អ្នកនាំពាក្យ​ក្រសួង​យុត្តិធម៌​ថា ការ​ចាត់​ថ្នាក់​នីតិរដ្ឋ​កម្ពុជា​ក្បែរ​បាត​តារាង គឺ​ជា​រឿង​មិន​សម​ហេតុផល

Khmer Circle: 

Among the core pillars of totalitarianism is patronage or nepotism and throughout Cambodia's history this fact has defined the character, thinking and reality of successive generations as well as shaping this nation's politics and place in the world. 

Once individuals and groups have been co-opted into a given social network and trappings of patronage, their overall movement, behaviour, allegiance and intellect become subsidiary or orientated to that tyranny of network and its tyrannised agendas. Oppose this system to that of the rule of law and its reliance upon checks and balance mechanism and it's not difficult for Cambodians to realise that the former is not only redundant and anachronistic, but also more importantly for their own sake and the sake of their posterity, cancerous!

🔺🔺🔺  

ដោយ ម៉ៅ សុធានី
2021-10-17
 

លោក ជិន ម៉ាលីន ថ្លែង​ក្នុង​សន្និសីទ​សារព័ត៌មាន នៅ​ថ្ងៃ​ទី​២២ មេសា ២០២០។
រូប​ថត​ពី​ហ្វេសប៊ុក​អង្គភាព​​អ្នកនាំពាក្យ​រដ្ឋាភិបាល

មន្ត្រី​ជាន់ខ្ពស់​ក្រសួង​យុត្តិធម៌​ប្រតិកម្ម​ថា ការ​ចាត់​ចំណាត់ថ្នាក់​នីតិរដ្ឋ​នៅ​កម្ពុជា ទាប​នៅ​បាត​តារាង របស់​អង្គការ​គម្រោង​យុត្តិធម៌​ពិភពលោក (WJP) គឺជា​រឿង​មិន​សម​ហេតុផល។

អង្គការ​គម្រោង​យុត្តិធម៌​ពិភពលោក (World Justice Project-WJP) ដែល​មាន​មូលដ្ឋាន​នៅ​រដ្ឋធានី​វ៉ាស៊ីនតោន កាលពី​ថ្ងៃទី​១៤ ខែ​តុលា បាន​ចេញ​ផ្សាយ​របាយការណ៍​ស្តី​ពី​ស​ន្ទស្សន៍​នីតិរដ្ឋ​ប្រចាំឆ្នាំ ២០២១ ដោយ​ចាត់​ចំណាត់ថ្នាក់​នីតិរដ្ឋ​នៅ​កម្ពុជា ទាប​ជាងគេ​បំផុត​នៅ​បាត​តារាង គឺ​លេខ​រៀង ១៣៨ ក្នុង​ចំណោម​ប្រទេស ចំនួន ១៣៩។

ទាំង ១៣៩ ប្រទេស គឺ​មាន​ប្រទេស​ចំនួន ៣ ដែល​មាន​ពិន្ទុ​ទាប​ជាងគេ​បំផុត នៅ​បាត​តារាង រួមមាន កម្ពុជា​ទទួល​បាន​លេខ​រៀង​១៣៨​ល្អ​ជាង ប្រទេស​វ៉េណេស៊ុយអេឡា (Venezuela) ដែល​កំពុង​មាន​វិបត្តិ​នយោបាយ​និង​សេដ្ឋកិច្ច ប៉ុន្តែ​អន់​ជាង ប្រទេស​មីយ៉ាន់ម៉ា (Myanmar) ឬ​ភូមា ដែល​ទទួល​បាន​លេខ​១២៨ ទោះបី​ប្រទេស​នេះ កំពុង​មាន​សង្គ្រាមស៊ីវិល​ក៏​ដោយចុះ​។ ចំណែក​ប្រទេស​ចំនួន ៣ ដែល​អនុវត្ត​នីតិរដ្ឋ​បាន​ល្អ​ជាងគេ នៅ​ឆ្នាំនេះ​គឺ ប្រទេស​ដាណឺម៉ាក (Denmark) ជាប់​លំដាប់​លេខ​រៀង​ទី ១ បន្ទាប់​មក គឺ​ប្រទេស ន័រវែស (Norway) លេខ​រៀង​ទី២ និង​លេខ​រៀង​ទី​៣ គឺ​ប្រទេស​ហ្វាំងឡង់ (Finland)។

លោក ជិន ម៉ាលីន សរសេរ​ក្នុង​ហ្វេសប៊ុក​ផ្ទាល់ខ្លួន កាលពី​យប់​ថ្ងៃទី១៦ ខែតុលា​ថា សប្តាហ៍​ក្រោយ លោក​នឹង​ណាត់ជួប​និង​ជជែក​គ្នា ជាមួយ​នាយក​ថ្នាក់​តំបន់ និង​ក្រុមការងារ​របស់​អង្គការ​គម្រោង​យុត្តិធម៌​ពិភពលោក (World Justice Project-WJP) អំពី​វិធីសាស្ត្រ​ស្រាវជ្រាវ​និង​ការវាយតម្លៃ​របស់​ពួកគេ។ លោក​សរសេរ​បន្ត​ថា ពិតជា​ចំឡែក​មែន ពិន្ទុ​នីតិរដ្ឋ​របស់​កម្ពុជា បែរជា​ទៅ​នៅ​ក្រោម​ប្រទេស​មួយ​ចំនួន​ដែល​ប្រកាន់​របប​កុម្មុយនីស្ត ប្រទេស​ខ្លះ​ដឹកនាំ​ដោយ​របប​យោធា និង​ប្រទេស​ខ្លះទៀត​កំពុងតែ​ច្បាំង​គ្នា​និង​ឡើង​កាន់​អំណាច​ដោយ​កម្លាំង​យោធា និង​រដ្ឋប្រហារ​ទៅវិញ។

ទោះបីជា​យ៉ាងណា ការ​ផ្ដល់​ចំណាត់ថ្នាក់​នីតិរដ្ឋ​នេះ គឺ​ធ្វើ​ឡើង​តាមរយៈ​ការសិក្សា និង​វាយតម្លៃ​ដោយ​ផ្អែកលើ​សូចនាករ​៨​ចំណុច រួមមាន ដែន​កំណត់​អំណាច​រដ្ឋាភិបាល ការ​លុប​បំបាត់​អំពើពុករលួយ រដ្ឋាភិបាល​បើកទូលាយ​សិទ្ធិ​ជា​មូលដ្ឋាន សណ្ដាប់ធ្នាប់​និង​សន្តិសុខ​សង្គម ការអនុវត្ត​បទប្បញ្ញត្តិ យុត្តិធម៌​ស៊ីវិល និង​យុត្តិធម៌​ព្រហ្មទណ្ឌ។

សន្ទស្សន៍​នីតិរដ្ឋ​របស់​អង្គការ​គម្រោង​យុត្តិធម៌​ពិភពលោក (WJP) គឺ​ផ្អែកលើ​ទិន្នន័យ​ប្រចាំឆ្នាំ ដោយ​ការ​ស្ទង់មតិ​ថ្នាក់​ជាតិ​លើ​ក្រុម​គ្រួសារ​ជិត ១៤​ម៉ឺន​គ្រួសារ (១៣៨.០០០) និង​អ្នក​អនុវត្ត​ច្បាប់ ព្រមទាំង​អ្នក​ជំនាញ​ចំនួន ៤.២០០​នាក់ នៅ​ជុំវិញ​ពិភពលោក។

កាលពី​ឆ្នាំ ២០២០ អង្គការ​នេះ​បាន​ចាត់​ចំណាត់ថ្នាក់​នីតិរដ្ឋ​នៅ​កម្ពុជា​នៅ​លេខ​រៀង​ទី ១២៧ ដែលជា​ចំណាត់​ថ្នាក់ទាប​ជាងគេ​បំផុត ក្នុងចំណោម​ប្រទេស​ចំនួន ១២៨៕