN Office at Geneva និង United Nations Free & Equal
ឯកអគ្គរាជទូត និងជាតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិលោក អាន សុខខឿន ថ្លែងនៅក្នុងកិច្ចប្រជុំក្រុមប្រឹក្សាសិទ្ធិមនុស្សនៃអង្គការសហប្រជាជាតិ កាលពីថ្ងៃទី១៧ ខែមីនាថា អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកផ្នែកសិទ្ធិមនុស្សប្រចាំនៅកម្ពុជា គួរតែជួយដល់ប្រទេសកម្ពុជា ក្នុងវិស័យសិទ្ធិមនុស្ស តាមរយៈកិច្ចសន្ទនា និងកិច្ចសហប្រតិបត្តិការពិតប្រាកដ ដោយត្រូវពិចារណាអំពីបរិបទដោយឡែករបស់ប្រទេសកម្ពុជា។
លោក អាន សុខខឿន មិនបានបញ្ជាក់ឲ្យបានច្បាស់លាស់ថា តើបរិបទដោយឡែកនៃបញ្ហាសិទ្ធិមនុស្សនៅកម្ពុជានេះ វាប្លែកពីបរិបទនៃការគោរពសិទ្ធិមនុស្សទូទៅ នៅប្រទេសប្រកាន់លទ្ធិប្រជាធិបតេយ្យយ៉ាងដូចម្ដេចខ្លះនោះទេ។ ប៉ុន្តែ មន្ត្រីរដ្ឋាភិបាលកម្ពុជា កន្លងមកធ្លាប់អះអាងថា ប្រជាធិបតេយ្យនៅកម្ពុជា គឺធ្វើត្រូវតាមបែបប្រជាធិបតេយ្យត្រីប្រហុក មិនមែនប្រជាធិបតេយ្យតាមបែបនំហែមប៊ើហ្គើរ (hamburger) ដូចនៅប្រទេសសេរីនោះទេ។
ក្នុងរយៈពេលជិត ៣០ឆ្នាំកន្លងមកនេះ កម្ពុជាមានអ្នករាយការណ៍ពិសេសរបស់អង្គការសហប្រជាជាតិ ៦រូបហើយ រួមទាំងអ្នកស្រី រ៉ូណា ស្ម៊ីត (Rhona Smith) ដែលទើបតែចប់អាណត្តិនាពេលថ្មីៗ នេះ។ រាល់សេចក្ដីរាយការណ៍ និងសន្និដ្ឋានរបស់ពួកគាត់ សុទ្ធតែធ្វើឡើងដោយឆ្លងកាត់ការជួបពិភាក្សាជាមួយមន្ត្រីរដ្ឋាភិបាល មន្ត្រីអង្គការសង្គមស៊ីវិល មន្ត្រីគណបក្សនយោបាយ ពលរដ្ឋសហគមន៍ដែលរងគ្រោះដោយអំពើអយុត្តិធម៌សង្គម និងភាគីដែលពាក់ព័ន្ធ។ ក្នុងចំណោមអ្នកទាំងនេះ គ្មានអ្នករាយការណ៍ពិសេសរូបណា ដែលរកមិនឃើញពីការរំលោភសិទ្ធិមនុស្សធ្ងន់ធ្ងរនៅកម្ពុជានោះឡើយ។ ពួកគាត់តែងតែផ្តល់អនុសាសន៍ ឲ្យរដ្ឋាភិបាលកម្ពុជា កែស្ថានភាពសិទ្ធិមនុស្ស ឲ្យប្រសើរឡើងវិញ។ ប៉ុន្តែ គ្មានម្ដងណា ដែលរដ្ឋាភិបាលកម្ពុជាខកខានក្នុងការដោះសា ដើម្បីការពារខ្លួននោះទេ។ សូម្បីតែសេចក្ដីរាយការណ៍របស់អ្នកស្រី រ៉ូណា ស្ម៊ីត អំពីការរំលោភសិទ្ធិមនុស្ស និងបំផ្លាញប្រជាធិបតេយ្យធ្ងន់ធ្ងរ ក៏រដ្ឋាភិបាលកម្ពុជាចោទថា ធ្វើដោយលម្អៀង និងមិនគ្រប់ជ្រុងជ្រោយដែរ។ ជាលទ្ធផល ដោយសារតែការមិនព្រមធ្វើតាមអនុសាសន៍របស់មន្ត្រីជំនាញផ្នែកសិទ្ធិមនុស្សនេះ កម្ពុជារងទណ្ឌកម្មជុំទិសពីសហគមន៍អន្តរជាតិ រួមទាំងទណ្ឌកម្មពីសហភាពអឺរ៉ុប ដែលដកប្រព័ន្ធអនុគ្រោះពន្ធ EBA ២០% ផង។
មិនខុសពីលើកមុន លើកនេះ លោក អាន សុខខឿន ប្រៀនប្រដៅអ្នករាយការណ៍ពិសេស ឲ្យបំពេញតួនាទីប្រកបដោយភាពសត្យានុម័ត មិនលម្អៀង មិនជ្រើសតែមួយជ្រុង និងមិនធ្វើនយោបាយូបនីយកម្ម។ ម្យ៉ាងទៀតត្រូវចៀសវាងដើរតួជាចៅក្រមកាត់សេចក្ដី នៅពេលធ្វើសេចក្ដីរាយការណ៍ និងការសន្និដ្ឋាន។ លោកថា បើមិនដូច្នេះទេ អ្នករាយការណ៍ពិសេស នឹងមិនទទួលបានការជឿទុកចិត្តពីកម្ពុជានោះឡើយ។
សាររបស់តំណាងកម្ពុជានេះ ធ្វើឡើងស្របពេល ដែលក្រុមប្រឹក្សាសិទ្ធិមនុស្សអង្គការសហប្រជាជាតិ ទើបតែបានតែងតាំងអ្នករាយការណ៍ពិសេសថ្មីមួយរូបទៀត ដើម្បីទទួលបន្ទុកផ្នែកសិទ្ធិមនុស្សប្រចាំនៅកម្ពុជា ដើម្បីជំនួសអ្នកស្រី រ៉ូណា ស្ម៊ីត។ អ្នករាយការណ៍ពិសេស ដែលជាមនុស្សទី៧ នោះ គឺលោក វីទិត មុនតាប៊ន (Vitit MUNTARBHORN) ជាជនជាតិថៃ៕
No comments:
Post a Comment