Khmer Circle:
Why not? He's only following an established tradition by the Cambodian elite of upholding this amicable 'friendship' with China the bigger Brother - and Vietnam, of course...
Sihanouk and his spouse had spent the greater part of their lives in Beijing where they enjoyed a cooler climate and a private residence there courtesy of the PRC. He even breathed his last there. In fact, the present king and his mother and Sihanouk's widow still return to the place on their regular trips for their medical check by their Chinese doctors.
🔺🔺🔺
ដោយ សន ចាន់រដ្ឋា
2021-07-08 rfa
លោកហ៊ុន សែន ប្រធានគណបក្សប្រជាជនកម្ពុជាថ្លែងក្នុងកិច្ចប្រជុំកំពូលរវាងថ្នាក់ដឹកនាំនៃគណបក្សកុម្មុយនីស្តចិន និងគណបក្សនយោបាយលើពិភពលោក កាលពីយប់ថ្ងៃទី៦ ខែកក្កដា តាមប្រព័ន្ធវីដេអូ។
រូប៖ ហ្វេសប៊ុក SPM
អ្នកវិភាគ និងមន្ត្រីបក្សប្រឆាំងថា ការបង្ហាញឥរិយាបទនយោបាយការទេសនៃរបបលោក ហ៊ុន សែន ដែលងាកទៅចិនជ្រុលនៅក្នុងរយៈពេលចុងក្រោយនេះ នឹងធ្វើឱ្យកម្ពុជាឃ្លាតចេញកាន់តែឆ្ងាយពីបណ្ដាប្រទេសលោកសេរី ពិសេសសហរដ្ឋអាមេរិក។ ករណីនេះនឹងធ្វើឱ្យកម្ពុជាខាតបង់ប្រយោជន៍សេដ្ឋកិច្ចពីក្រុមប្រទេសទាំងនោះ។
ប្រធានប្រតិបត្តិគណបក្សសង្គ្រោះជាតិប្រចាំរាជធានីភ្នំពេញ ដែលកំពុងភៀសខ្លួននៅក្រៅប្រទេសលោក ម៉ន ផល្លា លើកឡើងថា ប្រទេសក្រីក្រច្រើនណាស់កំពុងលង់ខ្លួនជំពាក់បំណុលចិនព្រោះការពឹងពាក់ចិនខ្លាំងជ្រុល។ លោកថា ប្រទេសចិនមិនដែលខ្វល់ពីការគោរពសិទ្ធិមនុស្ស ឬប្រជាធិបតេយ្យទេ គឺគេមើលឃើញតែផលប្រយោជន៍និងធនធានធម្មជាតិប៉ុណ្ណោះ។ លោកថា ការប្រឹងងាកនៅពេលនេះនឹងធ្វើឱ្យកម្ពុជា ឬពលរដ្ឋខ្មែរជួបគ្រោះថ្នាក់នាពេលខាងមុខ៖ «ប្រទេសមួយចំនួនដែលពឹងពាក់ក៏ដូចជាយកចិនធ្វើខ្នងបង្អែកគឺប្រទេសទាំងនោះមិនមានការរីកចំរើនផ្នែកវិស័យសេដ្ឋកិច្ចពិតប្រាកដទេ ហើយតែងទទួលរងការរំលោភសិទ្ធិមនុស្ស និងបាញ់សម្លាប់ប្រជាពលរដ្ឋខ្លួនឯង»។
ប្រតិកម្ម របស់មន្ត្រីបក្សប្រឆាំងនេះ ធ្វើឡើងក្រោយពីលោក ហ៊ុន សែន ចាត់ទុកចិនជាមិត្តដែលចេះជួយគ្នាក្នុងគ្រាក្រ និងបានផ្ដល់វ៉ាក់សាំងកូវីដ១៩ ឱ្យកម្ពុជាបានទាន់ពេល។ លោក ហ៊ុន សែន រំពឹងថា នៅពេលជំងឺកូវីដ១៩ បានថមថយទៅវិញ លោកក៏ត្រូវការចិនកាន់តែខ្លាំងថែមទៀត ដើម្បីជំរុញឱ្យសេដ្ឋកិច្ចកម្ពុជាងើបឡើងវិញ។ លោកក៏ប្រកាសគាំទ្រយុទ្ធសាស្ត្រនយោបាយខ្សែក្រវ៉ាត់និងផ្លូវ (BRI) របស់ចិន៖ «សូមសំដែងអំណរគុណយ៉ាងជ្រាលជ្រៅដល់សាធារណៈរដ្ឋចិនដែលបានយកចិត្តទុកដាក់ជួយគាំទ្រទាំងផ្នែកបច្ចេកទេស និងសម្ភារៈ និងជាពិសេសជំនួយជាវ៉ាក់សាំងបង្កាកូវីដ១៩ ដូចពាក្យស្លោកមិត្តល្អជួយគ្នាក្នុងគ្រាមានអាសន្ន»។
លោក ហ៊ុន សែន លើកឡើងបែបនេះ ក្នុងពេលលោកថ្លែងក្នុងកិច្ចប្រជុំកំពូលរវាងថ្នាក់ដឹកនាំនៃគណបក្សកុម្មុយនីស្តចិន និងគណបក្សនយោបាយលើពិភពលោក កាលពីយប់ថ្ងៃទី៦ ខែកក្កដា តាមប្រព័ន្ធវីដេអូ។
នៅថ្ងៃទី៧ ខែកក្កដា គណបក្សប្រជាជនកម្ពុជា បានចេញសេចក្ដីប្រកាសព័ត៌មានបង្ហាញលទ្ធផលនៃការចូលរួមរបស់លោក ហ៊ុន សែន ក្នុងសន្និសីទកំពូលនោះ ដែលមានចំណុចសំខាន់ៗដូចជា ទី១.សន្និសីទកំពូលនោះបានស្នើឲ្យគណបក្សនយោបាយនៅតាមបណ្ដាប្រទេសទាំងអស់ ប្ដេជ្ញាចិត្តក្នុងការកសាងគុណតម្លៃគ្នា រួមមាន សន្ដិភាព ការអភិវឌ្ឍ សមភាព យុត្តិធម៌ ប្រជាធិបតេយ្យ និងសេរីភាព។ ទី២.គណបក្សនយោបាយទាំងអស់ចាំបាច់ត្រូវតែចាត់វិធានការសកម្មភាព ដើម្បីអនុវត្តគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិឆ្នាំ២០៣០ ដើម្បីសម្របសម្រួលគោលនយោបាយម៉ាក្រូសេដ្ឋកិច្ច ពង្រឹងកិច្ចសហការប្រតិបត្ដិការសកលលើនវានុវត្តន៍បច្ចេកវិទ្យា និងលើកកម្ពស់ការចែករំលែកចំណេះដឹង និងបច្ចេកវិទ្យា។ ទី៣.គណបក្សនយោបាយមកពីបណ្ដាប្រទេសទាំងអស់ ត្រូវប្ដេជ្ញាសម្របសម្រួលការផ្លាស់ប្ដូរគ្នា និងការរៀនសូត្រទៅវិញទៅមកលើអរិយធម៌ ទំនាក់ទំនងរវាងប្រជាជន និងប្រជាជនដ៏រឹងមាំ ព្រមទាំងកិច្ចសហប្រតិបត្តិការលើវិស័យអប់រំ វិទ្យាសាស្ដ្រ និងបច្ចេកវិទ្យា វប្បធម៌ និងសិល្បៈ កីឡា ទេសចរណ៍ និងរវាងស្ថាប័នស្រាវជ្រាវ។
អ្នកវិភាគនយោបាយលោក គឹម សុខ យល់ថា សេដ្ឋកិច្ចកម្ពុជាមិនអាចពឹងតែលើប្រទេសចិនមួយទេ ផ្ទុយទៅវិញទីផ្សារធំរបស់កម្ពុជា គឺសហរដ្ឋអាមេរិក និងសហភាពអឺរ៉ុបឯណោះទៅវិញទេ។ លោកថា បើរបបក្រុងភ្នំពេញនៅតែប្រកាន់ឥរិយាបទនយោបាយការទេសបែបនេះ នឹងរុញកម្ពុជាឱ្យក្លាយទៅជាកូនជឹងចាំប្រឆាំងលោកសេរីជំនួសប្រទេសចិន៖ «មិនត្រឹមរងគ្រោះផ្នែកសេដ្ឋកិច្ចទេនាំឱ្យដល់ស្ថានភាពដុតកម្ទេចកម្ពុជាពេលនោះមិនត្រឹមតែអត់បាយទេប្រជារាស្ត្ររងគ្រោះហូរឈាមក្នុងល្បែងមួយដែលអ្នកដឹកនាំប្រទេសឱ្យធ្លាក់ក្នុងទំនាក់ទំនងផ្ដាច់មុខជាមួយចិន»។
រីឯអ្នកជំនាញផ្នែកវិទ្យាសាស្ត្រនយោបាយ និងទំនាក់ទំនងអន្តរជាតិលោក ឯម សុវណ្ណារ៉ា ស្នើឱ្យកម្ពុជាស្ដារចំណងទាក់ទងជាមួយអាមេរិកឡើងវិញដើម្បីបញ្ចៀសទណ្ឌកម្មបន្ថែមទៀត។ លោកថា កម្ពុជាគួរតែប្រើគោលនយោបាយកិច្ចការបរទេសទន់ភ្លន់ ទប់ទល់នឹងឥទ្ធិពលអាមេរិក និងមិនត្រូវងាកទៅរកចិនតែម្ខាងដែរ នៅក្នុងស្ថានភាពកាន់តែតានតឹងបែបនេះ។
សហរដ្ឋអាមេរិកបានសម្តែងកង្វល់ជាបន្តបន្ទាប់អំពីលទ្ធភាពវត្តមាននៃកងទ័ពចិន និងការកសាងបរិក្ខារយោធាចិននៅមូលដ្ឋានទ័ព្ទជើងទឹករាម។ អនុរដ្ឋមន្ត្រីការបរទេសសហរដ្ឋអាមេរិក អ្នកស្រី វិនឌី ហ្សឺមែន (Wendy Sherman) ជំរុញថ្នាក់ដឹកនាំរបបក្រុងភ្នំពេញ ឱ្យរក្សាគោលនយោបាយការបរទេសប្រកបដោយតុល្យភាព និងឯករាជ្យ ដោយតម្កល់ផលប្រយោជន៍ពលរដ្ឋខ្មែរជាធំ៕
1 comment:
Hun Sen is a puppet and nothing more. He is illegitimate. A dictator put there by the evil Yuon. China and Vietnam will carve up both Laos and Cambodia. The problem with the West is all they do is talk and try to appease Hun Sen. Waste so much time. If they are serious, they need to support the opposition with arms. To form a force to fight like Myanmar. The West will never convince him to turn to their side. They are only wasting precious time. Again, if they are serious about helping then they need to support the opposition, not with just empty words, but arms.
Post a Comment